Dagblaðið Vísir - DV - 27.11.1993, Blaðsíða 4

4
LAUGARDAGUR 27. NÓVEMBER 1993
Fréttir
Guðmundur Árni Stefánsson heilbrigðisráðherra:
í hávaða og andstreymi
- Þú hefur verið gagnrýndur fyrir
gassaskap, talinn koma með illa
ígrundaðar tillögur og oft þurft að
draga tillögur þínar og ákvarðanir
til baka. Hefði ekki verið nær að
vinna betur og ráðgast við félaga
þína innan ráðuneytisins og í þing-
flokknum áður en tillögurnar voru
lagðar fram?
„Ég hef vitaskuld ráðgast við fjöl-
marga. Ég hef ekki farið fram með
gassaskap og að lítt ígnmduðu
máh. Velflestar ttUögur mínar hafa
náð fullkomlega fram að ganga og
aðrar að langstærstum hluta. Þrátt
fyrir þennan hávaða og það mold-
viðri sem þyrlað hefur verið upp
út af einstaka málum er ég fullviss
um að þegar rykið sest sjái fólk aö
hér hefur verið vel gert.“
- Hugmynd um tekjutengd sjúkra-
tryggingaiðgjöld var fleygt án sam-
ráðs við þig í samningum við verka-
lýðshreyfinguna nýlega. Ertu snið-
genginn i ríkisstjórninni?
„Nei, íjarri því. Tillögunum var
ekki fleygt án samráðs við mig. Ég
tel nauðsynlegt að heilbrigðiskerf-
ið fái nýtt fjármagn og aö spamað-
ur og hagræðing í heilbrigðisþjón-
ustunni eigi sér tímaleg endamörk.
Ein af niðurstöðunum í viðræðum
við verkalýðshreyfinguna var sú
að hinar sérmerktu tekjur sem áttu
að renna í heilbrigðiskerfið vom
aflagðar ásamt flölmörgu öðru. Þaö
var mat manna að ýmsu væri fóm-
andi til að fá vinnufrið. Þetta var
eitt af þeim atriðum."
- Talsverður ágreiningur hefur
verið milli þín og Friðriks Sophus-
sonar fjármálaráðherra um heilsu-
kortin og það hvernig eigi að fylla
upp í 400 milljóna króna gatið i fjár-
lögunum. Hvernig hyggist þið gera
það?
„Það er verkefni sem við emm
að ræða í ríkisstjóminni. Það er
ekkert óeðlilegt að ég sem fagráð-
herra útgjaldafrekasta ráðuneytis-
ins og hann sem ráðherra fjármála
ríkisins skiptist á skoðunum og
hafi ólík viðhorf tíl mála. Við emm
að fjalla um þetta þessa dagana og
ég væntí þess að við náum niður-
stöðu fljótlega þannig að ríkis-
stjómin og aðrir megi vel við una.“
- Er endanlega búið að jarða hug-
myndir um heilsukort og tekju-
tengd sjúkratryggingaiðgjöld eða
hyggstu útfæra þær eitthvað frek-
„A þessu stígi em þær ekki inni
í tekjuöflunarkerfi heilbrigðiskerf-
isins og þar með íjárlaganna fyrir
árið 1994. Ég held að það sé aðeins
tímaspursmál hvenær sjúkra-
tryggingaiðgjöld komi með einum
eða öðrum hættí inn á nýjan leik.
Undirbúningur að útgáfu hefisu-
korta er í gangi hér þó að ekki veröi
um þá gjaldtöku að ræða sem ráð
var fyrir gert.“
Efnisleg gagnrýni
- Þú gagnrýndir Sighvat Björg-
vinsson harðlega þegar hann var
heilbrigðisráðherra. Ert þú ekki á
góðri leið með að feta í hans fót-
spor?
„Ég gagnrýndi Sighvat Björg-
vinsson á efnislegum forsendum.
