Frjáls verslun - 01.10.1969, Blaðsíða 27

ákvæðum laga um varnir gegn
óréttmætum verzlunarháttum
nr. 84/1933, að því tilskyldu,
að þau uppfylltu ákveðin skil-
yrði. í þeim dómi voru þessi
skilyrði þó ekki nánar rakin,
en sjálfsagt var hér átt við
sömu eða svipuð skilyrði og
gerð eru til lögverndar venju-
legra vörumei'kja, þar á með-
al, að vígorðið feli í sér frum-
leika og ákveðin sérkenni. Þá
hefur einnig verið talið, að sé
um rímuð vígorð að ræða, þá
ættu þau að geta notið réttar-
verndar samkv. höfundalög
um, sbr. t. d. „Úr kaffirót
frá Pétri er kaffisopinn miklu
betri“, og „Hvar á að kaupa
öl og vín? en hjá Thomsens
Magasín“, en þetta munu vera
einhver elztu verzlunarvígorð,
sem hér hafa verið notuð. Auk
vígorðanna hefur og tíðkazt
hér lengi, að kaupmenn aug-
lýstu vörur sínar í rímuðu
formi, enda þótt ekki væri um
bein vígorð að ræða. Má til
gamans nefna þessar vísur:
Kaffisopinn indæll er
eykur fjör og skapið kætir.
Langbezt jafnan líkar mér
Ludvig Davis kaffibætir.
Allir þeir, sem marka má,
mæla þessum orðum:
Óí hvað það er sætt að sjá
,,Silfurskeifu“ á borðum.
Reyktu, tyggðu, taktu nef í
Tóbakið með sældar þef í
En svo að þig ei komi kvef í
Kauptu tóbakið hjá Leví.
Þá má einnig nefna þessa
auglýsingu frá Bifreiðastöð
Keflavíkur:
Bill er til af beztu gerð
bæði kvölds og morgun.
Betri ekki færðu ferð
fyrir litla borgun.

%\

Auglýsingar sem þessar upp-
fylla hins vegar ekki skilyrði
þau, sem sett eru fyrir réttar-
vernd venjulegra vígorða, en
augljóst er, að höfundaréttur
fylgir slíkum kveðskap. Eng-
inn efast heldur um gildi aug-
lýsinga í þessu formi, þótt notk-
un slíkra auglýsingaaðferða sé
nú mjög að hverfa.
Með nýjum lögum um vöru-
merki nr. 47/1968, er öðluðust
gildi þann 1. janúar s.l., er í
fyrsta skipti hér á landi veitt
bein lögvernd fyrir verzlunar-
vígorð. Geta atvinnurekendur
nú með skráningu öðlazt einka-
rétt til þess að nota vígorð sín
sem sérstök auðkenni fyrir
vörur sínar, verk eða þjónustu.
Þennan rétt er einnig hægt að
öðlast á sama hátt og annan
vörumerkjarétt, þótt vígorðið
sé ekki skráð, ef vígorðið hefur
náð markaðsfestu.
Er hér um mjög aukna og
eftirtektarverða réttarbót að
ræða fyrir alla þá, sem vígorð
nota í sambandi við verzlunar-
rekstur sinn hér á landi. Það
er alkunna, að auglýsingar
kosta mikið fé nú á dögum. Til
þess að auglýsingar nái tilgangi
sínum fyrir þann, sem auglýsir
á einhvern ákveðinn hátt, er á-
ríðandi, að keppinautar hans
njóti ekki á óréttmætan hátt
góðs af því erfiði og því fé,
sem hann leggur í auglýsingar
sínar. Á þetta ekki sízt við um
vígorðin. Eitt þekktasta verzl-
unarvígorð hér á landi er víg-
orð Egils Vilhjálmssonar hf.,
„Allt á sama stað“. Vígorð
þetta er stutt og laggott og i
því felst, að mikið vöruúrval
sé til í viðkomandi verzlun og
að óþarfi sé að leita annað til
kaupa á þeim vörum, sem
verzlað er með. í vígorðinu er
því sölukraftur, sem telja verð-
ur mikilvægan þátt vígorðs.
Það er því ekki að undra, að
aðrar verzlanir hafi reynt að
stæla þetta vígorð og notfæra
sér á óréttmætan hátt gildi
25