Frjáls verslun - 01.10.1952, Blaðsíða 29
Stærsta skipið, sem tekið hefur verið í Slippinn til l>essa, er strandferðaskipið ..Hekla'*.
kvæmdir að nýju. Sumarið 1932 tók svo Sigurður
Jónsson verkfræðingur við framkvæmdastjórn Slipp-
félagsins, og hefur hann gegnt því starfi síðan.
Fyrsti togarinn í slipp.
Má segja, að brotið hafi verið nýtt blað í sögu fé-
lagsins um þetta leyti, þar sem hafist er handa um bygg-
ingu tveggja nýrra dráttarbraula. Bygging þeirrar
minni var hafin í september 1932, og var hún full-
gerð í desember sama ár. Var þá fyrsti togarinn dreg-
inn á land réttu 31 ári eftir að Tryggvi Gunnarsson
kom fyrst fram með tillöguna um stofnun dráttar-
brautar. Ári síðar var stærri brautin byggð, og gat
hún tekið allt að 1000 lesta skip. Merkum áfanga var
náð með þessum framkvæmdum, því áður hafði ekki
verið unnt að draga togara á land í neinum slipp á
Islandi.
Stœrsta drdttarbrautin.
Framþróun Sli])pfélagsins heldur áfram, og á ár-
unum 1941—’43 reisir félagið stórhýsi í stað hinna
gömlu og ófullkomnu húsa, sem það átti áður. Ný
dráttarbraut fyrir 1500 lesta skip er fullgerð 1948
ásamt hliðarfærslu fyrir þrjú skip af stærð nýsköpun-
artogaranna. Slip])urinn getur nú tekið á land full-
hlaðinn togara af nýjustu gerð, og er það mikil bót
frá því, sem áður var. Þurfti þá oft að taka afla úr
skipum áður en þau voru dregin í slipp, sem hafði
mikil óþægindi og kostnað í för með sér. Strandferða-
skipið „Hekla“ er stærsta skipið, sem komið hefur í
Slippinn til þessa.
Farið inn á nýjar brautir.
Auk þess að fást við umfangsmiklar skipaviðgerðir
rekur Slippfélagið í dag fullkomna trésmiðju með
fyrsta flokks vélum. Eru þar framleiddir gluggar,
hurðir, fánastengur, og ýmiskonar önnur trévinna er
þar innt af hendi. Þá á félagið sína eigin málninga-
verksmiðju, þar sem framleiða má allt að 500 smá-
lestir af málningu á ári. Ennfremur rekur Slippfé-
lagið verzlun, þar sem eru á boðstólum allskonar vör-
ur til skipa, útgerðar o.s.frv. — Stjórn Slippfélags-
ins skipa nú: Geir G. Zoega vegamálastjóri, formað-
ur, Kristján Siggeirsson, kaupmaður, varaformaður,
Tryggvi Ófeigsson, útgerðarmaður, og Valgeir Björns-
son, hafnarstjóri.
Starfsemi þessa ])jóðþrifafyrirtækis um hálfrar ald-
ar skeið hefur stuðlað að þróun útgerðar í landinu og
vaxið til mikilla átaka í höndum forsjálla og fram-
takssamra manna. Slip])félagið í Reykjavík á eftir að
leggja út á nýjar brautir á komandi árum og sýna
með því enn betur þann stórhug, sem einkennt hefur
alla starfsemi þess allt frá hyrjun.
FRJÁLS VERZLUN
101