Ársrit Ræktunarfélags Norðurlands - 01.01.1907, Blaðsíða 28

30
um þessum verða fullþroskuð flest ár, og eru mjög góð
til matar.
c. Blóm
hafa eigi verið ræktuð að nokkurum mun enn sem kom-
ið er, aðeins nokkurar tegundir af fleiri ára blómum og
árlega sáð fræi af eins árs blómjurtum.
Nokkurar blómjurtir þrífast hér vel, og ættu menn al-
ment að rækta þær meira en gert er. Það eflir fegurðar-
tilfinninguna, og er til ánægju og gleði fyrir þá, sem það
stunda. Af fleirærum blómjurtum, sem er mjög hægt að
rækta, og vaxa hér prýðisvel má benda á Venusvagn og
Leiðabrúsk, sbr. Ársrit 1905 bls. 99.
Af einærum blómjurtum ættu menn að byrja með að
rækta Aster og Levköjer.
6. Trjárækt.
Síðastliðið ár var mjög óhentugt fyrir trjárækt, um
sumarmál voru hitar allmiklir, svo trjáplönturnar fóru að
spretta — knapparnir sprungu út — eftir þetta komu kuld-
ar miklir, frost og snjóar. Afleiðingin var að margar grein-
ar á hinum ungu minni trjáplöntum, kulnuðu út, og dóu.
Að eins hinar þolnari plöntur, stóðust þetta áfall. Björk
og Reynir létu ekkert á sjá, en fyrir mörg af barrtrjánum
var þetta mikill hnekkii, sem eigi er hægt að segja hverjar
afleiðingar hefir fyr en á næsta ári.
Eins og getið er um í Ársriti félagsins 1904 bls. 47,
var á því ári byrjað með trjáfræsáningu, og var ætlunin
að gera tilraunir með að ala upp trjáplöntur, sem á þiann
hátt, vendust við sem líkast loftslag og jarðveg, sem þær
síðar ættu að þróast í, og félagsmönnum gæfist þá kostur
á að fá góðar plöntur til að gróðursetja heima hjá sér.
Þessar tilraunir hafa heppnast þannig, að af nokkurum
trjátegundum getur félagið nú boðið mönnum betri plönt-
ur en kostur er á að fá annarstaðar hér á landi. Þær teg-
undir sem félagið getur selt góðar plöntur af og aldar eru
upp í tilraunastöð félagsins eru: