Dagblaðið Vísir - DV - 15.10.1988, Blaðsíða 2

2
LAUGARDAGUR 15. OKTÓBER 1988.
Fréttir
Framsókn sigraði
í nefndaslagnum
- Velgengni þeirra í hlutkestinu tryggir tvo menn í öllum nefhdum
| H|u(fflllwklprin|r jþmgflnlrlranna A A||wngi
Jtt ! Svarti litnrinn sýnir nefnH- | arhlutfall, en sá hviti þing- LjsBa? styrk viðkomandi flokka
rrwiuwiHK AijiyotF* nvonna* oorgWft* Si«ftel£&olt 111111 ■
I töflunni kemur fram nefndastyrkur þingflokkanna og til samanburðar er
hafður þingstyrkur þeirra.
Framsóknarflokkurinn var hinn
ótvíræði sigurvegari í slagnum um
sæti í nefndum á Alþingi. Hann hefur
nú 46 sæti af þeim 163 nefndarsæt-
um sem til úthlutunar eru á þing-
inu.
Framsóknarmenn hafa því 28,2%
nefndarsæta Alþingis og er það
Alþingis en hann á sæti i sex nefnd-
um.
býsna fróðlegt ef horft er til þess að
í síðustu kosningum fengu þeir 18,9%
atkvæða. Framsóknarflokkurinn
hefur ávallt notið misvægis í kjör-
dæmaskipan og hefur því meiri þing-
styrk en atkvæöatölur segja til um.
Styrkur þeirra á þingi er 20,6%.
Framsóknarmenn hafa tvo menn í
öllum nefndum þings og eru með
flesta nefndarmenn í öllum deilum.
í eirfcfeild hafa þeir 18 nefndarsæti,
í sameinuðu þingi 10 og í neðri deild
18 sæti.
Stjórnarandstaðan
situr eftir
Sjálfstæðisflokkurinn hefur fimm
þingmönnum meira á Alþingi en eigi
aö síður er hann aðeins með 41
nefndarsæti sem er 25,2% af nefndar-
sætum Alþingis, 3% minna en Fram-
sóknarflokkurinn.
Að sjálfsögu er vaninn að stjórnar-
flokkarnir hafl í krafti meirihluta-
valdsins fleiri nefndarsæti en þing-
styrkur þeirra segir til um. Þaö er
þó ekki svo meö alla stjórnarflokk-
ana því Alþýðuflokkurinn er meö
15,9% þingstyrk en hefur aðeins
14,7% nefndarsæta, eða 24.
Alþýðubandalagið kemur betur út
úr þessum samanburði með 23 sæti
sem er 14,1% nefndarsæta. Þing-
styrkur þeirra er 12,7%.
Að sjálfsögðu er það hin ótrúlega
kosning í neðri deild sem gerir það
að verkum að styrkur framsóknar-
manna er jafnmikill og raun ber vitni
en þar komu þeir inn átta mönnum
í þau átta skipti sem framsóknar-
maður tók þátt í hlutkesti.
Það fer auðvitað vel á því að
nefndakóngur Alþingis komi úr
Framsóknarflokki en það er Guðni
Ágústsson, þingmaður þeirra í Suð-
urlandskjördæmi, sem situr í flest-
um þingnefndum, eða sex talsins.
Reyndar komst hann inn í þrjár
þeirra með hlutkesti svo að þessi
mikla nefndaþátttaka hans var ekki
séð fyrir. Næst á eftir honum koma
tveir aðrir framsóknarmenn en það
eru Valgerður Sverrisdóttir og Jó-
hann Einvarðsson.
Þá er einnig forvitnilegt að í þeirri
nefnd Alþingis, sem kýs varamenn,
utanríkismálanefnd, hafa framsókn-
armenn tvöfaldan styrk á við aðra.
