Dagblaðið Vísir - DV - 01.06.1988, Qupperneq 3

MIÐVIKUDAGUR 1. JÚNÍ 1988.
3
Fréttir
Gjaldeyriskaup bankanna:
Ekki gefið upp
hvað hver fékk
Seðlabankinn og viðskiptaráðu-
neytið hafa ekki gert opinbert hversu
mikið hver banki tók út af gjaldeyri
dagana fyrir uppstigningardag en
um 30 prósent af þeim gjaldeyri, sem
rann út þá, varð eftir í bankakerfmu.
Þetta gaf bönkunum um 100 milljónir
í gengishagnað.
„Að svo stöddu vil ég ekkert segja
frekar til um gjaldeyrisviðskipti
þessa daga. Ég bendi á að sumir
bankarnir starfa sem einkafyrir-
tæki,“ sagði Jón Sigurðsson við-
skiptaráðherra.
Eru seðlabankalögin ekki túlkuð
of vítt ef bankaleynd þeirra er látin
ná yfir viðskipti sem stríöa gegn al-
mannahagsmunum eins og margir
telja?
„Ég tel ekki að þessi viðskipti hafi
gert það. Bankarnir keyptu ekki
óeðlilega mikinn gjaldeyri, miðað viö
þá ásókn sem var í hann þessa viku.
En ég bendi á að það er full ástæða
til þess að breyta reglum um gjald-
eyrissölu Seðlabankans til banka og
sparisjóða," sagöi Jón.
-gse
Tveir af hásetunum á Olafi Bjarnasyni SH með goiþorskinn á milli sín.
DV-mynd ÁEA
Golþorskur í Olafsvík
var tveggja manna tak
Ámi E. Albertsson, DV, Ólafsvflc
Hann er sjálfsagt með þeim
stærstu sem komið hafa á land,
þorskurinn sem fékkst í trollið á Ól-
afi Bjarnasyni SH föstudaginn 27.
maí. Þegar búið var að taka innan
úr honum var hann þó varla nema
tveggja manna tak og þurftu háset-
arnir, sem héldu honum á loft fyrir
fréttaritara DV, að taka á til að hægt
væri að ná góðri mynd.
Það er öllum sjómönnum gleðiefni
að slíkir fiskar skuli enn finnast í
sjónum eftir eins lélega vertíð og
veriö hefur hér í vetur.
Enginn kvaðst eiga bílinn:
Tók hann trausta-
taki og seldi hann
„Viðskiptavinur" á einni af bíla-
sölum borgarinnar stal þaðan
Range-Rover jeppa og seldi eftir aö
hafa spurst fyrir um bílinn og enginn
sagst eiga hann. Þegar „viðskiptavin-
urinn“ vildi leita frekari upplýsinga
sögðu starfsmenn bílasölunnar „ekki
ég“ og bentu á eiganda bílsins. Hann
svaraði á sama veg, „ekki ég.“ „Við-
skiptavininum“ þótti því greinilegt
að enginn vildi eiga bílinn. Hann
braust inn í bílinn og ók á brott og
seldi skömmu síðar.
Nokkur tími leið þar til upp um
athæfið komst. Hinn rétti eigandi
hafði keypt dýrari bíl af bílasölunni.
Stefnt var að sölu Range-Roversins
og átti söluverðið að ganga upp í
milligjöfma. Eigandinn var látinn
skrifa upp á víxil sem átti að inn-
heimta ef bíllinn seldist ekki innan
ákveðins tíma. Þegar eigandinn fékk
tilkynningu um greiðslu á víxlinum
uppgötvaðist hvað gerst hafði.
Starfsmenn bílasölunnar töldu víst
að eigandi bílsins heföi loks sótt bíl-
inn. Þeir segjast hafa í tvígang óskað
eftir því við eigandann og töldu bíl-
inn alls ekki vera á þeirra ábyrgð.
Eigandinn hafði ekki sótt bílinn,
heldur hafði eins og fyrr sagði, „við-
skiptavinur“ tekið bílinn trausta-
taki. Hinn rétti eigandi telur að bíll-
inn hafi verið á ábyrgð bílasölunnar
en því er bílasalan ekki sammála.
Þegar svo var komið var málið
kært til rannsóknarlögreglu. „Viö-
skiptavinurinn" mun hafa gengist
við broti sínu. Eigandi bílsins og bíla-
salan deila um hver beri ábyrgð á
hvernig fór. Ekki hefur þess verið
krafist að bíllinn verði sóttur til þess
sem nú telur sig, í góðri trú, vera
eiganda hans. -sme
Hugmynd að næstu
HÁDEGIS
VEISLU
„Hálf ‘ dós af
rjómaskyri.
Nóg pláss fyrir
mjólk út á.
Njóttu vel!
NÝJUNG
AUK/SlA K3d1-573