Dagblaðið Vísir - DV - 03.12.1994, Page 18
18
LAUGARDAGUR 3. DESEMBER 1994
Dagur í lífi Torbens Rasmussens, forstöðumanns Norræna hússins:
Fjöldi gesta á
kosningavöku
Torben Rasmussen, forstöðumaður Norræna hússins, tók á móti nokkur hundruð gestum á kosningavöku Norð-
manna á mánudagskvöld. DV-mynd GVA
Fjölskyldan fór á fætur klukkan sjö
á mánudagsmorguninn. Börnin Sid-
sel, sem er 14 ára, og Johan, sem er
9 ára, þurftu aö mæta snemma í skól-
ana sína, Hagaskóla og Melaskóla.
Konan mín, Else KjærulffLauridsen,
fór einnig á fætur um sama leyti og
viö borðuðum saman morgunverð.
Klukkan átta var ég kominn til vinnu
í Norræna húsinu og fór yfir það sem
fjalla átti um á starfsmannafundi
sem fyrirhugaður var þennan morg-
un.
Skömmu síðar kom stjórnarfor-
maður Norræna hússins, Lennart
Elmevik prófessor, til að ræða ýmis
málefni, þar á meðal gjöf vegna
vígslu Þjóðarbókhlöðunnar 1. des-
ember.
Jóladagskrá
fínpússuð
Klukkan hálftíu var fundur með
öllum starfsmönnum Norræna húss-
ins. Meðal þess sem rætt var voru
fjármál, dagskrá hússins á árinu sem
er að líða og stór dagskráratriði á
komandi ári. Skoðaðar voru upplýs-
ingar um væntanlegan fund Norður-
landaráðs hér á landi um mánaða-
mótin febrúar-mars á næsta ári. Far-
ið var yfir það sem í vændum var
þessa viku og sérstaklega beina út-
sendingu norska sjónvarpsins á
mánudagskvöld vegna þjóðarat-
kvæðagreiðslunnar í Noregi um að-
ild að Evrópusambandinu. í lok
fundarins var rætt um jóladagskrá
Norræna hússins.
Að fundinum loknum gekk ég frá
samkomulagi við Guðmund K.
Magnússon prófessor um umræður
í Norræna húsinu sunnudaginn 4.
desember um afleiðingarnar af nýrri
stöðu Norðurlanda gagnvart Evr-
ópusambandinu og innbyrðis. Auk
Guðmundar taka þátt í umræðunum
sendiherrar Norðurlandanna. Sendi
fréttatilkynningu um væntanlegar
umræöur til ýmissa aðila auk fjöl-
miðla.
Síðan tóku við símhringingar tO
ýmissa aöila á Norðurlöndum vegna
kynninga og funda sem ráðgerðir eru
í Norræna húsinu, meðal annars til
Norrænu tungumála- og upplýs-
ingamiðstöðvarinnar og til bók-
menntagagnrýnanda og rithöfundar.
í undirbúningi er viðamikil menn-
ingardagskrá í Norræna húsinu í
tengslum við fund Norðurlandaráðs.
Óskað eftir
sýningaraðstöðu
Rétt fyrir hádegi var póstur dagsins
kominn inn á borð til mín og í honum
var meðal annars bréf frá danskri
konu, búsettri á Ítalíu, sem óskaði
eftir því að fá að halda sýningu í
Nprræna húsinu árið 1996.
í hádeginu snæddi ég með Lennart
Elmevik og konu hans. Að hádegis-
verði loknum las ég dagblöð, bæði
íslensk og önnur Norðurlandablöð,
til að geta fylgst með því sem er að
gerast á hverjum stað.
Ég gekk frá bréfi til arkitektasafns
Finnlands vegna sýningarinnar
Byggingarlist á íslandi. Verið er að
athuga hvort hægt verði að halda þá
sýningu í safninu næsta haust.
Um fimmleytið lagði ég af stað
heim að Skildinganesi 50. Þar náði
ég í jólapakka sem við vorum búin
að ganga frá til sendingar til Dan-
merkur. Ég flýtti mér með pakkana
niöur á pósthús því fresturinn var
að renna út.
Spennandi
kosningavaka
Um hálfsjö borðaði fjölskyldan
saman kvöldverð og þremur stund-
arfjórðungum síðar var ég kominn
aftur upp í Norræna hús. Þar var
mikið um að vera vegna kosninga-
vökunnar frá Noregi. Aö henni stóð
ekki bara Norræna húsið heldur
einnig norska sendiráðið og Félag
Norðmanna á íslandi. Alls komu á
milli 250 og 300 gestir í húsið um
kvöldið. Það var góð stemning og svo
virtist sem mikil ánægja ríkti vegna
niðurstööunnar.
Ég var kominn í rúmið um eittleyt-
ið. Með mér hafði ég Kristnihald
undir Jökli.
Finnur þú fimm breytingar? 286
©PIB
Þetta er einfaldlega besti fjárhundur sem ég hef átt.
Nafn:
Heimili:
Vinningshafar fyrir tvö hundruð áttugustu og fjórðu
getraun reyndust vera:
1. Árni Hilmarsson, 2. Pétur Skaptason,
Sólvallagötu 30, Elliðavöllum 10,
101 Reykjavík. 230 Keflavík.
Myndirnar tvær virðast við fyrstu sýn
eins en þegar betur er að gáð kemur í ljós
að á myndinni til hægri hefur fimm atriö-
um verið breytt. Finnir þú þessi fimm at-
riði skaltu merkja við þau með ki’ossi á
myndinní til hægri og senda okkur hana
ásamt nafni þínu og heimilisfangi. Að
tveimur vikum liðnum birtum við nöfn
sigurvegaranna.
1. verðlaun:
krónur frá Sjónvarpsmiðstöðinni hf.
eru
2. verðlaun:
Fimm Úrvalsbækur. Bækurnar, sem
í verðlaun, heita: Þú ert spæjarinn, Sím-
inn, Á ystu nöf, í helgreipum haturs og
Lygi þagnarinnar. Bækumar eru gefnar
út af Frjálsri fjölmiðlun.
Merkið umslagið með lausninni:
Finnur þú fuum breytingai’? 286
c/o DV, pósthólf 5380
125 Reykjavík