Dagblaðið - 09.07.1979, Blaðsíða 17

17
DAGBLAÐIÐ. MÁNUDAGUR9. JÚLÍ 1979.
f íþróttir íþróttir íþróttir íþróttir
BjCrn Borg, hinn óviðjafnanlegi tennissnillingur, vann Wimbledonkeppnina fjórða
árið i röð — afrek sem enginn hefur leikið eftir.
Navratilova
vann öruggt
— Billy Jean King krækti ísinn
20. Wimbledontitii
Martina Navratilova varði titil sinn í
kvennaflokki á Wimbledon tennis-
mótinu um helgina er hún vann Chris
Kvert Lioyd 6—4, 6—4 í leik, sem
aöeins stóð yfir i eina klukkustund.
Nai ratilova hafði ailan tímann undir-
tökm i leik sínum við Evert Lloyd og
sigurinn var átakalítill. Fyrir sigur sinn
fékk hún 18.000 sterlingspund.
Navratilova, sem er landflótta
Tékki, gat nú í fyrsta sinn fangað sigri
með móður sinni, sem var veitt sér-
stakt leyfi til að fara og fylgjast með
Wimbledonkeppninni. Navratilova,
greinilega hrærð yfir návist móður
sinnar, reyndi af fremsta megni að
halda einbeitingu sinni, sem og tókst.
Um leið og leikurinn var búinn, sneri
hún sér að móður sinni, sem sat á
meðal áhorfendanna og hrópaði „einu
sinni enn”.
„Pabbi og systir min horfðu á mig í
þýzka sjónvarpinu í beinni útsendingu
og tékkneska sjónvarpið mun sýna
meginhluta leiksins,” sagði
Navratilova.
Leikur Navratilovu og Evert Lloyd
var einstefna frá upphafi og olli áhorf-
endum talsverðum vonbrigðum. ,,Ég
var allan tímann i varnarstöðu og náði
aldrei að komast inn í leikinn,” sagði
Evert Lloyd eftir keppnina. Leikur
Navratilovu var einhver sá bezti sem
sézt hefur i úrslitum kvennakeppninnar
á Wimbledon og hún var verðugur
sigurvegari annað árið í röð.
Önnur kona var einnig mjög i
sviðsljósinu, en það var hin 35 ára
gamal Billy Jean King, sem vann sinn
20. titil á Wimbledon — nokkuð, sem
enginn hefur afrekað áður. King lék
með Navratilovu i úrslitaleiknum í
tvíliðaleik kvenna og unnu þær Betty
Stove og Wendy Turnbull í úrslitunum
5—7, 6—3 og 6—2. King, sem vann
síðasta titil sinn á Wimbledon 1975, er
hún vann einliðaleik kvenna, sló því 45
ára gamalt met landa síns, Elizabeth
Ryan, sem vann 19 titla á árunum 1914
til 1934. Ryan var einmitt áhorfandi
að leik þeirra á föstudag en varð siðan
bráðkvödd á laugardagskvöld eftir leik
Borg og Tanner.
Lyle vam Scan-
dinavian open
— Nick Faldo varð 16 höggunáeftirhonum þrátt
fyrir óskabyrjiii á mótiru
Bretinn Sandy Lyle vann i gærkvöldi
Scandinavian Open golfkeppnina, sem
fór fram í Helsingborg í Svíþjóð og
hófst á fimmtudag. Lyle iék 72
holurnar á 276 höggum, en par
vallarins er 73 — þannig aö árangur
hans er 16 höggum undir parí, sem er
frábær árangur á þessum langa og
erfiða velli. Lyle sótti stöðugt í sig
veðrið meðan á keppninni stóð og var
kominn i 2. sætið eftir 36 holur. Þríðju
umferðinni lauk hann á 65 höggum og
náði þá eins höggs forskoti, sem hann
náði að auka í tvö högg á lokaum-
ferðinni.
