Dagblaðið Vísir - DV - 09.04.1988, Page 28

28
LAUGARDAGUR 9. APRÍL 1988.
oersiæo saKamai dv
Ungverski aðalsmaðurinn
n r á f l
Peter Demeter var Ungverji sem
fluttist allslaus til Kanada eftir upp-
reisnina í heimalandi sínu 1956. Þar
kom hann vel undir sig fótunum og
eignaðist unga konu sem verið hafði
ljósmyndafyrirsæta. Svo komu upp
erfiðleikar í hjónabandinu og afleið-
ingar þeirra urðu óvæntar.
Bill Taggart, til hægri, meö starfsfélaga sínum.
Búdapest
Borgin Búdapest kom mikið viö
sögu er sovéskir hermenn héldu inn
í hana árið 1956 til þess að brjóta þar
á bak aftur óeirðir sem baráttumenn
frelsis í landinu höfðu staðið fyrir
eftir að hafa fengið sig fullsadda á
stjórn kommúnista.
Einn af þeim sem fylgdust með
þessum atburðum var Peter Demet-
er. Hann stóð þá á fertugu. Hann var
af aðalsættum en styrjöldin og vald-
stjórn kommúnista höfðu gert hann
eignalausan. Hann sá ekki fyrir sér
þá framtíð i heimalandinu sem hann
gæti sætt sig við og flúði úr landi.
Til Kanada
Frá Ungverjalandi komst Demet-
er til Vínarborgar þar sem hann var
um hríð en svo hélt hann frá Austur-
ríki til Kanada. Þangað kom hann
algerlega félaus en hann var vilja-
sterkur maöur og duglegur og
ákveðinn í því að koma sér áfram. í
fyrstu varð hann að ráða sig til þeirra
starfa sem buðust og um hríð hafði
hann ekki úr miklu að spila en svo
tók hann að stunda fasteignavið-
skipti og þá fór hamingjuhjólið að
snúast honum í hag.
Ljósmyndafyrirsætan
Viðskiptavinir Peters Demeters
voru fyrst og fremst evrópskir inn-
ílytjendur. Þegar hann hafði komið
vel undir sig fótunum ákvaö hann
að fara í heimsókn til heimalandsins
og þangað fór hann síðar nokkrum
sinnum.
Á einu af þessum ferðalögum sín-
um hafði hann sem oftar viðkomu í
Vínarborg og þar hitti hann þá unga
ljósmyndafyrirsætu, Christine Ferr-
ari að nafni. Þetta var árið 1965 og
hún var þá aðeins tvítug. Hún hafði
mikinn áhuga á því að komast áfram
í lífinu og leit svo á að Peter Demeter
myndi geta hjálpað henni. Hún hélt
vestur til Kanada með honum og
tveimur árum síðar gengu þau í
hjónaband.
Fastheldin á gamla tísku
Christine gekk í upphafi vel en
brátt tók að bera á því að hún var
fastheldin á gamla evrópska siði og
gat ekki fellt sig við léttan klæðnað
og íþróttafót sem þá voru að ryðja
sér til rúms vestra. Þetta varð henni
fjötur um fót í ljósmyndafyrirsætu-
starfinu enda varð hún brátt þekkt
Peter Demeter. Myndin var tekin er
hann var handtekinn.
Hettuklætt vitni á leið I réttarsalinn.
sem fyrirsætan með uppsetta, lakk-
aða hárið og andlitsfarðann. Þeim
fækkaði því tilboðunum sem hún
fékk. Rifrildum hennar og Peters
íjölgaði aftur á móti og brátt komst
á kreik orðrómur um að hún væri
farin aö halda fram hjá honum meö
mönnum sem væru yngri en hann.