Ég hafði áhyggjur af því að hann
færi of geyst í að fjármagna heU-
brigðiskerfiö með þjónustugjöld-
um. Ég taldi að menn yrðu að stíga
varlega tU jarðar við álagningu
þjónustugjalda því að sjúklingar,
aldraðir og böm lenda eöli málsins
samkvæmt í þessari álagningu. Ég
tel aö ekki verði lengra farið með
þjónustugjöld sem veigamikla
Guðmundur Árni Stefánsson heilbrigðisráðherra: „Ég vildi gjarnan láta athafnir fylgja orðum. Pólitík er
óvissa. Þegar menn hugsa um pólitík í ég-inu eiga þeir að snúa sér að öðru. Ég taldi mig og tel mig ennþá
geta gert gagn í þessu ráðuneyti. Þess vegna er ég hér.“ DV-mynd BG
tekjuöflun í heUbrigðiskerfinu.
Þau gegna áfram hlutverki sem
virkt neytendaeftirlit. Ég læt mér
í léttu rúmi Uggja það sem menn
hafa sagt í gríni og alvöru um að
forveri minn sé orðinn hálfgerð
móðir Teresa eftir að ég settist hér
inn. Ég hef lent í stælum og and-
streymi vegna einstakra ákvarð-
ana. AUar fullyrðingar um að ég
hafi ætt af stað af lítilli fyrirhyggju
og endað í tómri þvælu eru algjör-
lega út í bláinn."
- í leikskóladeilunni hefurðu verið
gagnrýndur fyrir að taka ákvarð-
anir án samráðs. Hefurðu einræð-
istilhneigingar?
„Ég hef verið gagnrýndur fyrir
einræöistilhneigingar, yfirgang og
frekju og um leið fyrir að vera eins
og vingulí og standa ekki í ístaöinu.
Ætli ég sigli ekki lygnan meðalsjó."
- Þú ætlaðist til þess að sveitarfé-
lögin yfirtækju rekstur leikskól-
anna að fullu. Nú er ljóst að rekst-
urinn verður óbrey ttur, að minnsta
kosti næsta árið. Hefurðu náð hug-
myndum þínum fram?
„Auðvitað hef ég ekki náð fram
mínum ýtrustu hugmyndum.
Sveitarfélögin og ríkið komá að
rekstrinum á næsta ári. Þá strax
Yfirheyrsla
Guðrún Helga
Sigurðardóttir
lækkar framlag ríkisins úr 210
milljónum í um 70 milljónir og fer
svo snarminnkandi ár frá ári þar
til styrkur ríkisins verður enginn
eftír fimm ár. Hér er um varanlega
hagræðingu og breytingu að ræða.“
- Þurftirðu ekki að draga ákvarð-
anir þínar i Gunnarsholtsmálinu til
baka lika?
„Þaö stendur sem ég sagði. Viö
æfium ekki að reka meðferðar-
stofnun í Gunnarsholtí. Við höfum
kallað saman vinnuhóp og ég væntí
þess að við náum prýðilegri lend-
ingu. Ljóst er að reksturinn heldur
áfram í breyttu formi og að fjár-
framlag heilbrigðisráðuneytisins
verður mun lægra en áður.“
- Gætt hefur talsverðrar óánægju
meðal grasrótarinnar í Alþýðu-
fiokknum með ríkipstjórnarsam-
starfið. Valta ráðherrar Sjálfstæð-
isfiokksins yfir ráðherra Alþýðu-
fiokksins?
„Nei, það er af og frá. Þegar lítill
flokkur eins og Alþýðuflokkurinn
er í samstarfi með stórum flokki
eins og Sjálfstæðisflokknum koma
upp álitamál og menn velta fyrir
sér hvort halli á annan hvorn sam-
starfsaðilann. Frá byijun stjómar-
samstarfsins hefur verið rætt um
að ráðherrar Alþýðuflokksins hafi
tekiö störf sín alvarlegar en ráð-
herrar Sjáifstæðisfiokksins, verið
kraftmeiri í nauðsynlegum sparn-
aði og gengið harðar fram. Agæti
stjómarsamstarfsins hefur verið
umdeilt hjá sumum í flokknum.