Spánverjinn Severiano Ballesteros
varð annar á 279 höggum og þriðji varð
Mike Krantz frá Bandaríkjunum á 281
höggi. Mesta athygli vakti, að Nick
Faldo, Englendingurinn ungi sem
leiddi eftir fyrsta daginn varð aftarlega
á merinni og lék á 292 höggum, sem er
að vísu mjög góður árangur — par
vallarins. Enn verr gekk þó hjá Simon
Owen, sem var með efstu mönnum eftir
fyrstu umferðina. Hann átti ágæta
möguleika þegar 36 holum var lokið,
en síðan hefur hans ekki verið getið á
fréttaskeytum frá Reuter. Greinilegt að
eitthvað hefur farið heldur betur úr-
skeiðis hjá kappanum. Sömu sögu er
að segja af Mike Ferguson frá Ástralíu,
sem leiddi eftir fyrsta daginn með
Faldo. Hann lék á290 höggum.
Árangur Lyle í þriðju umferðinni —
65 högg — er jafnt bezta skori, sem
náðst hefur á jtessum golfvelli. Hér á
eftir er listi yfir þá, sem urðu í efstu
sætunum.
Sandy Lyle (Englandl) 73—69—65—69 = 276
Severíano Ballesleros (Spáni) 70—72—60—69 = 279
Mike Krants (USA)
Ken Brown (Englandi)
Dale Hayes (S-Afríku)
Kamonn Darcy (írlandi)
Michael Kine (Englandi)
Terry Gale (Astraliu)
Eddie Polland (Englandi)
Peter Townend(Englandi)
Armando Savedra (Argent.)
71—71—68—69 = 28!
71— 70—72—71 = 284
70—72—71—71 = 284
70— 73—74—68 = 285
73—71—69—72 = 285
72— 72—74—70 = 288
71— 73—71—73 = 288
70— 73—70—75 = 288
71— 72—70—75 = 288
Sigurður
Sverrisson
Borg er sá bezti
—vann Wimbledonkeppnina fjórða árið í röð um helgina
Hinn 23 ára gamli, tágranni Svíi,
Björn Borg, sýndi það enn einu sinni og
sannaði svo ekki verður um villzt, að
hann er bezti tennisleikari sem uppi
hefur verið. Á laugardag tókst honum
að sigra í hinni árlegu Wimbledon
tenniskeppni fjórða áríð í röð —
fyrstur allra tennisleikara. Sigurinn á
laugardag var þó enginn dans á rósum
þrátt fyrir að Borg var álitinn mun
sterkarí en andstæðingur hans, Roscoe
Tanner. Gífurlega mikil pressa var á
Borg í þessum leik og 18.117 áhorf-
endur fylgdust náið með hverri
hreyfingu hans. Áhorfendurnir, sem
hafa aldrei verið fleiri á úrslitaleik
Wimbledon-keppninnar, fengu svo
sannarlega eitthvað fyrir peningana.
Leikur þeirra Borg og Tanner tók
tæpar þrjár klukkustundir og var æsi-
spennandi og þurfti 5 lotur til þess að
útkljá hann. Fyrstu lotuna vann
Tanner 7—6 og það fór kliður um á-
horfendabekkina er ljóst var að Borg
hafði tapað fyrstu lotunni. Ætlaði
hann að tapa fyrir Tanner? í næstu
lotu náði hann sér á strik og vann 6—3.
en í þeirri þriðju hafði Tanner lítið fyrir
6—3 sigri sinum. Tanner þurfti því að
vinna næstu lotu til þess að tryggja sér
sinn fyrsta sigur á Wimbledon. Borg,
svipbrigðalaus að vanda, hóf 4. lotuna
af krafti og hafði sigrað i henni 6—3 á
mjög skömmum tíma. Við þetta var
eins og Tanner legði árar í bát, því þrátt
fyrir að Borg ynni aðeins 6—4 í loka-
lotunni^var sigur hans tiltölulega fyrir-
hafnarlítill í lokin.
,,Ég var ótrúlega taugaóstyrkur í
lokin og ég átti í vandræðum með að
hafa stjórn á spaðanum.” Þrátt fyrir
þessi ummæli Borgs var aldrei hægt að
sjá á honum nein svipbrigði fyrr en i
lokin, en þá brosti hann út í annað.
„Þetta er erfiðasti Ieikur, sem ég hef
leikið um ævina,” bætti hann síðan
við. „Borg lék geysilega vel,” sagði
Tanner, ,,en hann er ekkt óstgrandt. Eg
er í rauninni ekki búinn að gera mér
fyllilega grein fyrir því ennþá hversu
nærri ég var að sigra hann. Ég geri mér
sennilega ekki grein fyrir þvi fyrr en á
morgun og þá á þessi ieikur eftir að
halda fyrir mér vöku — ég hefði getað
gert betur,” sagði Tanner.
