Ársrit Ræktunarfélags Norðurlands - 01.01.1905, Side 11

IV.
Cilraunastöð uar.
1. AðaltiJraunastöd Rœktunarfélagsins.
Á þessu ári hefir verið unnið að því að undirbúa landið,
svo hægt væri að byrja á sem víðtækustum tilraunum. Land
það, sem nú er notað til tilrauna er 3*/3 úr dagsláttu, en
auk þess er búið að brjóta 132/3 dagsláttur. Á árinu hafa
þessar tilraunir verið gerðar í tilraunastöðinni:
a. Fjórar áburðartilraunir.
b. Tilraunir með 27 jarðeplaafbrigði. Auk þess hefir verið
reynt að setja jarðeplin mismunandi djúpt niður, setja
niður spírað og óspírað, smá og stór jarðepli, heil og
klofin. — Enn fremur hafa verið gerðar tilraunir með
úrval af nokkrum jarðeplaafbrigðum.
c. Tuttugu og níu grastegundir hafa verið reyndar.
d. Tilraunir hafa verið gerðar með 7 afbrigði af höfrum
og 10 afbrigði af byggi.
e. Af garðjurtum hafa 33 tegundir verið reyndar og 30
runna og trjátegundir.
f. Reynd hafa verið 14 afbrigði af fóðurrófum og 8 mat-
næpnaafbrigði. Tilraunir hafa verið gerðar með að bera
mismunandi mikinn áburð á fóðurrófnareitina. Einnig
hafa verið teknar frá fóðurrófur til fræsöfnunar á næsta
sumri.
g. Fjögur gulrófnaafbrigði hafa verið reynd. Af gulrófum
hafa 500 rófur verið teknar frá til fræsöfnunar á næsta
sumri. í vetur er verið að gera tilraunir með, hvernig
bezt sé að geyma gulrófur og fóðurrófur.