Ársrit Ræktunarfélags Norðurlands - 01.01.1907, Blaðsíða 67

6g
af korni. Þó er fóðurgildi þess meira sé að eins lítið notað
af rófum. Séu rófur notaðar til fóðurs, styðja þær að því, að
önnur efni í fóðrinu hagnýtast betur; einkum hefir þetta þýð-
ingu sé fóðrað með lélegu heyi (trénuðu eða hröktu). Sé
korn eða olíukökur notaðar til fóðurs, er nauðsynlegt að
gefa rófur með, annars verða næringarefnin í fóðrinu eigi í
réttum hluttöllum við þarfir dýranna, og fer því meira eða
minna af næringarefnum að forgörðum. Sé tekið tillit til
framangreindra ástæða, mun mega ætla I pd. af rófnaþur-
efni jafngilt 3 pundum af töðu. Sé nú rófnauppskeran sem
svarar 20,000 pd. á dagsl. og sé 9 % af þurefni í rófunum
þá verður það 1800 pd. þurefnis af dagsl. og jafngildir 5,400
pd. af töðu eða 27 hestum.
Auk rófnanna hafa og blöðin töluvert næringargildi, eins
og sést af ofanritaðri töflu. Erlendis er vanalega talið að
blöðin séu 'A á móts við þyngd rófnanna. Hér á landi hefir
það reynst töluvert meira, nálægt '/2 og á stundum hafa
blöðin vegið jafnmikið og rófurnar. Einkum á þetta sér stað
hafi sprettan verið lítil. Blöðin má nota til fóðurs, eins og
þau koma af rófunum, en bezt er að þau séu gefin með öðru
fóðri, og eigi of mikið. Gott er að gera súrhey af rófnablöð-
unum. Það er talið gott fóður einkum handa svínum.
Frœrækt. Eins og áður hefir verið bent á, er það mjög
nauðsynlegt, að fræ það, sem nota á til útsæðis, sé ræktað
undir seir. líkustum vaxtarskilyrðum, og rófurnar eiga að þró-
ast undir síðar meir. Það væri því afar þýðingarmikið, að
jafnframt því sem farið væri að rækta fóðurrófur hér á landi,
yrði byrjað að rækta fræ af þeim. Vér þyrftum þá eigi að
sækja það til annara landa. Innlent fræ hefir þann kost, að
það hefir myndast undir Iíkum skilyrðum, og jurtirnar eiga
að búa undir í framtíðinni. Sé ræktuninni haldið áfram nokk-
urar kynslóðir, geta eiginlegleikar tegundanna breyzt. Þær
þroskast fljótar og gefa meiri uppskeru. Við fræræktunina
þarf ætíð að gæta þess að velja úr hina beztu einstaklinga
til træræktar. — Því að eins er von um góðan árangur. Eg
ætla að frærækt geti heppnast hér á landi, og hún getur
verið arðvænleg. Aðferðin við frærækt er í aðalatriðinu þessi: