Dagblaðið Vísir - DV - 09.11.1985, Blaðsíða 14

14
DV. LAUGARDAGUR 9. NOVEMBER1985.
Rokkspildan
Rokkspildan
Rokkspildan
UPPTEKNAR
DÚKKUUSUR
Lítið hefur heyrst frá Dúkkulísum að undanförnu. Þær hafa verið
önnum kafnar við upptökur á nýrri plötu f Grettisgati Þursa og Stuð-
manna. Sem fyrr er það Tómas Tómasson sem stjórnar upptökunum og
eru þær nú á lokastigi. Alls eru lögin 6 og verður platan gefin út á vegum
Skífunnar, samkvæmt samningi sem fyrirtækið gerði við Dúkkulisur á
sínum tima. Að öllu óbreyttu mun piatan koma út um næstu mánaðamót.
Auk plötunnar með DúkkuUsunum mun Skifan gefa út tvær aðrar
islenskar plötur á næstunni, með Magnúsi Þór og Óla prik númer 2 (sjá
viðtal við Magnús Þór annars staðar á siðunni). Að auki gefur Skifan út
tvær safnplötur fyrir jóUn, annars vegar plötu með topplögum af vin-
sældalistum og hins vegar plötu sem inniheldur ástarlög. En einmitt slík
plata seldist eins og heitar lummur fyrir jólin í fyrra. -ÞJV.
MAGNÚS ÞOR SENDIR
FRÁ SÉR SÓLÓPLÖTU
Liðsmenn Skeleton Crew gripu i hin ýmsu hljóðfæri á tónleikunum í Hamrahlíð á sunnudagskvöldið.
DV-mynd PK.
Enginn uppgjafar-
hugur i MH-ingum
—þrátt fyrir dræma aðsókn á tónleika Skeleton Crew
„Það verður að segjast eins og er
að aðsókn á tónleikana var ekki nógu
góð. Aheyrendur voru eitthvaö á bil-
inu 250—300. Fjárhagslegt tap
tónlistarfélagsins er hátt í 50.000,”
sagði Jón Akason, formaður Tónlist-
arfélags MH, í samtali við DV. Eins
og greint hefur verið frá stóðu MH-
ingar að tónleikum í hátíðasal
skólans síöastliöið sunnudagskvöld.
Undirritaður komst því miður ekki á
tónleikana og gefum því Jóni aftur
orðið:
„Áður en salurinn var opnaður
voru skáldin Sjón, Jóhamar og fleiri
með uppákomu frammi á ganginum.
Klukkan hálfníu hóf svo hljóm-
sveitin Skeleton Crew leik sinn og
hlaut tónlistin góðar undirtektir
gesta. Leo Smith fylgdi í kjölfarið
ásamt hljómsveit sinni, New Delta
akri, og áður en Vonbrigði komust aö
lásu Jóhamar og Björk Guðmunds-
dóttir upp ljóö. Það var svo ekki fyrr
en laust eftir miðnætti sem Vonbrigöi
hófu leik og lauk tónleikunum um
klukkaneitt.”
„Vonsviknir"
Svona var sem sagt dagskráin í
aöalatriöum. Dagskrá sem MH-
ingar þurfa að borga 50.000 krónur
með. „Að vissu leyti erum við
vonsviknir,” sagði Jón Ákason.
„Þetta tap kemur nemendasjóður til
með aö greiða. En Grammið mun
taka einhvern þátt í því líka, þó svo
að tónleikarnir hafi verið haldnir í
nafni tónlistarfélagsins.” En hvaö
olli þessari dræmu aðsókn? „Það er
margt sem spilaði þar inn í. Ég tel
fyrst og fremst að tónleikarnir hafi
ekki fengið nægilega mikla umfjöllun
í f jölmiðlum. Ef teknir eru til viðmið-
unar tónleikar Physik TV í MH fyrir
tveimur árum þá fékk sú hljómsveit
og tónleikarnir sem slíkir ágæta
kynningu, bæði í blöðum og útvarpi.
Um þetta var ekki aö ræða núna.”
Tónleikar í dag
— Mun þetta áfall ríða Tónlistar-
félagiMHaöfullu?
„Alls ekki. I dag verður fram
haldið seinnihluta tónleikanna á
sunnudagskvöldið. Fram koma
ýmsar óþekktar hljómsveitir og líka
nokkrar þekktari eins og Dá, Tik
Tak, og jafnvel Vonbrigði aftur. Dag-
skráin hefst klukkan tvö i dag og
mun standa fram á nótt. Verði er
mjög stillt í hóf.”
— En hvað með frekari inn-
flutning erlendra hljómsveita?
„Við erum meö ýmislegt í sigtinu
sem ekki er tímabært aö nefna núna.
En ef af slíku yrði þá myndum við
leita eftir samstarfi við fleiri aöila,”
sagði Jón Akason.
Greinilega enginn uppgjafarhugur
í MH-ingum, þrátt fyrir slæman skell
á sunnudagskvöldið.
-ÞJV.
— og önnur plata kemur út með Óla priki
Magnús Þór Sigmundsson hefur
komið víða viö á löngum ferli sínum.
Innan skamms kemur út ný plata
með Magnúsi og þar mun kveöa
nokkuð viö annan tón en á síðustu
plötum hans.
„Jú, þetta er dálítiö öðruvísi
tónlist en ég hef verið að fást við á
síöustu árum og ég byggi mikiö á
hugmyndum sem ég vann með í
Englandi á sínum tíma. Það má
segja að þetta sé tónlist sem ég hef
ekki haft pláss fyrir fram að þessu.”
Magnús tók þessa plötu sína upp í
Mjöt (hvar annars staðar) og
stjómaði jafnframt upptökum ásamt
Tryggva Herbertssyni. Ásgeir
Öskarsson, Skúli Sverrisson, Þor-
steinn Jónsson, Þórður Ámason og
Vilhjálmur Guðjónsson sáu um
mestallan undirleik.
„Eftir að upptökum var lokið
fómm við Tryggvi út til Englands og
tókum þar upp trommueffekta.
Gamall vinur, sem ég á þar, kom
okkur svo í samband við mann sem
sá um hljóðblöndunina. Sá hefur
meðal annars „mixað” fyrir hljóm-
sveitina Police. Platan var svo
skorin í Þýskalandi í svokölluðum
DMM Process, sem á að tryggja
betri hljóm. Eg geri ráö fyrir að hún
komi út um miðjan þennan mánuð.”
Dreifing erlendis
Nýja platan hans Magnúsar hefur
fengið nafnið Crossroad (Kross-
götur). Skyldi nafnið vera táknrænt
fyrir straumhvörf í tónlist Magnús-
ar?
„Nei, ekki beinlínis. Þetta er lag
sem ég samdi fyrir nokkrum árum
þegar ég stóð á krossgötum í lífi
mínu. Nafnið er frekar táknrænt
fyrir ýmsar aðrar breytingar en tón-
listarlegar sem áttu sér staö hjá mér
áþeimtíma.”
Magnús fór á sínum tíma tii
Englands að freista gæfunnar, eins
og svo margir aðrir. Það er Skífan

Leo Smith trompetleikari. Fyrir aftan hann grillir í Skúla Sverrisson
bassaleikara. DV-mynd PK.
Magnús Þór Sigmundsson hefur
fulla ástæðu til að brosa breitt. Ný
sólóplata hans kemur bráðlega út
og einnig er væntanleg á markað
önnur plata um Óla prik.
sem gefur nýju plötuna út og fyrir-
hugað er aö dreifa henni erlendis
undir merki RCA. Magnús var
spurður hvort hann ætlaöi utan á ný.
„Nei, ég er ekki tilbúinn til þess.
Hér bindur mig bæði fjölskylda og
vinna. Platan hefur aðeins veriö
kynnt erlendum umboðsaðilum og
viðbrögð fram aö þessu hafa bæði
verið jákvæð og neikvæð. Núna hef
ég persónulega mesta trú á Banda-
ríkjunum og hugsanlega einhverjum
Evrópulöndum, öðru en Englandi.
Markaðurinn þar er of þröngur. En
utan fer ég ekki. Hugmyndin er að
gera frekar myndband og kynna
plötuna þannig.”
Prik númer tvö
Sólóplata er ekki það eina sem
Magnús Þór Sigmundsson hefur unn-
iö að upp á síökastiö. Oli prik var
plata sem kom út í fyrra og seldist
hún vel. Ola plata númer tvö er nú á
leiðinni og kemur hún út seinnihluta
þessa mánaöar.
„Þetta er ekki mín plata,” út-
skýrir Magnús, „heldur miklu
fremur þeirra sem syngja lögin.
Þessi plata er heilsteyptari en sú
fyrri og ég held aö hún ætti að ganga
betur en plata númer eitt.”
Flytjendur á þessari plötu um Ola
prik og fjölskyldu hans eru þeir sömu
og á fyrri plötunni en flutningurinn
er vafalaust ekki sá sami. Krakk-
arnir hafa elst og sumir drengjanna
eru komnir í mútur! -ÞJV.