Frjáls verslun - 01.10.1952, Blaðsíða 33

nær 5 milljónir, og atvinnuleysi
þekkist varla þar í landi. Við síð-
ustu atvinnuleysisskráningu voru
aðeins 1.517 menn atvinnulausir og
5.186 menn voru í lausavinnu, en
allir aðrir voru í fastri atvinnu.
Skortur er á iðnlærðum mönnum, og
hafa Svisslendingar orðið að flytja
inn vinnukraft til hinna ýmsu iðn-
greina. Nú vinna 132 þús. útlend-
ingar í iðnaði landsins, og er það
nær 40 þús. meira en á s.l. ári.
Þær iðngreinar, sem framleiða til
útflutnings, hafa þegar nóg að
starfa, og hjá sumum þeirra eru
Iiggjandi pantanir tvö ár fram í
tímann og lengur. Mikið er einnig
að starfa hjá þeim iðngreinum, sem
vinna fyrir innanlandsmarkaðinn, og
eru t. d. byggingarframkvæmdir
injög miklar.
Vefnaðariðnaðurínn er sú iðngrein,
sem átt hefur við erfiðleika að etja,
eins og víðast hvar annars staðar.
Hafa safnazt fyrir vörubirgðir hjá
mörgum fyrirtækjanna og önnur
orðið að fækka vinnustundum
slarfsmanna sinna. Horfur hafa þó
farið batnandi með haustinu og eft-
irspurnin aukizl.
Sviss er kunnasta ferðamannaland
heims. Náttúrufegurð er mikil, og
Svisslendingar kunna öðrum þjóð-
um betur að laka á móti ferðamönn-
um. Þeim er veillur bezti aðbúnað-
ur, sem völ er á, enda eru svissnesku
gistihúsin heimsþekkt. Þjónustan
við ferðamennina skapar mikla at-
vinnu, því að árlega flykkjast ferða-
menn . í hundruð þúsunda tali til
þessa fagra og hrikalega lands.
Vísitala framfærslukostnaðar hef-
ur verið um 170 stig nú um eins
árs skeið, miðað við 100 árið 1939.
Er lalið, að þjóðinni hafi tekizt að
stýra hjá verðbólguhætlunni um
fyrirsjáanlegan tíma. Vinnufriður
er góður og stöðugur í landinu.
Ríkir gagnkvæmur skilningur milli
atvinnuveitenda og vinnuþiggjenda á
skaðsemi verðbólgunnar fyrir þjóð-
félagið. Þjóðin er starfsöm, og
vinnudagurinn hefst árla dags, kl. 6
eða 7 á morgnana. Skemmtistöðum
í Zúrich, stærstu borg landsins, er
lokað kl. 12 á miðnætti.
Fátækrahverfi og betlarar eru ó-
þekkt fyrirbrigði í svissneskum
borgum, og þar er heldur ekkert ó-
hóf á hlutunum. Þjóðin er nægju-
söm, og velmegun þegnanna hvílir
á öruggum grundvelli.
Holland.
Ríkisstjórnin hefur á prjónunum
áætlun um endurbyggingu fiski-
skipaflota landsins, svo og nýsköp-
un fiskiðnaðarins. Er ætlunin að
veita 37 millj. gyllin til þessara
framkvæmda. Byggð verða 248 ný
fiskiskip í stað 469 eldri, og þau út-
búin með nýjustu og fullkomnustu
tækjum.
Kolaframleiðslan í júlí nam 1,1
millj. tonn, á móti 965 þús. tonn-
um í mánuðinum á undan. í júlí
voru flult inn 428 þús. tonn, og var
helmingur þess magns frá Þýzka-
landi.
Belgía.
í fyrsta skipti síðan 1950 varð
greiðslujöfnuður landsins gagnvart
Greiðslubandalagi Evrópu óhag-
stæður um 6,5 millj. dollara í ágúst
s.l., en í júlí var hann hagstæður
um 8,7 millj. dollara. Þessi óhag-
stæði greiðslujöfnuður verður
greiddur að hálfu með gulli, en
hinn helmingurinn með innstæðum
í sjóði greiðslubandalagsins.
Noregur.
Tekjur Norðmanna af erlendum
ferðamönnum árið sem leið námu
8,3 millj. £. Alls komu 481 þús.
ferðamenn lil landsins, á móti 525
þús. árið áður. Tekjur af ferða-
mönnum eru nú sjöttu í röðinni í
gjaldeyrisöflun þjóðarinnar.
Kanada.
Labrador hefur löngurn verið
talið lítt byggileg og fánýt auðn, og
fáa fýst að nytja landkosti þar
norður frá. Landið var fram á síð-
ustu ár lítt kannað, og vissu því fá-
ir um auðlindir þess. Það hefur
legið óáreitt, að heita má, í nepju-
kulda norðursins síðan Jacques
Cortir leit snæviþakkta tinda þess
fyrir hálfri fimmtu öld síðan. Nú
hefur verið snúið við blaði. Auð-
lindir landsins hafa verið rannsak-
aðar nokkuð, en þó ekki til hlýtar.
Möguleikar til rafmagnsvirkjunar
eru geysimiklir, og má virkja millj-
ón kílóvött í ám landsins.
Ogrynni málma eru þar í jörðu,
svo sem kopar, járn, blý, zink, nikk-
el og gljásteinn.
Fyrst voru uppgötvaðar auðugar
j árngrýtisnámur, er lágu skammt
frá landamörkum Quebec og Labra-
dor. Hefur þegar á þessu ári verið
lögð 350 mílna löng járnbraul
norður í auðnina, og á árinu 1954,
munu stálbræðslur Kanada og
Bandaríkjanna fá járngrýti úr
námum þessum. Skógar eru víðáttu-
miklir og auðugir í landinu, og mun
timburframleiðslan geta orðið arð-
vænleg, jafnskjótt og járnbrautar-
samband kemst á við þetta mikla og
auðuga landssvæði.
Bandaríkin.
Utflutningurinn féll úr 1,2 millj. $
miðað við júní, niður í 1 millj. $ í
júlí. Var útflutningurinn í júlí 20%
fyrir neðan mánaðarmeðaltal 1951,
og 24% fyrir neðan meðaltal fyrstu
6 mánuði ársins. Innflutningurinn
minnkaði á sama tíma úr 860 millj.
S, í júní, niður í 836 millj. $ í júlí.
Er það um 9% minna en mánaðar-
meðaltal 1951, og 7% minna en
meðaltal fyrstu sex mánuði ársins.
Áætlað er, að á næsta ári fram-
leiði bifreiðaiðnaðurinn 5 millj.
fólksbifreiðar og 1 millj. vörubif-
reiðar auk þeirra, sem framleiddar
eru fyrir herinn. Verður þetta um
1 millj. bifreiðum fleira en talið er
að framleiðslan verði í ár.
FRJÁLS VERZLUN
105