Dagblaðið Vísir - DV - 22.05.1984, Qupperneq 11

nr
11
fc«oríAM QTTnAnnraTo -r rrn
DV. ÞRIÐJUDAGUR 22. MAÍ1984.
Hvaö hefur einkennt þinghaldið í vetur?
Gert er ráð fyrir að þinglausnir verði i dag. Brþá iokið 106. iöggjafarþingi islendinga. Þetta málum. O V leitaði af þessu tilefni til þingmanna úr öllum fiokkum og óskaði álits þeirra á
láþó reyndar ekki Ijóst fyrir i gærkvöldi en þá stóðu yfir fundir þingflokksformanna og for- hvað hefði einkenn tþað þinghald sem nuerað Ijúka. Svör þeirra fara hérá eftir.
seta þingsins. Ýmsir stjórnarandstöðuþingmenn höfðu þá hótað málþófi til að tefja fyrir
Jóhanna Sigurðardóttir:
ðsamkomulag
stjórnarflokkanna
einkennandi
„Þaö er ljóst aö ef horft er til síö-
ustu vikna þá er einkennandi það
mikla ósamkomulag sem komið
hefur í ljós hjá stjórnarflokkunum í
hverju málinu á fætur öðru. Þaö
ósamkomulag stendur enn eftir
margra vikna samningaþóf,” sagöi
Jóhanna Sigurðardóttir, þingmaöur
Alþýðuflokksins. „Þetta ástand
hefur háö eðlilegum f ramgangi mála
og afgreiðslu þeirra á síðustu
dögum.
Þingstyrkur stjómarliðsins hefur
einnig gert það að verkum að
stjómarandstöðunni er gert ómögu-
legt að ná fram málum. Stjórnar-
liðið er með formenn í öllum
nefndum og þeir geta ráðið gangi
mála og hvaða mál eru afgreidd. Eg
hefði talið eðlilegra aö tekið hefði
verið meira tillit til stjórnarandstöð-
unnar þegar ákvarðanir voru teknar
um nefndaformenn.
Eg get nefnt sem dæmi að mál mitt
um endurmat á störfum láglauna-
hópa hefur ekki fengist rætt í nefnd-
inni þrátt fyrir ítrekaðar tilraunir.
Það sama er aö segja um fmm-
varpið um Framleiðsluráð land-
búnaöarins eins og komið hefur
fram. Þannig hefur komið fram
veruleg tilhneiging stjórnarliða til að
sitja á þingmálum.
Eg hef einnig áhyggjur af því að
stjórnarliðið hefur lagt mesta
áherslu á að koma fram málum sem
ganga á félagslega þjónustu og allar
efnahagsráöstafanir hafa bitnað á
launafólki. Þetta tel ég hafa verið
einkennandi fyrir þinghaldið í
vetur,” sagði Jóhanna Sigurðar-
dóttir. -OEF.
Halldór Ásgrímsson:
Eg tel aö þetta þing hafi verið
mjög áþekkt fyrri þingum. Það hafa
að vísu verið fleiri flokkar á þingi en
nokkru sinni fyrr og þar af leiöandi
hafa umræður verið lengri en oft
áður,” sagði Halldór Asgrímsson
sjávarútvegsráðherra.
„Eg er ef til vill ekki besti aöilinn
til að dæma hér um þar sem mestur
hluti af starfi þingsins fer fram í
nefndum, sem ég á ekki sæti í. En í
þingsölum hefur starfið verið með
heföbundnum hætti. Það má segja aö
það hafi einkennst af slæmu efna-
hagsástandi þar sem minna hefur
verið flutt af málum sem krefjast
aukinna útgjalda.
Stjómarandstaðan hefur verið
fremur róleg. Hún hefur að sjálf-
sögðu verið á móti mörgum þörfum
málum eins og stjómarandstöðunni
er tamt. Þótt nýir flokkar hafi bæst í
hóp stjómarandstöðunnar hafa þeir
ekki tekið upp nýja siði eins og ég átti
fremur von á, þannig að þeir myndu
fylgja þeim málum sem þeir teldu
nauðsynleg í stað þess að leggjast
gegn þeim.
Hvaö stjórnarsamstarfið varðar
þá hefur það gengið vel. Auðvitað
em alltaf vandamál í stjórnarsam-
starfi en þau hafa verið leyst. En ef
einhver ágreiningur hefur verið uppi
þá hefur alltaf verið reynt að gera
sem mest úr slíkum málum af
stjómarandstöðunni. En í flestum
tilvikum hafa það verið smámál sem
hafa verið blásin upp sem meiri-
háttar vandamál,” sagði Halldór
Asgrimsson. -OEF.
Guðmundur J. Guðmundsson:
Fjörugt við-
skiptalíf hjá
stjórnarflokkunum
„Þinghaldiö hefur einkennst sér-
staklega af hrossakaupum milli
stjómarflokkanna. Þar hefur ótrú-
legasta skiptimynt veriö notuð. Þaö
má segja að það hafi verið fjörugt
viöskiptalíf milli Framsóknarflokks
og Sjálfstæðisflokks á þessu þingi,”
sagði Guömundur J. Guðmundsson,
þingmaöur Alþýðubandalags.
„Það hefur einnig einkennt þing-
haldið að Alþingi hefur verið mjög
starfslítið fram eftir vetri en síðan
dembast stór mál inn í lokin sem
þingmenn hafa takmarkaðan tíma til
að sinna. Eg skil ekki hvernig stend-
ur á því aö nefndir skila ekki áliti
fyrr þannig að hægt sé að láta mál fá
nægilega umræöu og skoðun svo að
ekki þurfi aö vera aö hespa af mál á
síðustu dögunum. Hér er ekki við
ráðherra að sakast heldur frekar for-
mennþingnefnda.
Nú er verið að vinna veigamikil
mál og flókin löggjafaratriði á
kvöldin og á nætumar. Þetta á við
um mörg mál sem hafa tafist vegna
þess að nefndarálit hafa ekki komið
nægilega fljótt en hefði verið hægt að
afgreiða úr nefndum fy rir löngu.
Alþingi þarf að athuga sinn gang í
þessum efnum. Það þarf að breyta
þessum starfsháttum verulega. Það
kæmi vel til greina að forsetar þings-
ins rukkuðu mál úr nefndunum
mánaðarlega. Þeir hafa reyndar séð
ástæðu til aö minnast á þetta á þessu
þingi. Þetta hefur oft verið slæmt á
fyrri þingum en það hefur verið með
versta móti núna,” sagði Guðmund-
ur J. Guömundsson. OEF
r Guðrún Agnarsdóttir:
FUOTASKRIFTIN
Á ÞINGIER ÓFÆR
„Mér finnst þetta hafa verið
áhugaverður og lærdómsríkur tími.
Þetta eru mín fyrstu afskipti af
stjórnmálum, ég hef verið reynslu-
laus í þessum efnum og sé hlutina í
ljósi þess,” sagði Guðrún Agnars-
dóttir, þingmaður Kvennalistans.
„En ég tel að reynsluleysi sé ekki
síöur kostur en galli vegna þess hve
ferskum augum maður getur litið
málin. Sumir vilja meina að við
höfum komið inn á þetta þing á
þröngum forsendum, meö sjónarmið
kvenna og barna að leiðarljósi. En ég
neita þessu vegna þess að þaö sem
kemur konum og bömum best kemur
einnig körlum best. Eg er sannfærð
um að það er ekki í allra þágu að
sjónarmið hinna hörðu gilda, ef ég
má kalla þaö svo, verði rík jandi.
Það hefur verið ánægjulegt að fá
tækifæri til að tala hér um kvenna-
mál, að gefnu eða ekki gefnu tilefni.
Það hefur verið fróðlegt aö sjá við-
brögð þingmanna við því. Það hefur
einnig verið fróðlegt að fylgjast með
umræöum um stóru málin, fjárlög,
lánsfjárlög og bandorminn og sjá
hvaða forgangsrööun ríkir innan
þeirra. Hin mjúku gildi eiga ekki
aðeins rétt á sér inn í þá umræðu
heldur verða þau að komast þar að.
Það er lífsnauðsynlegt að þau komist
að.
Almennt séö mætti bæta mjög
vinnubrögð Alþingis. En það er erfitt
að rata bilið milli þess að aðlaga
þingstörf nýrri tækni og halda í
gamlarhefðir.