Margir flokksmenn tortryggja
samstarf við Sjálfstæðisflokkinn og
aðrir í flokknum hefðu viljað
áframhaldandi vinstristjóm."
- Heldurðu að rikisstjórnarsam-
starfið komi niður á Alþýðuflokkn-
um i kosningum?
„Það gefur auga leið að aðild Al-
þýðuflokksins að þessari ríkis-
stjórn er langstærsta ástæðan fyrir
slöku gengi flokksins í skoðana-
könnunum. Boðberar válegra tíð-
inda vom teknir af lífi fyrr á tím-
um. Nú er auðvitað ekki gengið svo
langt en menn fagna ekki boðber-
um válegra tíðinda. Þaö hefur verið
hlutskipti ríkisstjómarinnar aö
segja frá hinni erfiðu stööu efna-
hags- og atvinnumála og grípa til
óvinsælla aðgerða tíl að sporna við
þeim áhrifum. Ég er þess fullviss
að nú þegar menn sjá loks fyrir
endann á þessu samdráttarskeiði
taki hagur Alþýðuflokksins að
batna.“
- Opinberir starfsmenn fá biðlaun
þegar þeir missa starfið. Þú fékkst
biðlaun þegar þú hættir sem bæjar-
stjóri. Var þetta ekki siðblinda af
þinni hálfu?
„Nei.“
- Þú hefur ráðið mág þinn, Jón H.
Karlsson viðskiptafræðing, sem
aðstoðarmann þinn í heilbrigðis-
ráðuneytinu. Jón er óreyndur i
pólitik. Hefði ekki verið æskilegra
að ráða annan mann, sérstaklega
með tilliti til mægðanna?
„Nei.“
Pólitík er óvissa
- Stjórn Alþýðuflokksfélagsins í
Hafnarfirði samþykkti sögulega
ályktun þar sem þátttaka í rikis-
stjórninni var gagnrýnd harðlega.
Ertu að stofna þinni pólitísku fram-
tíð í hættu með þátttöku í þessari
ríkisstjórn?
„Það gefur auga leið aö með þeirri
ákvörðun minni að taka boði
flokkssystkina minna um að taka
sætí í þessari ríkisstjórn lagði ég
mína pólitísku framtíð að veði.
Þannig á það að vera í póhtík. Ég
gerði mér þetta fullkomlega ljóst
og gekk að því meö opin augu.“
- Ertu að missa tökin á stuðnings-
mönnum þínum í Hafnarfirði?
„Ég hef aldrei haft nein tök á vin-
um mínum í Hafnarfirði. Ég hef
haft gott samstarf við þá. Þaö hefur
ekkert breyst. Fimm dögum eftir
samþykkt stjórnar Alþýðuflokksfé-
lagsins í Hafnarfiröi lýsti 60 manna
fundur trúnaöarmanna sérstöku
trausti á mín störf.“
- Nú ert þú sestur á þing í fyrsta
skipti og orðinn ráðherra í einu
erfiðasta ráðuneytinu. Hefði ekki
verið eðlilegra og kannski æski-
legra fyrir þig að sitja áfram sem
bæjarstjóri í Hafnarfirði?
„Ég var búinn að vera bæjarstjóri
í sjö ár og bæjarfulltrúi í ellefu ár.
Þegar mér bauðst þetta starf gat
ég ekki hlaupist undan, ekki síst í
ljósi þess að ég hafði áður gagnrýnt
ýmislegt í þessu ráðuneyti. Eg vildi
gjarnan láta athafnir fylgja orðum.
Póhtík er óvissa. Þegar menn
hugsa um póhtík í ég-inu eiga þeir
að snúa sér að öðru. Ég taldi mig
og tel mig ennþá geta gert gagn í
þessu ráðuneyti. Þess vegna er ég
hér.“