-SMJ
Framleiðsla nýju bílnúmeranna brátt 1 gang:
Fyrstu númerin á göt-
una um mánaðamót
- mikill áhugi á númerunum
„Þaö er mikið spurt um nýju bíl-
númerin og það má segja að botninn
hafi dottiö úr þessari viðkvæmni sem
hefur rikt í kringum sérstök bílnúm-
er. Eftir að nýja skráningarkerfið
kom til sögunnar hafa ólíklegustu
númer fylgt bílum milli manna,
númer sem menn hefðu haldiö
dauöahaldi í áður," sagði Haukur
Ingibergsson, forstjóri Birfreiöaeftir-
hts ríkisins viö DV.
Framleiðsla nýju bílnúmeranna
mun hefjast í sérstöku húsi á Litla-
Hrauni á næstunni og er frágangur
þess á lokastigi. Vélar og hráefni til
númeragerðarinnar munu vera
komin til landsins.
„Nýju númerin verða hvít með
svörtum stöfum, tveim bókstöfum og
þremur tölustöfum þar á eftir. Það
verður hægt aö fá númer með einni
stafalínu eða tveimur og loks minni
númer sem eiga að passa í kassana
á bandarískum bílum. Bílar sem
verða enn á gömlu númerunum um
áramót fá aö halda þeim, en ef marka
má áhugann verða margir fljótir til
að skipta yfir á nýtt númer.“
Nýja keríiö er þannig aö við skrán-
ingu fær viðkomandi bíll númer sem
hann mun halda þar til hann verður
afskráöur. Að sögn Hauks verður
eitthvað um að menn muni sækjast
eftir sérstakri samsetningu bókstafa
og talna. Þau veröa þó ekki seld sér-
staklega. Skráningargjald hefur ekki
verið ákveðið.
-hlh
Sigurjón J. Sigurðsson, DV, Isafirði:
Starfsmenn Pósts og síma voru
önnum kafnir um síðustu helgi við
aö gera við skemmdir á sendineti á
Þverfjalli milli Skutulsfjaröar og
Önundarfjaröar. Þar brotnaöi burö-
arstaur fyrir FM sendinet og er talið
að hann hafi brotnað fyrir tíu dögum
þegar leifar fellibylsins Helenu
gengu yfir landið.
í síðustu viku var kvartað yfir
daufu sambandi á FM-sendingu út-
varps á Flateyri og Þingeyri og að
samband í handvirkum bílasímum
væri einnig mjög dauft.
„Þegar fariö var upp á Þverfjall að
kanna málið kom í ljós aö staurinn
var brotinn og þetta lá allt í skafli
en hálfsamband á því samt sem áð-
ur,“ sagði Árni Sædal símverkstjóri
í samtah viö DV. Unnió var að við-
gerð alla helgina og lauk henni á
sunnudag.
70% Akureyrarbíla
komin á vetrardekk
Gytfi Kristjánssan, DV, Akureyri:
„Eg reikna með að um 70% bif-
reiða á Akureyri séu komin á vetr-
ardekkin," segir Heiðar Jóhanns-
son, eigandi hjólbarðaþjónustu
Heiðars, þar í bænum.
„Þetta er óvenjumikiö miðað viö
árstíma en skýringin er einfaldlega
hretið sem við fengum um mánaða-
mótin síðustu. Þeir koma ávallt
fyrst sem eiga til dekk en hinir sem
þurfa aö kaupa dekk draga þetta
frekar eins lengi og hægt er,“ sagði
Heiðar.
Hann sagði aö snjódekk heföu
ekki hækkað nema um 15-25% frá
þvi á síðasta hausti. Þrettán tommu
dekk kosta í dag hjá honum frá
3.500-5.000 krónur en sóluð dekk
um 3.000 krónur og er hér átt við
negld dekk.
„Ég er á þvi að um 70% bíla hér
í bænum séu komnir á vetrar-
dekk,“ sagði Sveinn Bjarmann bjá
Höldi sf. Hann sagði að verð á 13
tommu dekkjum væri á bilinu
3.700-4.400 krónur, sóluð dekk
kostuöu um 3.300 krónur en verðið.
færi nokkuð eftir því hversu vel
þau væru negld þ ví hver nagli kost-
ar 8 krónur.
