Frjáls verslun - 01.02.1974, Blaðsíða 45

Kaupgarður:
• •
„011 álagning lækkuð
til muna”
Segir Guðmundur Hallgrímsson,
framkvæmdastjóri
Birgðaverzlunin Kaupgarður
Smiðjuvegi 9, Kópavogi, var
opnuð snemma í desember á
síðasta ári. Þá voru um 8 ár
liðin síðan nokkrir matvöru-
kaupmenn boðuðu til rabb-
fundar með forráðamani Fé-
lags íslenzkra iðnrekenda og
nokkrum helztu og reyndustu
stórkaupmönnum og smásölum
um það, hvort ekki væri tíma-
bært að stofna hlutafélag, sem
hefði það að markmiði að reka
sameiginlegan vörumarkað eða
stórmarkað á Reykjavíkur-
svæðinu. Til framhaldsfundar
um málið var aldrei boðað.
í Kaupgarði fæst fjölbreytt
úrval af neyzluvörum. Má þar
nefna mjólk og mjólkurafurðir,
kjöt, fisk, hreinlætisvörur, nið-
ursuðuvörur, ávexti, grænmeti
og annað það er heimilið þarfn-
ast, Kom þetta m. a. fram í við-
tali, sem F.V. átti við Guðmund
Hallgrímsson, framkvæmda-
stjóra Kaupgarðs.
í viðtalinu sagði Guðmundur,
að almenningur ætti nú kost á
að verzla stærra og ódýrar í
birgðaverzlun, þar sem kaup-
mennirnir kaupa inn sjálfir.
Hann sagði: — Við ráðum ekki
við kostnaðarverð vöru, sem
keypt er af innlendum heildsöl-
um. Það eina sem við ráðum við
er verðálagningin, sem verðlags-
eftirlitið hefur skammtað okk-
ur. Öll okkar álagning hefur
verið lækkuð til muna, og þann-
ig að við höfum jafnvel lækkað
álagningu á ákveðnum vöru-
flokkum um allt að 50%.
—Þetta gerum við með það í
huga að bjóða fólki að gera hag-
kvæm innkaup, og það fer mik-
ið eftir því, hvernig undirtekt-
ir eru hjá almenningi, þannig að
almenningur fyrirgeri ekki rétti
sinum á lægra vöruverði.
Guðmundur sagði, að inn-
kaupavenjur fólks miðuðust við
seinni hluta föstudags og laug-
ardagsmorgna. — 50—60% af
vöruinnkaupum fólks eru gerð á
þessum tíma. Fólk ætti að beina
viðskiptum sínum að fyrri hluta
vikunnar. Það er hagkvæmara
fyrir kaupendur.
Kaupgarður hefur lagt á-
herzlu á að vera með ákveðna
markaðsdaga, þar sem boðnir
eru ákveðnir vöruflokkar á sér-
lega hagstæðu verði. Er þetta
sérstaklega auglýst.
í ræðu, sem Einar Bergmann,
stjórnarformaður Kaupgarðs
flutti á opnunardegi birgðaverzl-
unarinnar sagði hann m. a. frá
tildrögum að stofnun Kaup-
garðs, eins og komið hefur fram
hér að framan.
Frjáls verzlun birtir nú kafla
úr seinni hluta ræðu Einars
Bergmann:
„Það er loka markið 1 allri
verzlun, að hún sé til hagsbóta
fyrir þjóðfélagið í heild. Þar
eru smákaupmenn virkasti
tengiliðurinn milli framleiðenda
og neytenda. Hagkvæmni í inn-
kaupum og dreifingu leiðir til
lægra vöruverðs. Við höldum að
sjálfsögðu uppi sem fjölbreytt-
astri þjónustu, hver í sínu hverfi
við viðskiptavinina, en nú get-
um við boðið þeim upp á að
kaupa stærra og ódýrar, ef þeir
telja það svara fyrirhöfn og
kostnaði.
Sem sagt, við höfum aukið
valfrelsi viðskiptavina okkar,
án þess að missa þá frá okkur.
Til stofnunar þessa fyrirtækis
buðum við framámönnum í
frjálsri verzlun, bæði stórsölum,
framleiðendum og smásölum.
Því miður hafa aðeins 3 stórsal-
ar óskað eftir samvinnu við okk-
ur IMA menn.
Húsrýmið hlýtur að há eitt-
hvað þeirri starfsemi, sem hér er
að hefjast. Til þess liggja ýms-
ar ástæður, sem flestum hér við-
stöddum eru kunnar, og verða
því þær ekki raktar ítarlega. en
vonandi standa húsnæðismálin
til bóta fijótlega.
Reynslan mun brátt skera úr
um það, hvort við erum hér á
réttri leið í verzlunarháttum.
Ég er þeirrar trúar að reynsla
Kaupgarðs verði sú sama og af
Innkaupasambandi okkar: Öll-
um aðilum til hagsbóta.
Við höfum valið 1. desember
sem byrjunardag þessarar starf-
semi, og finnst mér það við hæfi.
Það er óumdeilandeg staðreynd,
að bættir verzlunarhættir voru
einn megin þátturinn í því, að
þjóðin öðlaðist sjálfstæði sitt.
Hlutverk kaupmannsins í ís-
lenzku þjóðlífi er enn jafnmikil-
vægt og það hefur alltaf verið
síðan við fengum sjálfstæði.
Hins vegar mega kaupmenn
aldrei missa mark á hinu mikil-
væga hlutverki sínu, og gæta
þess jafnan að vinna þjóð sinni
sem mest gagn, um leið og þeir
bæta eigin hag. Ef vel er að gáð,
og með framsýni, fer þetta
tvennt ævinlega saman, þegar
til lengdar lætur.
Blómleg verzlun og blómlegt
þjóðlíf helzt alltaf í hendur.“
Áherzla er lögð á að hafa ákveðna markaðsdaga, þar sem boðnir
eru ákveðnir vöruflokkar á sérlega hagstæðu verði.
FV 2 1974
45