Tímarit Hins íslenzka bókmentafélags - 01.07.1889, Síða 87

239
annað enn útdráttur úr kaflanum um Ketibjörn. f>ó
virðist það nokkuð hæpið að draga af þessu þá á-
liktun, að öll Landnáma Ara sje eldri enn íslend-
ingabók hin ingri, enn hitt virðist mega ráða af
þessari samkvæmni milli Landnámu Ara og hinnar
ingri íslendingabókar, að Landnáma sje skrifuð um
sama leiti og hún og ingri enn íslendingabók hin
eldri. Nú er þessi hin eldri bók skrifuð á árunum
1122—1133. Sje hún skrifuð snemma á þessu tíma-
bil, sem h'klegt er, má ætla, að Ari hafi birjað að
skrá Landnámu um 1125, og hafði hann þá nægan
tima til að fullgera þetta verk sitt á þeim 23 árum,
sem hann lifði upp frá því. Eflaust hefur hann,
áður enn hann birjaði á þessu, verið búinn að safna
miklu til landnámssögu íslands, svo að hann hefur
verið vel undir þennan starfa búinn, og verkið hef-
ur því getáð gengið fljótt úr hendi, þar sem Ari
var kunnugur. Enn þar sem hann var ókunnugur,
hefur verkið gengið seinna, því að þar hefur hann
orðið að safna sögusögnum um landnámsmenn víðs-
vegar um land hjá hinum fróðustu og áreiðanleg-
ustu mönnum, bera þær saman og prófa þær. Á
alþingi var gott tækifæri firir Ara að safna slíkum
sögnum, enn líklegt er, að hann hafi ekki látið sjer
nægja það, sem hann gat fengið að vita á alþingi,
heldur hafi hann sjálfur ferðast um landið og kint
sjer landslag og sögusagnir í þeim hjeröðum, sem
hann ekki þekti; á það bendir og nákvæmni Land-
námu, að þvi er snertir örnefni og staðlísingar.
Enn um þetta og þvílíkt getum vjer að eins
haft ágiskanir. Hitt virðist mega staðhæfa með
fullri vissu:
1) að Ari hafi skrifað sjerstaka Landnámu, sem
hefur verið efnisríkari enn svo, að hún hafi getað
verið partur af Islendingabók hinni eldri, og lik-