„Dekk hafa sáralítið hækkaö sl.
þrjú ár,“ sagði Gunnar Kristdórs-
son í Dekkjahöllinni. Hann sagði
að ný dekk kostuöu rúmlega 3 þús-
und krónur og verö á sóluðum
dekkjum væri mjög svipaö. Gunn-
ar sagðist álíta að 65-70% bifreiða
á Akureyri væru komnar á vetrar-
dekkin.
Starfsmenn Pósts og síma á ísafiröi unnu sleitulaust alla helgina við við-
gerð á FM-sendi á Þverfjalli.
DV-mynd BB.
ísaúörður:
Burðarstaur FM-
sendinga brotnaði
DV
„Utvega
vinnu í
öllum
löndum“
„Ég get útvegað fólki vinnu í
öllum löndum. Hjá mér hefur
verið mikið að gera. Þaö er fjöldi
manns sem leitað hefur til mín.
Ég veit ekki hvert það fólk hefur
farið þar sem ég bendi fólki að-
eins á vinnuveitandann og það
hefur síðan samband við hann
sjálft," sagði Eggerí Guðmunds-
son atvinnumiðlari.
Eggert hefur lengi auglýst í
smáauglýsingum DV að hann geti
útvegað fólki vinnu erlendis. í
auglýsingunni spyr Eggert les-
endur hvort þeir séu orönir
þreyttir á rughnu hér heima.
Hann býður vinnu á olíborpöll-
um, farþegaskipum, við hótel-
störf og fleira. Upplýsingarnar
selur Eggert á fjórtán hundruð
krónur.
„Norðurlöndin eru vinsælust.
Þangað er líka auðveldast að fara
til að vinna. Þaö þekkist hvergi í
öllum heiminum eins langur vin-
nutími og hér á landi. Þaö er rug-
liö hér,“ sagði Eggert.
-sme
Tónlistarskólinn:
Tæplega 600
nemendur í
skólanum
Gylfi Kristjánsson, DV, Akureyii:
Mjög mikil aðsókn hefur verið
í Tónlistarskólann á Akureyri í
haust og er fullbókað í skólann á
haustönn og raunar varð að visa
nokkrum frá.
Nemendur á þessari önn eru
um 57 talsins og um 30 kennarar
sjá um aö kenna þeim. Skóhnn
hefur búið við þröngan húsakost
að undanförnu en nú eru bjartari
tímar framundan í þeim efnum.
Viðbótarhúsnæði fær skólinn þar
sem skrifstofur æskulýðsfulltrúa
og heilbrigðisfulltrúa voru áður
til húsa og um áramótin bætist
enn húsnæði við.
Akureyri:
Fundur áhuga-
manna um
kammertónlist
Gylfi Kiistjánsson, DV, Akureyii:
„Rekstur kammerhljómsveit-
arinnar er mikið fyrirtæki og til-
efnið með þessum fundi er að
reyna að skapa tengsl við al-
menning og fá fólk til aö taka
þátt í stefnumótun og skipulagi
við rekstur hljómsveitarinnar."
Þetta sagði Jón Hlöðver Áskels-
son, skólastjóri Tónlistarskólans
á Akureyri, en á sunnudag verð-
ur haldinn stofnfundur félags
áhugamanna um rekstur kam-
merhljómsveitar á Akureyri.
Fundurinn verður haldinn í
Verkmenntaskólanum á Akur-
eyri og hefst kl. 16.
Kammerhljómsveit hefur verið
starfrækt á Akureyri sl. tvö ár
og hefur hún haldið marga tón-
leika. í sveitinni spila 30-50
manns hveiju sinni og sagði Jón
Hlöðver að rekstur slíkrar hljóm-
sveitar væri mikið verk og að
mörgu að hyggja.