Sérstaklega finnst mér ófær þessi
fljótaskrift á þinghaldi fyrir jólaleyfi
og þinglok. Þá eru viðamikil mál
keyrö í gegnum þingiö án þess að
tími sé til að athuga þau. Þessi
vinnubrögð eru hvorki samboðin
þingmönnum, málunum né því um-
boði sem þingmenn eru kjörnir til aö
fara með. Með betra skipulagi og
meiri sanngimi milli stjómar og
stjórnarandstööu þyrftu þessi vinnu-
brögð ekki að vera,” sagði Guðrún
Agnarsdóttir. ÖEF
Eyjólfur Konráð Jónsson:
Athaf nasamt þing
„Það má segja að þetta hafi verið
athafnasamt þing, stundum kannski
um of. Ymis frumvörp sem óþarfi
hefði verið að samþykkja hafa farið í
gegnum þingiö en þegar þetta er sagt
er von til þess að sett verði á laggirn-
ar nefnd til að hreinsa burt óþörf
lög,” sagði Eyjólfur Konráð Jónsson,
þingmaður Sjálfstæðisflokksins.
„Annars eru megineinkenni þessa
þings þau að stjómin hefur ekki vikið
frá markaðri stefnu sinni um að ná
verðbólgunni niður, treysta atvinnu-
lífiö og skapa þannig grundvöll til
kjarabóta. Raunar hefði ég viljað
ganga lengra í skattalækkunum,
einkum fella niöur okurskatta á
nauðsynjavörur þar sem ríkið tekur
til sín meira en helming útsöluverðs
og bæta þannig kjörin án verulegra
kauphækkana.
Eg varð mjög óánægður með aö
Seðlabankanum var veitt heimild til
að hækka bindiskyldu um 10%. Þótt
hún sé skilyrt er hér um að ræða al-
ranga stefnu. Nú er bundið í Seðla-
bankanum og greitt til Fram-
kvæmdasjóðs um 33% sparifjár-
aukningar, en gæti orðið samkvæmt
heimildinni 43%. Hér er um aö ræöa
þá ofstjórnarstefnu í peningamálum
sem er meginorsök verðbólgunnar
og efnahagsvandræöa okkar, eða
„monetarismann” svonefnda sem
tröllriðið hefur vestrænum ríkjum en
allir eru nú að kasta frá sér nema
við.
Sérstaklega hefur verið ánægju-
legt að vinna aö utanríkismálum þar
sem hafréttarmálin hafa veriö aðal-
máhn og fullkominnar eindrægni
hefur gætt. Það er ljóst aö Islending-
ar verða sameinaðir um þá sókn í
landhelgismálum sem væntanlega
mun ná hámarki alveg á næstunni
þegar við helgum okkur landgrunniö
frá mörkum efnahagslögsögu Græn-
lands og alveg vestur á Hatton-
banka og 350 mílur út frá Islands-
ströndum. Jafnframt þessu veröur
reynt að ná samningum við ná-
granna okkar um yfirráö mjög víð-
áttumikilla hafsbotnssvæða á Rock-
all-Hatton hásléttunni,” sagði
EyjólfurKonráð Jónsson. OEF
Krístín S. Kvaran:
Endurskoða þarf starfstfma þingsins
„Það er alveg augljóst að Alþingi
er ekkert annaö en afgreiðslustofnun
fyrir ríkisstjómina. Hér er alveg
ótrúlegur seinagangur og ekkert
farið að vinna fyrr en komin er
pressa og þá eru málin keyrð í
gegnum nefndir og umræður. Þá
kemur einnig í ljós að ekkert skipu-
lag er á því hvernig eigi að afgreiða
málin,” sagði Kristín S. Kvaran,
þingmaður Bandalags jafnaðar-
manna.
„Eg var í fjárveitinganefnd sem er
einna virkust nefndanna. Þá sá ég að
nefndir vinna mjög mismikið. I fjár-
veitinganefnd er unnið mjög mikiö,
að minnsta kosti áöur en f járlög eru
afgreidd, og þar var mjög gott skipu-
lag á vinnunni. Af nefndarálitum
ýmissa annarra nefnda má sjá að
þetta gildir ekki um þær allar. Það
var mjög lærdómsríkt að taka þátt í
þessari vinnu.
Eg vil einnig taka það fram aö mér
finnst þaö oröið mjög tímabært að
endurskoða starfstíma og starfs-
hætti þingsins og lengja þingsetuna.
Starfstími þingsins eins og hann er
nú gerir það að verkum aö mörg mál
eru nú ekki afgreidd og það kostar
bæði tíma og peninga að þurfa að
leggja þau fram aftur á næsta þingi.
Þinghaldið ætti að vera fram í júní
og hefjast aftur í september. Það
gæfi þingmönnum gott sumarfrí og
tíma til að heimsækja kjördæmin.
Það skipulag sem nú er tilheyrir
gömlum tíma og er þjóðhagslega
mjög dýrt,” sagði Kristín S. Kvaran.
-ÓEF.