Frjáls verslun - 01.02.1974, Blaðsíða 29

SamtíAarmaður
*
Arni Gestsson í Glóbus:
„Skilningur almennings á verzlun
hefur almennt farið vaxandi”
Verðlagsákvæði hafa jafnt skaðað neytendurna sem verzlunina
Þeir, sem leið eiga inn Laugaveg og um Suðurlandsbraut, taka gjarnan eftir myndarleg-
um verzlunar- og skrifstofuhúsum, sem risið hafa í Lágmúlanum, rétt austan við Kringlu-
mýrarbrautina. Þar ber ljósaskilti fyrirtækisins Globus h.f. við himin og þangað lögðum við
leið okkar fyrir skemmstu til að ná tali af Árna Gestssyni, stórkaupmanni og aðaleiganda
Globusar. Hann hefur frá mörgu að segja — um vöxt og rekstur fyrirtækis síns og ekki síður
frá starfi félagssamtaka stórkaupmanna og annarra verzlunarsamtaka. Árni Gestsson er nú
formaður í Félagi íslenzkra stórkaupmanna. Það er óþarfi að hafa þessa kynningu á sam-
tíðarmanninum Árna Gestssyni lengri en við spurðum hann fyrst um ætt og uppruna.
Árni: — Foreldrar mínir voru
þau hjónin Gestur Árnason
prentari og Ragnheiður Egils-
dóttir og ég er fæddur í Þing-
holtunurn, nánar tiltekið í Mið-
stræti 5. I því umhverfi átti ég
ágæta æsku. Þarna bjó allt í
kring alveg ágætis fólk og þar
eignaðist ég marga góða æsku-
vini. Það var nú sagt, að í Mið-
strætinu ættu heima mestu
prakkarar bæjarins og kann
það að vera satt. En þá var
prakkaraskapurinn saklaus og
græskulaus og á miklu hærra
„menningarstigi“ en í dag. Þá
urðu líka unglingar miklu
seinna fullorðnir en nú til dags
og varðveittist æskumaðurinn
miklu lengur í unglingunum.
Aldrei var fátækt á mínu
heimili en sparlega þurfti að
fara með alla hluti og hveriú
krónu var velt áður en henni
var eytt. Kannski hefur þetta
haft þau áhrif á mig að mér
fannst að einnig ég, sem var
yngstur okkar þriggja systkina,
þyrfti að leggja fram mitt lið-
sinni til heimilisins.
Þegar ég var 9 ára gamall og
heldur lítill eftir aldri, var
minnstur minna fermingarsyst-
kina, fékk ég mitt fyrsta starf,
gerðist sendisveinn hjá verzlun
Ásgeirs Ásgeirssonar í Þing-
holtsstrætinu. Ásgeir var mikið
ljúfmenni. Hjólið, sem mér var
fengið til afnota, var gríðarstórt
og varð ég þetta fyrsta sumar
hjá Ásgeiri að hjóla undir stöng
eins og kallað var. Bögglaberi
var framan á þessu hjóli og
verstu ferðirnar þótti mér, þeg-
ar ég var sendur suður í Leyni-
mýri oft með 50 kg meðferðis.
Þá þótti mér tíðum brekkan upp
Öskjuhlíðina vera nokkuð löng,
oft í misjöfnu veðri. Hjá Ásgeiri
var ég svo sendisveinn á sumrin,
ég held í 4 ár.
Á þessum árum var maður í
barnaskóla til 14 ára aldurs og
hafði móðir mín mikinn áhuga
á því, að ég þreytti próf inn í
Menntaskólann en ég var þá al-
gjörlega áhugalaus fyrir að
ganga menntabrautina.enda þá
aðeins lítill hluti unglinga sem
fór þá leið. Ég held að 25 ungl-
ingum hafi verið fleytt inn í
Menntaskólann árlega á þeim
árum. Ég taldi auk þess miklu
þýðingarmeira að vinna ,,ærleg“
störf en setjast á skólabekkinn.
Á myndinni eru Árni Gestsson, Ragnar Bernburg, Mr. Ed-
munds sölustjóri Yardley International og Heiðar Jónsson sölu-
maður í heildsöludeild.
FV 2 1974
29