Ársrit Ræktunarfélags Norðurlands - 01.01.1970, Qupperneq 30

mikilvægir í þessa átt eins og samstarf afkvæmarannsókn-
anna og sæðingastöðvarinnar. Með rannsóknunum hefir
tekizt að safna úrvali góðra nauta, sem síðan hafa verið notuð
við sæðingarnar. Hins vegar hefir verið unnt að útiloka nei-
kvæð áhrif lélegu nautanna á kúastofninn.
Með hinum góða árangri þessa starfs hefir tiltrú bænda
aukizt á allt samstarf hér að lútandi, svo og á það að hag-
nýta beri í enn ríkara mæli á komandi tímum, niðurstöður
þeirra rannsókna, er gerðar hafa verið og gerðar verða í
sambandi við búreksturinn til hagræðingar og til efnahags-
legs ávinnings.
Þeir menn, sem nú eru ungir að árum og hafa áhuga á
búskap og ræktun, munu brátt þurfa að axla byrði starfs og
framkvæmda á fjölmörgum sviðum búnaðarmálanna, og þar
á meðal varðandi nautgriparæktina, því margs konar þróun
á vegum landbúnaðarins þarf að halda áfram til aukinna
framfara og ávinnings. Islenzki nautgripastofninn býr áreið-
anlega yfir miklum möguleikum til hagkvæmrar þróunar
og aukinnar afkastagetu, einkum að því er varðar mjólkur-
magn og kjötþunga.
Eins og jafnan áður, mun landbúnaðárframleiðsla okkar
byggjast mest á grasræktinni, með öflun heys og notkunar
góðs beitilands, og allar líkur benda til, að svo verði um langa
framtíð. Með tilliti til þessa er mikil þörf á því, að kýrnar
okkar geti tekið til sín og melt aukið magn af stráfóðri. —
Þess vegna má telja nauðsynlegt, nú og í framtíðinni, að
geta ræktað inn í kúakynið aukna bolvídd og þar með aukna
hæfni til nýtingar meira stráfóðurs, þannig, að þörfin fyrir
aðkeypt, erlent kjarnfóður verði hlutfallslega minni en nú
er.
Þó segja megi, að nautgriparæktarstarfið á félagssvæði
S. N. E. hafi borið allgóðan árangur á undanförnum 40 ár-
um, þá er þó enn sem fyrr mikið og margþætt verk að vinna
varðandi nautgriparæktina í landinu.
Skrifað í október 1970.
3
33