Frjáls verslun - 01.01.1968, Page 32

32
FWJÁLS verzlun
og aðeins leigð út til þess að mæta
kostnaði við tryggingaiðgjöld og
fleira.
FLUGSÝN h/f.
Flugsýn hf. var stofnuð árið
1960 og í byrjun var flugflotinn
ekki nema ein Tiger Moth vél,
sem notuð var bæði til kennslu og
í leiguflug. Fyrirtækinu hefur nú
vaxið fiskur um hrygg og á það
orðið sex vélar. Tveggja hreyfla
Douglas DC-3, sem tekur 36 far-
þega, tvær eins hreyfils Navion,
sem taka 4 farþega, eina Piper
Cherokee og eina Cessnu 180, sem
taka fjóra farþega hvor og svo
Cessnu 150, sem tekur tvo.
Flugsýn heldur uppi áætlunar-
ferðum til Norðfjarðar, sem for-
ráðamenn félagsins telja einn
erfiðasta stað á landinu að fljúga
til, enda er sætanýtingin ekki
mikil. Árið 1964 var gullöld fyrir
litlu flugfélögin, þá var mikil síld
og mikið að gera í innanlandsflug-
inu. Flugsýnarmenn sáu fram á að
þeir gætu ekki annað Norðíjarð-
arfluginu og öðrum verkefnum
með Beechcraft-vél, sem þeir áttu
þá, og keyptu því fjögurra hreyfla
DeHavilland Heron, sem tók
fimmtán farþega. Hún var svo
aftur seld seinna og Douglas-vélin
fengin í staðinn. Jón Magnússon
segir, að þegar þeir keyptu
Douglas-vélina hafi þeir búizt við
að fá eitthvað meira í hendurnar
en bara Norðfjarðarflugið. Þó að
árið 1966 hafi komið þokkalega út
frá rekstrarlegu sjónarmiði er
fjárhagsgrundvöllur svona lítilla
félaga aldrei of traustur og er-
lendu lánin, sem þeir fengu, voru
aðeins til þriggja ára. Ástæðan
fyrir verkefnaskortinum er sú, að
það eru of margir aðilar, sem
stunda leiguflug og kennslu. Alls
konar smáfélög eru að skjóta upp
kollinum öðru hvoru, kannski
ekki nema tveir menn, sem eiga
eina flugvél, en það er nóg til að
draga frá hinum. Á sumrin þegar
mest er að gera eru það alls níu
aðilar, sem stunda þetta, en á vetr-
um þegar tímar eru erfiðari draga
þeir litlu sig í hlé og bíða eftir
næstu hrotu. Flugsýn þarf að hafa
dýran mannskap á launum og
tryggingakostnaður er nú um 750
þúsund á ári. Veltan árið 1966
var um tíu milljónir króna, en
líklega 1/4 minni á árinu 1967.
FLUGÞJÓNUSTAN.
Flugþjónusta Björns Pálssonar
hefur fjórar vélar í sinni þjónustu.
Eina deHavilland Dove, sem tek-
ur níu farþega, eina Beechcraft
Twin Bonanza, sem tekur sex far-
þega og tvær Cessna 180, sem
taka þrjá og fjóra farþega. Flug-
þjónustan er með áætlunarferðir
til Hellissands, Þingeyrar og
Vopnafjarðar og óreglubundið á-
ætlunarflug á ýmsa aðra staði,
þ. e. reynt er að flytja á sæta-
gjöldum eins og hægt er. Sæta-
nýtingin að undanförnu hefur ver-
ið afleit, og þetta hefur verið erf-
itt ár hjá Flugþjónustunni ekki
síður en hinum litlu flugfélögun-
um. Að meðaltali hafa verið 4,6
farþegar í hverri ferð árið 1967,
og miðað við stærð vélanna er
það lítið. í fyrrasumar byrjaði vís-
ir að samstarfi milli Flugþjónust-
unnar og Flugfélags íslandsáþann
hátt, að Flugþjónustan flutti far-
þega frá Vopnafirði og víðar, til
Egilsstaða, þangað sem Flugfélag-
ið hefur fastar áætlunarferðir.
Þetta er í samræmi við þá stefnu
Flugfélagsins að hafa sem fæsta
lendingarstaði, en flytja farþega
að aðalvöllunum með bílum eða
minni flugvélum.
Flugþjónustumenn binda nokkr-
ar vonir við þetta samstarf, sem
þeir telja öllum til góðs. Þeir
telja þetta beztu leiðina til að
leysa samgönguvandamál staða
eins og Vopnafjarðar. Þar sem ör-
yggisbúnað skortir á flugvöllinn
á Vopnafirði, og íslenzk veðrátta
er eins og hún er, yrði það mikl-
um erfiðleikum bundið að halda
uppi nokkuð stöðugu áætlunar-
flugi til Vopnafjarðar. Hins vegar
mætti aðstaðan á Egilsstöðum líka
vera mun betri, þar vantar t. d.
flugskýli og annað, sem nauðsyn-
legt er stöðugum flugsamgöngum.
Sjúkraflugið hrifsar oft góða bita
frá Flugþjónustunni. Það hefur
ósjaldan komið fyrir að nauðsyn-
legt hefur verið að hætta við far-
þegaflug vegna neyðarkalls af
landsbyggðinni. Þeir treysta sér
ekki til að neita slíkri hjálpar-
beiðni og tapa oft á því þúsundum
króna. Sveinn Björnsson segir
eins og aðrir að síðastliðið ár hafi
verið afleitt. Þar hjálpaðist allt að.
Veðrið var mjög óhagstætt íyrir
flug allt árið, síldin kom seint og
lítið að gera í sambandi við hana,
og svo eru alltof margir um hit-
una. Sveinn telur þetta mjög
óheillavænlega þróun, það sé að
vísu óheppilegt að vera félítill,
en hvergi eins og í fluginu. Lang-
varandi fjárskortur komi fyrr eða
síðar niður á örygginu. Heildar-
veltan hjá Flugþjónustunni er um
7 milljónir króna á ári.