Frjáls verslun - 01.11.1971, Side 61
kannanir. en það er nokkuð
sem er furðu lítið um hér á
landi, Nú, undir beina auglýs-
ingaþjónustu má telja gerð og
umsjón með auglýsingum sem
eiga að fara í blöð, sjónvarp, út-
varp eða kvikmyndahús. Einnig
gerð auglýsingaspjalda og að-
stoð við vörusýningar eða um-
sjón með verðlaunagetraunum.
— Við erum sífellt að reyna
að finna söluaukningaráð. Okk-
ar metnaður er að sjá árangur
af okkar starfi. og auk þess er
hagur fyrirtækjanna sem við
skiptum við okkar hagur um
leið, því við eigum afkomu okk-
ar undir velgengni þeirra.
— Þú minntist á markaðs-
kannanir, í hverju eru þær
fólgnar?
— Þær eru mest gerðar í
sambandi við fyrirhugaða sölu-
aukningu. Ef fyrirtæki vill
auka sölu á einhverri vöru, er
fyrsta verkefnið auðvitað að
kanna hvort grundvöllur er fyr-
ir því. Við skulum segja að eitt-
hvað fyrirtæki vilji auka sölu
í einhverri vöru um 30 prósent.
Það hefur t.d. selt þessa vöru
fyrir 10 milljón krónur á ári.
Þá fáum við uppgefna álagn-
inguna hjá fyrirtækinu og
reiknum út hversu mikinn
hagnað það hefði af 30 prósent
aukningu. í samræmi við það er
svo metið hvað er rétt að verja
miklu fé í auglýsingaherferð til
að ná þessu marki.
— Og hvernig á að auglýsa
vörur?
— Aðferðirnar eru jafn mis-
munandi og vöruflokkarnir. Við
þurfum fyrst og fremst að gera
okkur grein fyrir því eftir
hverju fólkið sækist í hverri
vöru. og það gerum við gjarn-
an í samvinnu. Þá koma fleiri
starfsmenn saman, geta verið
3-4 menn sem glíma við verk-
efnið, og velta því fyrir sér
hvað fólk vill helzt fá.
Við getum tekið það sem
dærni, að þegar fyrsta auglýs-
ingin var gerð fyrir Vitretex
plastmálningu frá Slippfélag-
inu. þá var teiknað eitt hús af
mjög sérkennilegri gerð. Þetta
hús hefur síðan skotið upp koll-
inum og markað allt það sem
síðan hefur verið gert. Húsið
er í sjónvarpskvikmyndinni og
kemur nú á umbúðirnar sjálfar.
Ekki hefur verið mikið um birt-
ingar auglýsinga fyrir þessa
vöru, en við teljum að þarna
ihafi vel til tekizt. Forstjóri
Vitretex verksmiðjanna í Bret-
landi sá þessa vinnu hér í
haust. Hann taldi líklegt að þeir
bæðu um heimild til að nota
þetta þar.
— Hvernig er húsið til kom-
ið?
— Vitretex er góð málning
og við athugun á eiginleikum
hennar þóttumst við sjá, að hún
myndaði sterkari og seigari húð
en aðrar tegundir. Við höfðum
spurnir af því, að þótt málarar
máluðu hús utan með öðrum
tegundum. einhverra hluta
vegna, þá notuðu þeir gjarnan
Vitretex plastmálningu í yztu
yfirferðina. Eitt helzta verk-
efni málningar er það, að skila
húsi heilu og höldnu gegnum
vatnsveður haustsins og frost-
hörkur vetrarins, svo það fagni
vori vel varið og fallegt. Þetta
er því það atriði, sem við á-
kváðum að hamra á. Friðrikka
Geirsdóttir gaf húsinu sérstætt
auðþekkjanlegt og aðlaðandi út
lit og textinn kemur boðskapn-
um á framfæri. Mestu máli
skiptir að finna það sérkenni
vörunnar, sem kaupandinn
sækist helzt eftir. .Þá þarf oft
að vega og meta. Á öllu veltur
að rétti kosturinn sé valinn.
— Og svo er það stóra spurn-
ingin. hvað þarf að verja miklu
fé til einnar auglýsingaherferð-
ar?
— Það er auðvitað ekki til
neitt svar við því, það er svo
misjafnt hvað lagt er í hverju
sinni. Nefna má að minnsta
auglýsingaherferð (í blöðum og
sjónvarpi) kostar varla minna
en 120 til 150 þúsund krónur.
Yfirleitt er hægt að nota aug-
lýsingarnar í fleiri en eina her-
ferð, og þá nýtist aftur sá hluti
fjárins sem fór í stofnkostnað-
inn. Þetta kunna að þykja
nokkrar upphæðir, en þess
verður að gæta að auglýsingar
eru einn af eðlilegustu rekstr-
arliðum fyrirtækisins. En ég
skal ekki bera á móti því að
það er dýrt að auglýsa og því
skiptir miklu máli hvernig aug-
lýsingafé er varið. Það er okkar
hlutverk að sjá um að sem mest
fáist fyrir það.
FV 11 1971
61