Dagblaðið Vísir - DV - 15.04.1989, Blaðsíða 10

10
LAUGARDAGUR ÍS.'AÍ’RÍL 1989.
Breiðsíðan
Þeir eru söngelskir í Prentbergi í Kópavoginum þar sem hann Ari Jónsson söngvari vinnur.
Líklegast taka þeir gömlu Bítlalögin á meöan prentvélin leikur undir. DV-mynd GVA
Alltaf verið
Bítlaaðdáandi
- segir Ari Jónsson sem leikur Paul McCartney
í nýrri sýningu um Bítlana
Ari Jónsson söngvari, best þekktur sem Ari
í Roof Tops, sló í gegn á nýjan leik um síö-
ustu helgi á Hótel íslandi í hlutverki Pauls
McCartney í nýrri sýningu um The Beatles.
Ari þótti standa sig frábærlega í hlutverkinu
enda hefur McCartney alltaf verið hans mað-
ur eins og hann sjálfur segir.
„Mér leist strax vel á þessa hugmynd þegar
Birgir Hrafnsson bað mig að syngja í þessari
sýningu," sagði Ari í samtali við Breiðsíðuna.
„í gegnum árin hef ég sungið Bítlalögin meira
eða minna, ailt frá árinu 1967. Undanfarin ár
hef ég sungið með hljómsveitinni Pónik en
við höfum aðallega verið á einkaböllum í vet-
ur,“ sagði Ari.
Ekki hefur farið mikið fyrir Ara þrátt fyrir
að hann hafi aldrei lagt sönginn á hilluna. „Ég
er lítið fyrir að láta á mér bera,“ sagði hann.
Ari hefur ekki sungið inn á hljómplötu í mörg
ár en lagið hans Söknuður er enn jafn vin-
sælt ogþað var þegar platan kom út á sínum
tíma. „Eg er ekki lagahöfundur og það er ein
ástæða fyrir því að engin plata hefur komið
út, enda er söngurinn fremur áhugamál en
atvinna," sagði hann.
Ari er prentari að mennt og starfar hjá
Prentbergi í Kópavogi ásamt öörum söngelsk-
um prenturum enda segir hann að mikið sé
sungið í vinnunni.
í sýningunni á Hótel íslandi syngur Ari í
öllum atriðunum. „Ég kem fram sem Paul
McCartney eins og ég hef upplifað hann í
gegnum árin. Maður sá allar bíómyndir Bítl-
anna en ég hef ekkert skoðað af þeim núna
fyrir sýninguna. Æfingatíminn var mjög
stuttur, við byrjuðum um páska, þannig að
ekki gafst tími til að skoða myndbönd með
Bítlunum."
Ari sagði að honum litist vel á uppröðunina
á sýningunni en erfitt væri að taka mörg.lög
á einni klukkustund. „Það er farið í söguna
í grófum dráttum og tekin út ákveðin tíma-
bil. Sum lög heföu kannski átt að koma inn
og önnur að fara út en það er bara smekksat-
riði. Það er ekki gott að dæma það eftir eina
sýningu en ég reikna með að hún eigi eftir
að þróast þegar æfingin verður meiri.“
Mikið er lagt í búninga en þeir voru flestir
saumaðir fyrir sýninguna. Bítlaskómir voru
þó keyptir eriendis. „Sgt. Peppers búningarn-
ir eru mjög vel heppnaðir," sagði Ari.
Dansarar setja einnig svip á sýninguna og
þá klæddir tísku hvers tíma. Mörgum fannst
sprenghlægilegt þegar blómabömin, hipparn-
ir, komu fram á gólfið, enda klæðnaðurinn
vakiö minningar í brjóstum margra.
Ari sagðist hafa mjög gaman af að taka þátt
í sýningunni. „Ég hef alla tíð verið Bítlaaðdá-
andi og hef því mikla ánægju af að vera
með,“ sagði Ari.
- En er ekki erfitt að hlaupa úr vinnu í aðra
á kvöldin árum saman?
„Stundum, annars verður þetta eins og hver
önnur rútína. Á meðan maður er ekkert að
sulla og eyðileggja sjálfan sig þá er þetta í
góðu lagi,“ sagði Ari sem er kvæntur Hólm-
fríði Edwardsdóttur og þriggja barna faðir.
-ELA
Þú ert 2000 krónum ríkaii!
Það þótti víst ekki dýrt að versla í Kolaportinu um síðustu helgi og margir gerðu reyfarakaup. Hér eru nokkrir að fjárfesta í sólgleraugum fyrir sumarið og eru þau ekki bara ágæt þessi
sem konan hefur mátað? Við verðlaunum unga manninn að þessu sinni vegna þess hversu sposkur hann er á svip. Peninganna má vitja á ritstjórn DV, Þverholti 11.
-ELA