Óðinn - 01.07.1932, Qupperneq 25

Ó Ð I N N
73
Helgi Magnússon & Co. 25 ára.
Siðastliðií' vor, 3. maí, átti hið stóra og þekta
verslunarfyrirtæki Helgi Magnússon & Co. 25
ára afmæli. Það var stofnað 3. maí 1907 af
Helga Magnússyni, Kjartani Gunnlaugssyni og
Bjarnhjeðni Jónssyni járnsmið. En nálægt ára-
mótunum 1907 og 1908 gekk sá síðastnefndi úr
firmanu, og voru þeir Helgi og Kjartan einka-
eigendur þess, þar
til Knud Zimsen
borgarstjóri gerð-
ist meðeigandi
þeirra í janúar
1910. Þessir þrír
menn hafa átt
firmað síðan.
Helgi Magnús-
son er fæddur í
Syðra-Langholti í
Hrunamannahr. 8.
mai 1872. For-
eldrar hans voru
þau Magnús bóndi
Magnússon (alþm.
Andrjessonar) og
kona hans, Katrín
Jónsdóttir frá Kópsvatni. Helgi fór kornungur
að heiman og dvaldist fyrst 1 ár í Reykjavík,
en síðan um 9 ára skeið á Miðfelli í Hruna-
mannahreppi á heimili föðursystur sinnar. Árið
1892 fór hann til Reykjavíkur, tvítugur að aldrí,
til þess að læra járnsmiði, og lauk hann því
námi á 4 ára tíma hjá ólafi járnsmið Þórðar-
syni. Starfaði Helgi síðan við járnsmíðar í
Reykjavík, þar til þeir fjelagar stofnuðu verslun
sína árið 1907 eins og áður er getið.
Kjartan Gunnlaugsson, annar meðeigandi
firmans, er Reykvíkingur. Hann er fæddur hjer
í bænum 16. júní 1884. Foreldrar hans voru
þau Gunnlaugur prentari Stefánsson og kona
hans, Ingveldur Kjartansd. Kjartan var snemma
settur til starfa. Var hann fyrst aðstoðarmaður
Knúts Zimsen, þáverandi bæjarverkfræðings, við
mæling Reykjavíkur, og rjeðst síðan starfsmað-
ur til Knuts Zimsen, er hann stofnaði ásamt
Gísla járnsmið Finnssyni fyrstu járnverslun hjer
í bæ; þar starfaði Kjartan síðan, þar til hann
gerðist sjálfur kaupmaður árið 1907.
Eigendur firmans hafa skift þannig með sjer
verkum, að Helgi Magnússon hefur haft um-
sjón með allri verklegri starfsemi, sem það hef-
ur annast, Kjartan Gunnlaugsson hefur verið
verslunarstjóri og Knud Zimsen hefur verið
verkfræðilegur ráðunautur, þar til hann gerðist
borgarstjóri 1914.
Helgi Magnússon & Co. hafa verslað með
allskonar tekniskar vörur, svo sem vatnsleiðsl-
ur, skolpleiðslur og hitaleiðslur og hafa um
langt skeið verið
stærstu járnvöru-
salar landsíns.
Firmað hefur
haft viðskiftasam-
bönd við öll helstu
lönd Evrópu.
Helgi Magnús-
son & Co. lögðu
vatnleiðslur í fiest
hús í Reykjavík,
þegar vatnsveita
bæjarins var lögð
árið 1909. Mið-
stöðvar hefurfirm-
að lagt í afarmörg
hús í Reykjavík
og úti um land,
og skulu hjer talin nokkur þau stærstu: Bún-
aðarfjelagshúsið í Reykjavík, Landakotsspítal-
inn í Reykjavík, Pósthúsið í Reykjavik, Lands-
spítalinn í Reykjavík, Landsbanki lslands í
Reykjavík, Edinborg í Reykjavík, Nýi barna-
skólinn í Reykjavík, Landssímastöðin nýja í
Reykjavík, Vífilstaðahælið, Laugavatnsskólinn,
Reykjaskólinn, Barnaskólinn í Hafnarfirði, Spit-
alinn í Hafnarfirði, Mjólkurbú Flóamanna og
Valhöll á Þingvöllum.
Helgi Magnússon & Co byrjuðu verslun sína
i Bankastræti 6 og versluðu þar til 1926, en þá
flutti verslunin í hið nýbygða stórhýsi firmans
í Hafnarstræti 19 og hefur verið þar síðan. Nú í
ár hefur stórt verslunarhús verið reist i Banka-
stræti, norðan við það, móti gamla verslunar-
húsinu.
Mynd af þriðja eiganda firmans, Knúti Zim-
sen borgarstjóra, ásamt æfiágripi eftir Klemens
heitinn Jónsson fyrrum ráðherra, er í septem-
berblaði óðins 1917.
0
Kjarlan Gunnlaugsson.