Dagblaðið Vísir - DV - 18.01.1997, Blaðsíða 14

LAUGARDAGUR 18. JANÚAR 1997
14 ^ánlist
Fjöllistahópurinn Gus Gus á leiðinni að verða heimsfrægur:
Fjöllistahópurinn Gus
Gus, sem samanstendur
af tónlistarmönnum, leik-
urum, plötusnúðum, ljós-
myndurum, dönsurum og
kvikmyndagerðarmönn-
um, alls 9 manns, gerði á
síðasta ári samning við
breska plötufyrirtækið
4AD um gerð fimm hljóm-
platna á næstu árum.
Fyrsta platan,
Polydistortion, er núna í
vinnslu og er væntanleg á
erlenda markaði í byrjun
apríl nk. Smáskífa kom út
í vetur og hefur henni
verið vel tekið. Nýlega
hafa birst lofsamlegir
dómar í þekktum erlend-
um tónlistartímaritum
eins og New Musical Ex-
press, Face og Vox.
Að sögn Baldurs Stef-
ánssonar, framkvæmda-
stjóra og eins meðlima
Gus Gus, hefur 4AD
samið áfram við nokkra
aðra framleiðendur og
dreifingaraðila víða um
heim, m.a. Warner Bros. í
Bandaríkjunum, Virgin í
Frakklandi og Nippon
Columbia í Japan. Ljóst
er að fyrsta plata Gus Gus
kemur til með að fara á
markaði sem ná til hund-
ruð milljóna manna.
„Þeim hjá 4AD fannst
spennandi hvað við erum
virk í bæði tónlist og
kvikmyndagerð. Þó þeir
ætli að einbeita sér að
gerð platnanna fannst
þeim ímynd okkar mjög
áhugaverð. Það fer mjög
gott orð af 4AD og fyrir-
tækið á mjög auðvelt með
að koma tónlistarfólki á
framfæri. Þeir eru engir
jólasveinar," eins og al-
gengt er í þessum
bransa," segir Baldur en
4AD fékk fyrst áhuga á
hópnum í desember 1995,
skömmu eftir að plata
Gus Gus kom á markað
hér heima. Hópnum var
boðið til Bretlands í mars
í fyrra og þar var samn-
ingur gerður klár og und-
irritaður siðan um sumar-
ið.
Varð til
eftir stuttmynd
Þeir sem skipa Gus Gus
hópinn, ásamt Baldri, eru
Daníel Ágúst Haraldsson,
Magnús Jónsson, Hafdís
Huld Þrastardóttir, Sig-
urður Kjartansson, Stefán Ámi Þorgeirsson, Stephan Steph-
ensen (Steph) og Magnús Guðmundsson, betur þekktur undir
nafninu Maggi Legó. Á ensku kallar hann sig Herr Legowitz!
Öll eiga þau að baki fjölbreytta reynslu og menntun í hinum
ýmsu listgreinum.
Kvikmyndafyrirtækið Kjól og Anderson, sem Sigurður og

Gus Gus hópurinn eins og hann leggur sig. Ef myndraöirnar eru taldar frá vinstri til hægri, ofan frá, þá eru það Stephan Stephensen
(Steph), Baldur Stefánsson, Magnús Guömundsson (Herr Legowitz), Daníel Ágúst Haraldsson, Hafdís Huld Þrastardóttir, Magnús
Jónsson, Stefán Árni Þorgeirsson, Birgir Þórarinsson og Siguröur Kjartansson.
Stefán Árni stofnuðu, gerði m.a. stuttmyndina Nautn, sem
sýnd var í Sam-bíóunum í fyrra, og upp úr því kviknaði sú
hugmynd að stofna Gus Gus hópinn með hljómsveitinni T-
World og fleirum. í myndinni léku einmitt margir af núver-
andi Gus Gus-urum.
Myndir: Eva Mueller
Erlendar sjónvarp-
stöðvar væntanleg-
ar
Samningurinn við 4AD er
ótímabundinn. Áhersla er
lögð á eina plötu í einu og allt
umstang sem því fylgir, s.s.
myndbandagerð og tónleika-
hald. Baldur segir næsta
skref vera stórtónleika sem
haldnir verða i Perlunni í lok
mánaðarins. Fyrirtækið 4AD
stendur fyrir tónleikunum og
hefur boðið hingað fulltrúum
þekktra plötufyrirtækja og
tónlistartímarita. Reiknað er
með um 200 erlendum gestum
vegna þessa. Sjónvarpsstöðin
MTV Europe mætir á staðinn
og sömuleiðis þýska mynd-
bandsstöðin Viva og
kanadíska sjónvarpsstöðin
Much Musik. Saga Film ætlar
einnig að gera þátt um tón-
leikana og Gus Gus sem sýna
á erlendis.
„Það er reiknað með að tólf
til átján mánuðir líði á milli
platna þannig að þetta gæti
verið verkefni fyrir okkur til
næstu fimm eða sjö ára. Þetta
verður kannski ekki full
vinna fyrir okkur en þó tölu-
verð. A.m.k. gerum við lítið
annað núna,“ segir Baldur.
Perlan—London
—Bandaríkin
Hann er nýkomin heim úr
ferð um Bandaríkin og Kanada
þar sem útgáfa fyrstu plötunn-
ar var skipulögð. Hann segist
þá fyrst hafa áttað sig á hvað
Gus Gus hefði gert stóran
samning.
„Næstu tónleikar eftir
Perluna verða í London 13.
febrúar. Síðan er sennilegt að
við spilum í nokkrum borg-
um í Bandaríkjunum í lok
maí og byrjun júní á þessu
ári,“ segir Baldur.
Aðspurður segir Baldur
engan vafa leika á því að
frægð og frami Bjarkar Guð-
mundsdóttur erlendis hafi
hjálpað Gus Gus að gera
samninginn við 4AD. Veru-
legur áhugi væri á íslandi og
hvað tónlistarlíf væri þar gró-
skumikið. Allir vildu finna
„nýja Björk“.
Eins og áður sagði hefur
birst lofsamleg umfjöllun um
Gus Gus í erlendum tímarit-
um. í febrúarhefti Vox, glæ-
nýju, er hópnum líkt við
Björk og að hann eigi eftir að
verða frægari en Sykurmol-
amir. Síðan segir:
„Þau búa yfir miklum hæfileikum, eru sjálfsörugg og er
sama um Víkingaeðlið. Að auki er tónlistin þeirra frábær og
ísland er aö verða geggjaðasti staður á jörðinni, spyrjið bara
Damon Albarn.“ -bjb