Dagblaðið Vísir - DV - 21.11.1992, Blaðsíða 20
20
LAUGARDAGUR 2L NÓVEMBER 1992.
Kvikmyndir
Það er kannski að bera í bakka-
fullan lækinn aö ætla sér að fjalla
í þessari grein um nýjustu mynd
Woodys Allen sem ber heitið Hus-
bands and Wives. Einkalíf Woodys
Allen hefur fengið svo mikla um-
flöllim á síðustu mánuðum að það
er líklegt að gagnrýnendur jafnt
sem áhorfendur eigi erfitt með að
leggja hlutlaust mat á þetta nýja
verk hans. Woody Ailen hefur alla
tíð verið þekktur fyrir að nota sér
ýmsa þætti úr einkalífi sínu í kvik-
myndum sínum þannig að margir
sjá fyrir sér hluta af lífsmynstri
Woodys Allen endurspeglast á
hvíta tjaldinu. Það er því dálitið
kaldhæðnislegt að efnisþráður
Husbands and Wives virðist að
mörgu leyti endurspegla ekki að-
eins hjónabandsslit þeirra Woodys
Allen og Miu Farrow, heldur einnig
ástæðima fyrir þeim.
Það er nokkuð langt síðan Woody
Allen lauk við gerð Husbands and
Wives, en það leið hins vegar lang-
ur tími þangað til myndin var
frumsýnd. Ástæðan er sú að Orion
fyrirtækið, sem hefur um árabil
framleitt myndir Woodys AUen,
var lengi svo fjárhagslega illa statt
að það treysti sér ekki að setja
myndina á markaðinn. Það endaði
með þvi að Tristar fyrirtækið, sem
er í eigu Sony samsteypunnar, tók
að sér dreifingu myndarinnar.
Mannleg samskipti
Husbands and Wives fjallar eins
og flestar myndir Woodys Allen um
mannleg samskipti. Myndin hefur
hlotið góðar móttökur og verið sett
í flokk með Manhattan (1979) og
Hannah and Her Sisters (1986) sem
af mörgum eru taldar bestu mynd-
ir Woodys Allen. Upphafsatriði
myndarinnar er einnig dæmigert
fyrir Woody Allen. Þau hjónakom-
in Gabe og Judy Roth, sem era leik-
in af þáverandi hjónakomum, Wo-
ody Allen og Mia Farrow, hafa boð-
ið kunningjafólki sínu í mat. Þegar
þau Jack (Sydney Pollack) og Sally
(Judy Davis) mæta á staöinn, til-
kynna þau vinum sínum svona til-
fallandi að þau hafi ákveðið að
skilja eftir langt hjónaband. Þetta
hefur mikil áhrif á Judy, sem fer
að líta í eigin barm og velta fyrir
sér sínu eigin hjónabandi. Gabe
reynir að útskýra fyrir henni hvers
vegna hjónaband þeirra Sally og
Jack hafi farið út um þúfúr. Jack
hafi verið farinn að halda við
vændiskonu sem vinnufélagi hans
hafði kynnt hann fyrir. Þetta leiðir
af sér heilmiklar umræöur milli
þeirra hjóna um hjónabandið,
hvers vegna Gabe vfiji ekki eignast
böm og hvemig mikið vinnuálag
og stíf tímaáætlun hafi niðurdrep-
andi áhrif á kynlíf þeirra.
Annarþáttur
Þá er fyrsti þáttur búinn og kom-
ið að öðrum þætti í þessu fjöl-
skyldudrama. Sally ákveður að
fara að líta í kringum sig eftir karl-
manni en þegar hún kemst að því
að Jack er farinn að búa með ann-
ari konu, hringir hún í hann ösku-
ill. Gabe stendur sig að því að vera
farinn að líta hým auga á Rain,
tvítuga stúlku sem er nemandi í
bekk sem hann kennir. Til að kór-
óna allt er Sally komin á þá skoðun
að hún njóti þess að vera fráskilin
og að ástæðan fyrir því hve Judy
tekur nærri sér skilnaö þeirra Jack
sé sú að hana dreymi sjálfa um að
vérða laus og liðug. Hvort það er
ástæðan eða ekki, þá kynnir Judy
vinkonu sína fyrir Michael, vinnu-
félga sínum, sem endar með því að
þau fara að vera saman þótt SaUy
sé mjög hikandi og varkár að taka
upp annað samband.
Það hefur einnig orðið nokkur
breyting á hjónabandi þeirra Judy
og Gabe. Nú vill hann að þau eign-
ist böm en hún tekur það sem ein-
hvem óánægjuvott hjá honum.
