Frjáls verslun - 01.08.1967, Qupperneq 53

FRJÁLS VERZLUN
53
VIÐSKIPTAHEIMURINN
ARABALÖND Heldur er lágt á Aröbum risið eftir ósigurinn í styrjöldinni við
ísraelsmenn. Hafa þeir komið á olíubanni að miklu leyti. Svo ein-
kennilegt er þó, að þetta bann kemur verst við þá sjálfa. Sagt er, að
ýmsir Suður-Ameríkumenn séu ekkert óánægðir með þetta olíubann
Araba.
-----------------------------------------------------------—------------------------------------------<s>
BANDARÍKIN Líkur eru á því, að verkföll verði í bandaríska bílaiðnaðinum í .
haust, er samningar renna út. Saga undanfarinna ára hefur sýnt, að
ekki eiga bílakóngarnir í Detroit á góðu von af foringja bílaiðnaðar-
manna, Walter Reuther, sem stendur fast á sínu.
Bandarikjamenn mega búast við skattahækkun á næsta ári. Renna
allar stoðir undir þá skoðun, að skattar verði hækkaðir.
Vinsældum Johnsons, forseta, hefur hrakað mjög. Ýmsir vilja
halda því fram, að hann tapi forsetakosningunum ’68, en mikið má
gerast, ef svo fer. Repúblíkar hafa ekki enn komið sér saman um mót-
frambjóðenda Johnsons.
Nokkur lægð hefur verið í efnahagslífi Bandaríkjanna, það sem
af er þessa árs. Fór verðlag hækkandi, og óttuðust menn verðbólgu.
Nú hefur rofað til. Eru menn nú almennt bjartsýnir.
T '-----------------------------------------------—-------------®
BRETLAND Viðskiptajöfnuður Breta verður síóhagstæðari. Síðustu þrjá mán-
uði hefur hann verið óhagstæður um sem svarar 13.500 millj. íslenzkra
króna. Er pundið nú talið í töluverðri hættu.
Atvinnuleysi eykst í Bretlandi. í júlímánuði voru nálega 500
þúsund manns atvinnulausir. Eru þetta 2.1% allra vinnandi manna þar.
Óvinsældir Wilsons fara síður en svo minnkandi þessa dagana.
Wilson komst til valda, af því að menn töldu, að hann kynni einhver
ráð við efnahagsvandanum, en Wilson virðist kunna fá ráðin. Hins
vegar verður hann æ harðari, bæði í afstöðu sinni til ýmissa mála og
eins í lund.
90% af brezka stáliðnaðinum hafa nú verið þjóðnýtt. Eru vinstri
kratar Wilsons hinir ánægðustu með þetta og telja þetta hið eina, sem
forsætisráðherrann hafi gert af viti síðustu mánuði.
Dregið hefur verið úr fjárframlögum til landvarna í Bretlandi.
Umsóknin að EBE: allt situr við sama.
----------------------------------------------------<$>
DANMÖRK Söluskattsmálin eru að verða að heiftarlegu deiluefni. Hafa kaup-
menn þakið veggi í verzlunum sínum með mótmælaplöggum gegn
þessum ófögnuði.

FRAKKLAND Frakkar eru nú velviljaðri erlendu fjármagni en áður, að því er
bezt verður séð. Jafnstaðráðnir sýnast þeir í því að hleypa Bretum
ekki inn í EBE. Vegna þessarar þrjózku hefur vináttan kólnað nokkuð
milli Frakka og Þjóðverja.