Þrátt fyrir tapið var Tanner mjög
fagnað og reyndar þeim báðum, þvi af-
rek Borg er einstakt í tennissögunni.
Þrátt fyrir ungan aldur, aðeins 23
ár, hefur Borg yfir að ráða stórkost-
legri blöndu hæfileika og skapsmuna
og það öðru fremur hefur fært honum
alla þá sigra, sem hann hefur unnið um
ævina. Borg hefur nú unnið 28 leiki í
röð á Wimbledon, en metið á Ástralski
fennisleikarinn Rod Laver, sem vann
31 leik í röð á árunum 1961—70.
Hjartsláttur Borg er helmingi hæg-
ari en í venjulegu fólki (35—40 slög á
mínútu). Fyrir bragðið er hann mjög
rólegur og yfirvegaður og það hefur
ekki litið að segja í stórkeppnum. Borg
kynntist tennisíþróttinni af algerri
tilviljun þegar hann var 9 ára gamall.
Faðir hans vann tennisspaða í verðlaun
á borðtennismóti og gar 't'num
spaðana.
Það var eins og við mannini, nælt
— Borg sleppti varla spaðanum frá sér
eitt augnablik og eyddi öllum deginum
úti á tennisvellinum. Hann var ekki
gamall þegar hann ákvað að tennis
skyldi verða hans lifibrauð.
Rúmlega 15 ára gamall hætti hann i
skóla og fljótlega eftir það kynntist
hann þjálfara sínum, Lennart Bergelin.
Bergelin var fyrstu árin þjálfari hans en
nú hefur dæmið snúizt við og Borg
þjálfar sig að mestu leyti sjálfur.
Bergelin er nú eins konar umboðs-
maður hans. Bergelin og rúmenska
tennisstúlkan Mariana Simionescu,
sem Borg er trúlofaður, eru ein af fá-
um, sem teljast til vina Borg. Þrátt
fyrir að vera mjög vingjarnlegur i
viðmóti er hann um leið fjarlægur og
kynnist ekki mörgum.
Borg vann sitt fyrsta stórmót þegar
hann var 17 ára gamall. Þá sigraði
hann í opna ítalska meistaramótinu og
sama ár vann hann opna franska
meistaramótið, sem hann hefur unnið
fjórum sinnum alls. Franska meistara-
mótið er alltaf haldið rétt á undan
Wimbledon og Borg var einmitt nýbú-
inn að sigra i því þetta árið, þcgar hann
kom, sá og sigraði á Wimbledon.
Flestir tennisleikarar eiga erfitt nteð að
skipta snögglega yfir af hörðurn tennis-
völlum, eins og leikið er á i opna
franska meistaramótinu, á grasvelli,
sent eru notaðir á Wimbledon.
Þrátt fyrir hinn gífurlega auð, scm
Borg hcfur unnið sér inn með glæsilcg-
um sigrum sinum er enga breytingu á
honum að sjá. Hann cr ennþá
jafnrólegur og hlédrægur og hann var
þegarhann fyrst hóf keppni. ..Wirnble-
don verður alltaf mitt æðsta takmark
— þótt ég eigi e.t.v. eftir að vinna 10
sinnum,” sagði Borg.
Þjálfaranámskeið
Námskciðið hefst föstudaginn 28.
scptembcr 1979 kl. 16.00 og lýkur á
sunnudagskvöld 30. september. Um-
sóknir þurfa að berast skrifstofu KSÍ
eigi síðar en 15. ágúst nk. Umsóknar-
eyðublöð eru til staðar á skrifstofu KSÍ
og geta þeir er óska, fengið þau póst-
send. Kins og fram kemur þurfa um-
sóknir að bcrast 1 1/2 mánuði fyrir
námskeið og er það gert fyrst og fremst
til að hægt sé að senda gögn varðandi
námskeiðið til þátttakcnda og einnig að
ganga úr skugga um þátttökufjölda
með nægum fyrirvara.
Allar frekari upplýsingar gefnar á
skrifstofu KSÍ.
..ognúeruþað
SÓFASETTIN
Við erum að bera im 15—20 mismunandi genðir af sófasettum
Komdu og skoðaðu þau
Bíldshöfða 20 - Sv81410 - 81199
Sýningahöllin - Ártúnshöfða