Flókið
ástarsamband
Og áfram heldur ballið. Rain
kynnir Gabe fyrir foreldrum sínum
og einnig hittir hann fyrrverandi
kærasta hennar, eldri mann sem
hún hafði staðið í ástarsamandi
við. Viðbrögð Judy viö þessu er að
hún fer að líta hým auga á Micha-
Leikstjórinn og eiginmaðurinn Woody Allen.
Eiginkonur
el. í veislu þar sem Jack kemst að
því að Sally og Michael hafa verið
saman, endar þessi hringavitleysa
með allsherjar uppgjöri á þann veg
að Jack og Sally ákveða að ragla
aftur saman sínum reytinn. Hins
vegar ákveða Judy og Gabe að
skilja. Hún vill kanna nánar til-
fimiingar sínar gagnvart Michael
meðan Gabe heldur áfram róman-
tísku sambandi sínu við Rain. Tæp-
um tveimur árum síðar em þau
Judy og Michael gift meðan Gabe
útskýrir að hann hafi ekki viljað
verða of háður Rain og hafi því
snúið sér að skriftum. Svo mörg
vom þau orð.
Fyrir þá sem hafa fylgst meö
skiinaðarmáli þeirra Woodys Allen
og Mia Farrow er forvitnilegt að
sjá samhengið í ástarsambandi
þeirra Rain og Gabe og svo raun-
veruleikann, þ.e. samband Woodys
Allen við hina ungu Soon-Yi sem
Mia Farrow ættleiddi á sínum tíma.
Því virðist sem Woody Allen hafi
einu sinni enn samofið sitt per-
sónulega líf við efnisþráð myndar-
innar.
Langurferill
Myndir Woodys AUen sem leik-
ara og leikstjóra em nú komnar
yfir á þriðja tuginn. Ferill hans sem
leikstjóra hefur verið viðburðarík-
ur og svo virðist sem hann eflist
við hverja raun. Hver hefði trúað
því að maðurinn á bak við Hus-
bands and Wives sé sá sami og fyr-
ir 23 árum leikstýrði sjálfum sér
og skrifaði handritiö aö myndinni
Take the Money and Rim (1969)? Á
þessu tímabili leikstýrði Woody
Allen hálfgerðum aulamyndum
þar sem hann var sífellt í vandræð-
um og mddi út úr sér heilmiklum
pælingum um lífið og tilveruna
ásamt fimm aura bröndurum inni
á milli. Þetta vora myndir eins og
What’s up, Tiger Lily (1966), Banan-
as (1971), Play it Again Sam (1972),
Everything You Always Wanted to
Know about Sex* (*But Were Afra-
id to Ask) (1972), Sleeper (1973) og
svo Love and Death (1977). það var
svo með myndinni Annie Hall
(1977) sem Woody Allen sýndi hvað
Umsjón
Baldur Hjaltason
í honum bjó sem kvikmyndagerð-
armanni en fyrir þá mynd hlaut
hann óskarsverðlaunin sama ár.
Með þeirri mynd hófst nýr kafli í
lífi Woodys AUen sem leikstjóra og
á eftir fylgdu myndir eins og Interi-
ors (1978) og Manhattan (1979), sem
staðfesti að Annie Hall hafði ekki
veriö nein tílvfijun.
Og
eiginmenn
Er Soon-Yi fyrirmyndin að Rain í Hjónakornin Judy og Gabe í myndinni.
myndinni?
Uppgjör
við þátíðina
En næstu myndir á eftír stóðu
ekki undir væntingum áhorfenda
en það vora Stardust Memories
(1980), A Midsummer Night’s Sex
Comedy (1982) og svo Zelig (1983),
sem þó var sérstök á margan máta
og dálítið öðravísi en flestar mynd-
ir Woodys Allen. En síðan náði
Woody Allen sér aftur a strik með
Broadway Danny Rose (1984), The
Purple Rose of Cairo (1985) og svo
Hannah and Her Sisters (1986) sem
líklega er ein besta mynd hans fyrr
og síðar.
Þangað til Husbands and Wives
var frumsýnd hafði Woody Allen
gert nokkar miðlungsmyndir eins
og Radio Days (1987), September
(1987), Another Woman (1988), New
York Stories (1989), Crimes and
Misdemeanors (1989), Alice (1990)
og svo 1 fyrra Shadows and Fog.
Það er von að allt þetta neikvæða
umtal um Woody Állen dragi ekki
úr áhuga aödáenda hans til að sjá
Husbands and Wives. Þessi mynd
er án efa ákveðinn vendipunktur 1
lífi hans og spuming hvaða stefnu
næstu myndir hans taki. Það er líkt
ástatt fyrir honum og söguhetju
myndarinnar, hann er orðinn ein-
stæðingur og er að leita fyrir sér
að nýju hlutverki í lífinu.
Helstu heimildir:
Variety, Entertainment Weeklý,
Sight and Sound