Frjáls verslun - 01.10.1974, Side 39

GJALDEYRISVIÐSKIPTI.
Það er stefna bankanna að
bjóða þjónustu sína í aukn-
um mæli út um landsbyggðina
og er þessi samruni af því
sprottinn. Már sagði að Fá-
skrúðsfirðingum litist yfirleitt
vel á þetta nýja fyrirkomulag,
og sjálfur kvaðst hann mjög
ánægður með það, m. a. vegna
þess að nú er unnt að veita
mun meiri og víðtækari þjón-
ustu en sparisjóðurinn einn
gat veitt. Nú fara m. a. fram
gjaldeyrisviðskipti í útibúinu,
það er opið fimm daga vik-
unnar á móti tveim dögum í
tíð sparisjóðsins og unnt er
með aðstoð aðalbankans að
sinna mun stærri verkefnum
en áður í þágu atvinnulífsins
á staðnum. Þá stendur og til
Már Hallgrímsson.
að afurðalán til sjávarútvegs-
ins verði afgreidd þaðan, í stað
þess að nú þurfa fyrirtæki á
Fáskrúðsfirði og nágrenni að,
sækja þau til Eskifjarðar. Tek-
ur útibúið þá einnig við af-
greiðslu þessara lána til Stöðv-
arfjarðar og Breiðidalsvíkur,
sem eru skammt frá, en þetta
mun auka umsvif útibúsins
mjög verulega. Annars hafa
umsvif þess á öðrum sviðum
aukist verulega í sumar miðað
við þenslu sparisjóðsins undan-
farin ár.
Útibú þetta á að geta veitt
alla þjónustu, sem bankar yfir-
leitt geta veitt og er óháð að-
albankanum um ákvarðanir
sínar, nema að um verulegar
lánsupphæðir sé að ræða. Það
er til húsa í samkomuhúsinu.
Góðir aðflutningar undirstaða
góðrar verzlunarþjónustu
— segir Jakob Jóhannesson, verzlunarmaður
„Góðir aðflutningar eru
mikilvægur þáttur í verzlun-
inni hér, og veltur mikið á að
þeir séu í góðu lagi,“ sagði
Jakob Jóliannesson, sem vinn-
ur hjá verzluninni Þór hf. á
Fáskrúðsfirði, en verzlunin er
þar í stóru myndarlegu og ný-
legu húsi.
Jakob Jóhanncsson.
Jakob sagði að nú orðið
kæmi meirihluti alls varnings
með bílum að sunnan eða
norðan, enda væri reyndin því
miður sú, að varan væri oft
mjög illa leikin upp úr skip-
unum miðað við hvernig hún
kæmi úr bílunum, og auk þess
kæmu strandferðaskipin ekki
nema svona hálfsmánaðarlega.
Bílarnir koma hins vegar
tvisvar í viku að sunnan og
ein ferð er í viku til Akureyr-
ar, enda kaupa Fáskrúðsfirðr
ingar kjötvöru sína aðallega
þaðan. Að sögn Jakobs eru
tvær hliðar á þessum flutn-
ingamálum. Yfirleitt er ódýr-
ara að flytja með skipunum,
og getur munað allt upp í
helming á t. d. sekkjavöru. Á
móti þessu kemur svo, að ferð-
ir skipanna eru mun strjálli
en bílanna, sem leiðir af sér
stærri innkaup í einu, en það
er ekki eins hagkvæmt fyrir
verzlunina.
Eins og flestar verzlanir á
Austfjörðum, verzlar Þór hf.
með flestar vörutegundir og
eins og víðast á Austfjörðum,
stendur kaupfélagið á staðnum
traustum fótum. Jakob sagði
þó ekki ríg vera milli þessara
fyrirtækja, enda skiptu þau
á vissan hátt á milli sín við-
skiptunum. Þannig verzlar
kaupfélagið t. d. mun meira
við sveitirnar í kring, en Þór
hf. meira inni í plássinu.
ESN AF MÖRGUM —
PÍPUR
í miklu úrvali
RONSON
gaskveikjarar
Hjartarbúð
SUÐURLANDSBRAUT 10.
FV 10 1974
39