Ársrit Ræktunarfélags Norðurlands - 01.01.1907, Blaðsíða 97
99
þetta verið mismunandi eftir því um hvaða jurtategund er
að ræða, en hér er að eins að tala um bygg og lítið eitt
hafra, sem notað hefir verið til tilraunanna í Luleá.
Sumarið 1905 starfaði eg við þessar tilraunir, og var það
einkennileg sjón, að þá byggjurtirnar höfðu orðið fyrir áhrif-
um frostsins, var ekki óvanalegt að á einu axi lifðu einungis
1 eða 2 korn. Þessum kornum ar safnað saman, og hverju
afbrigði haldið sérstöku, með sérstöku númeri. Svo er til-
raununum haldið áfram með einstaklingunum sem eftir lifðu,
til þess að fá fulla vissu um að þau þoli hin algengu nætur-
frost. Það hafa verið gerðar tilraunir með um 50 afbrigði af
byggi, en ekkert hefir enn verið skýrt frá árangri þeirra opin-
berlega, og verður líklega ekki fyr en fengin er full vissa
hvað af þeim þrífst bezt.
Miklar líkur eru til að þessar tilraunir geti haft þýðingu
fyrir ísland. Mér þykir mjög sennilegt að ekki líði meir en
5 ár, þar til vér heyrum eitthvað um árangur tilraunanna í
Luleá. Verði það sannað að hægt sé að fá fram þau afbrigði
sem þola 5 — 70 frost á C. þar, þá er enginn efi á að hægt
mun vera að fá þær tegundir fullþroskaðar hér á flestum
sumrum. Máske þeir tímar komi að vér getum ræktað korn
í brauð handa okkur sjálfir. Vér bíðum eftir reynslunni.
Ing. Sigurðsson
frá Draflastöðum.