Dóttir fæðist
Um vorið 1970 fæddist dóttirin
Andrea. Ætla heíði mátt að koma
hennar í heiminn hefði treyst sam-
band hjónanna en svo var ekki. Peter
Demeter grunaði aö hann væri ekki
faðir stúlkunnar og brátt fór hann
að hafa orð á því viö vini sína að
hann hefði í hyggju að skilja við
Christine. Er hann nefndi skilnaðinn
viö hana sagðist hún mundu krefjast
Christine Demeter.
helmings eigna hans en þau hjón
bjuggu þá í stóru og fallegu húsi í
einu úthverfa Toronto. Versnaði nú
sambúðin til muna.
Ungverjar í
undirheimunum
Um svipað leyti komu til Toronto
tveir Ungverjar sem flúið höfðu
heimaland sitt. Brátt kom í ljós að
þeir töldu hag sínum best borgið í
nýja landinu meö því að stunda þar
glæpastarfsemi.
Það er frekar sjaldgæft að glæpa-
menn beri lof á starfsbræöur sína.
Papaliafjölskyldan, sem var á þess-
um árum talin sú sem mestu réð í
undirheimum Kanada, lét þó hafa
eftir sér að engir menn væru harðari
og tillitslausari en þessir nýju
Kanadamenn sem hétu Lazlo Eper
og Kasca en sá síðarnefndi gekk und-
ir nafninu „Cutlip“. Báðir voru þeir
rúmlega fertugir.
Örlagaríkur dagur
Miðvikudaginn 18. júlí 1973 bauð
Peter Demeter mörgum evrópskum
gestum heim tii sín. Er kom fram á
kvöld fór hann með gestunum í
verslunarferð inn í miðborgina en
kona hans, Christine, varð eftir
heima með dótturina Andreu.
Um klukkan tíu um kvöldið sneri
fólkið aftur heim. Þegar Peter De-
meter opnaði dymar á bílskúrnum
blasti við ljót sjón. Christine lá þar
við hlið bíls sins, alblóðug og látin.
Hafði hún verið slegin í höfuðið.
Horfði á sjónvarp
Gestimir tóku að óttast um dótt-
urina Andreu og flýttu sér inn í húsið
til þess að leita að henni. Þeir komu
þá að henni þar sem hún sat fyrir
framan sjónvarpið. Haföi hún ekkert
óvenjulegt heyrt og gat engar þær
skýringar gefið sem varpað gætu
ljósi á það sem gerst hafði.
Er lögreglan kom á vettvang varð
ljóst að engu hafði verið stolið og
ekkert hafði verið eyðilagt. Þá hafði
Christine ekki veriö misboðið kyn-
ferðislega. Var því ekki annað að sjá
en einhver hefði viljað ryðja henni
úr vegi.
Hver var ástæðan?
Þetta var spurning sem lögreglan
reyndi nú að finna svar við. Til að
stjóma rannsókn málsins var valinn
kunnur leynilögregluamður, Bill
Taggart. Hann var þá fjörutíu og
þriggja ára, fæddur í Englandi og
hafði á sér það orö að vera einn
snjallasti rannsóknarlögreglumaður
í Tpronto.
Taggart var fljótur að komast á
snoðir um að hjónaband þeirra Pet-
ers og Christine var ekki gott. Þau
höfðu haldið hvort fram hjá öðru og
brátt kom í ljós að hvort um sig hafði
líftryggt hitt fyrir um milljón dala.
Fjarvistarsönnun
Fjarvistarsönnun Peters Demet-
ers var hins vegar óyggjandi. Hann
hafði verið með mörgu fólki í mið-
borg Toronto þegar kona hans var
myrt. Því sá Taggart fram á vanda
sem erfitt kynni verða að leysa. En
hann grunaði að Peter hefði fengið
einhvem til þess að ráða konu sína
af dögum og því leitaði hann til
tveggja manna sem voru af ung-
versku bergi brotnir, höfðu sambönd
í undirheimunum og höfðu áður gef-
ið lögreglunni upplýsingar. Eftir um
það bil mánuð komu þeir með þá
fregn að Peter hefði á sínum tíma
leitað til manns að nafni Saba Silagi
og spurt hann að því hvort hann vildi
taka að sér að myrða konu sína,
Christine.
