Frjáls verslun - 01.10.1952, Blaðsíða 16

GARÐAB GÍSLASON
í stjórn 1917—1944.
Formaður 1917—’21 ojf 1922—’34.
Leitazt hefur verið við að halda vörð um hagsmuni
hinnar frjálsu verzlunarstefnu gegn áleitni þings og
stjórnar hverju sinni.
Verzlunarráðið hefur tilnefnt menn í samninga-
nefndir um utanríkisviðskipti, og samningagerðir við
erlendar þjóðir bornar undir það.
Um allmörg ár hélt Verzlunarráðið úti riti er
nefndist „Verzlunartíðindi“.
Fyrir forgöngu ráð'ins, voru haldin verzlunarþing
4 sinnum, árin 1935, 1936, 1937 og 1939, og tóku
þátt í þeim þingum ýmis stéttarfélög og sérgreinafé-
lög.
Á verzlunarþingunum voru tekin til meðferðar þau
mál, sem á hverjum tíma hafa verið efst á baugi með-
al kaupsýslumanna, og hafa þau haft mikla þýðingu
í þá átt að skýra málin fyrir kaupsýslumönnum og
ákveða stefnuna, sem fara skuli eftir.
I þessu sambandi má einnig minna á fund kaup-
sýslumanna og iðnrekenda, er haldinn var að tilhlutan
ráðsins árið 1948.
Stóðu fundarhöld þessi yfir í 3 eða 4 daga og vöktu
QP
OO
HALLGRÍMUB BENEDIKTSSON
I stjórn 1932—1948.
Formaður 1934—'49.
mikla athygli alþjóðar. Þar voru aðsteðjandi mál
rædd og krufin til mergjar, gerðar samþykktir og bent
á leiðir til úrbóta.
Má hiklaust fullyrða, að fundir þessir hafi hreinsað
andrúmsloftið meðal allra þeirra, sem við kaupsýslu
fást, og það sem meira er um vert, þing og stjórn
farið síðar að samþykktum fundarins í mörgum mál-
um.
Verzlunarráðið hefur frá upphafi haldið uppi skrif-
stofu í Reykjavík. Fyrsti skrifstofustjóri þess var Ge-
org Ólafsson, síðar bankastjóri. Eftir það varð Björn
Sigurðsson um tíma skrifstofustjóri, en þar á eftir
var séra Sigurður Guðmundsson ritari skrifstoíu ráðs-
ins og einn starfsmaður þess um skeið.
Dr. Oddur Guðjónsson var skrifstofustjóri ráðsins
1934—1943, en þá tók Helgi Bergsson, hagfræðingur,
við og hefur gegnt því starfi síðan.
Skrifstofan hefur haft með höndum hinn mesta
fjölda mála, sem verzlunarstéttina vörðuðu og haft
hafa hina mestu þýðingu.
Framh. á bls. 110.
FRJÁLS VERZLUN