Frjáls verslun - 01.09.1967, Síða 62

62
FRJÁLS VERZLUN
frú
ritstjórn
Verzlunarráð Islands á nú hálfrar aldar starf að baki. Var þess minnzt á veglegan
hátt með vandaðri og fjölbreyttri hátíðardagskrá. Þá var og gefið út afmælisrit, sem hef-
ur að geyma sögu Verzlunarráðsins. — En ánægjulegast við ritið var þó það, hversu
margir aðilar sendu Verzlunarráðinu afmælis- og lieillaóskir á þessum tímamótum, —
eða á fjórtánda hundrað aðilar. Sýnir þessi mikli fjöldi þeirra, er sendu kveðjur, hvers
álits ráðið nýtur meðal verzlunarstéttarinnar og þjóðarinnar. — Þá heiðraði Póst- ogsíma-
málastjórnin ráðið með því að gefa út frímerki í tilefni afmælisins.
Verzlunarráð Islands hefur á sínum langa starfstíma verið heildarvettvangur kaup-
sýslustéttarinnar. Það hefur látið vandamál hennar til sín taka og túlkað skoðanir henn-
ar gagnvart hinu opinbera og öðrum þjóðfélagsstéttum, það hefur stefntaðbættuverzlun-
arsiðgæði og betri verzlunarháttum, og fyrir frumkvæði þess hefur ýmsum þörfum mál-
efnum verið komið í framkvæmd. Má þar fyrst og fremst nefna stofnunVerzlunarbanka
Islands og Tollvörugeymslunnar. Þá hefur það haft með höndum rekstur Verzlunarskóla
Islands, starfrækt upplýsingaskrifstofu og á allan hátt viljað efla tengsl og góð samskipti
verzlunarstéttarinnar við aðrar atvinnugreinar þjóðfélagsins. Em allir sammála um, að
vel hafi tekizt til og starf ráðsins orðið landi og þjóð að ómetanlegu gagni.
En ekki er nóg að horfa aftur, á þau verkefni, sem þegar hafa verið leyst, því að
í nútíð og framtíð bíður það, er gera skal. Nauðsynlegt er því, að kaupsýslumenn íhugi
vandlega framtíðarstefnu Verzlunarráðsins og skipulag hagsmuna- og félagssamtaka
sinna. Dylst engum, að róttækra breytinga er þörf, ef samtakamáttur verzlunarinnar á
að nýtast til fullnustu.
Félagssamtök verzlunarinnar eru allmörg. Þau reka hvert um sig eigin skrifstofu,
gefa jafnvel út vísa að blöðum, sem þó eru þannig að efni til, að þau eiga ekki erindi
til annarra en félagsmanna og hafa þannig hvorki baráttugildi né áhrif út á við. Félögin
starfa að visu saman í Verzlunarráði Islands, en það samstarf er of lítið. Dægurmálin
taka mest af tíma þessara félaga. Iiöfuðbaráttumálin vilja stundum sitja á hakanum. Er
þetta ekki sizt að kenna því, að átakið er dreift og eigi hæft til mikilla átaka. En hér
þarf að verða ráðin á bót. Verzlunarstéttin getur ekki staðið dreifð, meðan önnur þjóð-
félagsöfl styrkjast með því að sameinast í sístærri baráttu- og hagsmunaheildir.
Það ætti að vera unnt að sameina félög verzlunarinnar enn meir. Engin ástæða sýn-
ist fyrir því, að hvert félag reki eigin skrífstofu og gefi út sér blað. Bæði er það, aðkraft-
arnir dreifast, — en svo ber ekki síður að geta hins, að sum fyrirtæki, sem reka bæði
stórsölu, smásölu og iðnað, þurfa að vera aðilar að mörgum félögum. Er þetta mikill
kostnaður fyrir fyrirtækin, og hætt er við því, að forráðamenn þeirra verði ekki virkir
í neinu félaganna, fyrst svo víða er komið við.
Verzlunarráð Islands er heildarvettvangur kaupsýslumanna. Það liggur því beinast
við, að menn fylki sér undir merki þess. Sérgreinafélögin þurfa ekki að reka eigin skrif-
stofu hvert um sig, heldur ætti að vera unnt að koma á sameiginlegri skrifstofu, að vísu
með deildaskiptingu. Þannig mundi bæði sparast stórfé og fást meira út úr félagsstarf-
inu en áður.
Væri vel, ef nægur skiíningur fengist á þessum mikilsverðu málefnum og glæða
mætti samstarfsvilja um framkvæmd þeirra. Yrði það verzlunarstéttinni í landinu til
heilla, og má telja víst, að þessi verði framtíðarstefnan í félagsstarfi kaupsýslumanna.
En betra er fyrr en síðar.
Frjáls verzlun vill að lokum óska ]>ess, að samliugur og fórnfýsi fyrir málefnunum
megi ávallt ríkja innan Verzlunarráðsins, þannig að starf þess megi verða sem farsælast
um alla framtíð.