Ársrit Ræktunarfélags Norðurlands - 01.01.1905, Blaðsíða 13

i5
4. Tilraunastöð á Blönduósi
er verið að koma upp. Hún er nær 7 dagsláttur að stærð.
Það er búið að plægja allmikið og undirbúa girðingu að
nokkru leyti. Af sýslusjóði Húnavatnssýslu eru veittar til
hennar 200 krónur og einstakir menn hafa gefið um 700
krónur. Er það myndarlega á stað farið og þarf ekki að
efa það, að Húnvetningar sjái um, að fyrirtæki þetta verði
þeim til sóma. — Formaður tilraunastöðvarinnar er sýslu-
maður Gísli ísleifsson á Blönduósi.
5. Tilraunastöð á Háluin
í Hjaltadal er í undirbúningi. Amtsráðið hefir gefið til-
raunasvæðið, sem er nær 7 dagsláttur að stærð, og hefir
verið unnið að því að undirbúa girðingu o. fl. Sýslu-
nefnd Skagafjarðarsýslu hefir veitt 100 krónur til fyrir-
tækisins, og einstakir menn gefið kr. 485.50. — Formaður
tilraunastöðvarinnar er Árni bóndi Árnason á Kálfsstöðum.
6. Ti/raunastöð á Sauðárkrák.
Þar hefir verið keyþtur garður af C. Knudsen kaup-
manni. Hann hefir ræktað garðinn í mörg ár og gert þar
mesta fjölda af tilraunum með ýmsar garðjurtir, blóm,
runna og tré. Garðurinn er seldur með öllum jurtum,
sem í honum eru. Það hefir verið bætt við nokkru landi
í kringum garðinn, svo alls er bletturinn nú um ein dag-
slátta að stærð. Búið er að setja nýja og vandaða girð-
ingu kringum allan garðinn. — Hann liggur í mjög góðu
skjóli. Auk þessa er búið að útvega 5 dagsiáttur af landi
á öðrum stað. Er það land ætlað til tilrauna. Sýslunefnd
Skagafjarðarsýslu hefir veitt 100 kr., en einstakir menn gefið
nær 500 kr. til fyrirtækisins. Formaður tilraunastöðvarinnar
er verzlunarstjóri Stefán Jónsson á Sauðárkrók.
Sýslunefndin hefir því lagt 200 kr. samtals til beggja stöðv-
anna og einstakir menn hartnær þús. kr. Lýsir það lofs-
verðum áhuga.