Silagi einnig með
flarvistarsönnun
Rannsókn leiddi þó í ljós að Silagi
gat ekki hafa myrt Christine Demet-
er því hann hafði verið víðs fjarri
heimili hennar að kvöldi 18. júlí.
Silagi kvaðst aftur á móti þekkja
„vondu, ungversku tvíburana", en
það reyndust vera þeir Lazlo Eper
og „Cutlip“ Kasca. í framhaldi af at-
hugun á högum þeirra fullyrti svo
einn upplýsenda lögreglunnar, Klaus
Virag, að Demeter heði fengiö „tví-
burana" til þess að myrða konu sína.
Peter Demeter dæmdur
Þessi framburður nægði til þess
að Peter Demeter var tekinn til yfir-
heyrslu. Síðar var hann ákærður
fyrir morðið á konu sinni og um-
ræddur framburður Virags varð til
þess að hann var dæmdur í ævilangt
fangelsi.
Virag og Silagi var ekið hettu-
klæddum til réttarsalarins þar sem
þeir báru vitni. Kasca og Eper kom-
ust hins vegar hjá handtöku. Eper
lenti í skotbardaga við lögregluna
þegar handtaka átti hann og beið
bana en Kasca tókst að flýja úr landi
og hélt aftur til Ungverjalands. Síöar
bárust svo þær fregnir frá Búdapest
að þar hefði hann skýrt yfirvöldum
frá því að Eper Lefði myrt Christine
Demeter. Var frásögn hans furöuleg.
Saga Kasca
Kascas skýrði svo frá að það hefði
alls ekki verið Peter Demeter sem
hefði fengið Eper til þess að myrða
konu sína, Christine. Þaö hefði verið
hún sem hefði ætlaö að fá Eper til
að myrða mann sinn. Að kvöldi dags-
ins örlagaríka, skömmu eftir að Peter
hefði verið farinn inn í miðborg Tor-
onto með gestum sínum, hefði Eper
komið að máli við Christine til að
ræða morðið. Hefði hann þá farið
fram á hluta greiðslunnar fyrir það
fyrirfram en hún neitað að borga.
Rifrildi hefði þá komið upp og í bræð-
iskasti hefði Eper myrt „atvinnurek-
anda“ sinn.
Beðið um framsal Kasca
Yfirvöld í Kanada báðu nú um
að Kasca yrði framseldur því þessi
frambúrður hans gæti leitt til þess
að sakleysi Peters Demeters yrði
sannað. Ungversk yfirvöld sögðu
hins vegar að það væri þvi miður
ekki hægt því Kasca væri nýlátinn.
Hefði hann fengið heilablóðfall f
fangelsi. Taggart rannsóknarlög-
reglumaður sagðist hins vegar hafa
fengiö áreiöanlegar upplýsingar um
að Kasca hefði látist eftir höfuöhögg.
Skýringin
Skýringin á láti Kasca er sú.'eftir
því sem Taggart sagði frá löngu síð-
ar, að Kasca hefði fengist framseldur
frá Ungverjalandi ef kanadísk yfir-
völd hefðu fallist á að láta ungversk-
um yfirvöldum í staðinn í hendur
upplýsingar um hagi ungverskra
flóttamanna í Kanada. Kanadamenn
hefðu hins vegar neitað að fallast á
slíkt og þá hefði Kasca látist af
„heilablóðfalli".
Lítill vafi leikur þó á því að fram-
burður Kasca hefði fært Peter
Demeter frelsið en hann situr enn
inni. Hann er duglegur sem fyrr, rek-
ur prentsmiðju fangelsisins og er
hann hafði séð um reksturinn um
hríð sýndu reikningar hennar í
fyrsta sinn hagnað.