Frjáls verslun - 01.10.1974, Síða 47

íslendingar erlendis
Starfar ■ Saigon -
búsettur í Bangkok
Gunnar Tómasson, hagfræðingur segir frá starfi
sínu hjá Suðaustur- Asíudeild
Alþjóðagjaldeyrissjóðsins
Gunnar Tómasson, hagfrœðingur, dvaldist hér á landi ásamt
fjölskyldu sinni í fríi í s'umar, en hann hefur starfað við Al-
þjóðagjaldeyrissjóðinn í Washington síðan 1966. Gunnar starf-
ar við Asíudeild sjóðsins, þar sem hann hefur gegnt starfi ráð-
gjafa síðan síðastliðið vor. Gunnar er nú við störf í Saigon í
Suður-Vietnam og flýgur á milli hennar og Bangkok í hverri
viku.
í Saigon starfar Gunnar sem
ráðgjafi ríkisstjórnar Suður-
Víetnam við mótun og fram-
kvæmd efnahagsmálastefnu al-
mennt. Gunnar lauk stúdents-
prófi við Verzlunarskóla ís-
lands vorið 1960 og hélt til
hagfræðináms í Englandi þá
um haustið og lauk hann prófi
frá Manchesterháskóla árið
1963. Síðan hélt hann til
framhaldsnáms við Harvard-
háskóla í Bandaríkjunum og
lauk þaðan hinum bóklega
hluta doktorsgráðu, í svoköll-
uðu almennu prófi við Ph. D-
gráðu 1965.
F.V.: — Hver var ástæðan
fyrir því að þú valdir þér Al-
þjóðagjaldeyrissjóðinn sem
starfsvettvang að námi loknu,
Gunnar?
Gunnar: — Ég leit á starf
við Alþjóðagjaldeyrissjóðinn
sem nokkurs konar framhalds-
menntun á sviði hagfræði en
sjóðurinn fjallar mjög ítarlega
um efnahagsleg vandamál
flestra landa heims. Sjóðurinn
er því stofnun, þar sem mað-
ur kynnist og fær reynslu í að
fást við margbreytileg við-
fangsefni við mismunandi
þjóðfélagsaðstæður í ýmsum
löndum. Áður en ég réðst til
Alþ j óðagj aldeyrissj óðsins
kannaði ég nokkuð starfs-
möguleika á íslandi. Eins og
Gunnar Tómasson,
hagfræðingur.
fleiri, var ég þá allskuldugur
að loknu dýru námi. Um það
bil þriðjungur námskostnaðar
var fjármagnaður með ýmis-
konar innlendum og erlendum
styrkjum og önnur eins upp-
hæð kom af eigin vinnu og
frá fjölskyldu minni. Það sem
upp á vantaði hafði ég fengið
að láni fyrir sérstaklega góða
fyrirgreiðslu bankastjóra
Verzlunarbankans og Lands-
bankans.
Ef ég hefði ráðizt til starfa
á íslandi, þá reiknaðist mér
til að um það bil 3ja mánaða
brúttótekjur myndi þurfa til
þess að greiða vexti og afborg-
anir af þessum skuldum og
var því fjárhagslega ekki
mögulegt fyrir mig annað en
að hefja starf erlendis.
F.V.: — f hverju eru störf
þín hjá Alþjóðagjaldeyrissjóðn-
um aðallega fólgin, hvert er
hlutverk og starf sjóðsins og
hvert er samband á milli starf-
semi Alþjóðagjaldeyrissjóðsins
og Alþjóðabankans?
Gunnar: — Starfsemi sjóðs-
ins má segja að sé tvíþætt.
í fyrsta lagi vinnur starfslið
sjóðsins að ýtarlegum skýrslu-
gerðum um ástand efnahags-
mála í þeim liðlega 125 ríkjum
sem eiga aðild að sjóðnum.
Venjulega er gefin út að
minnsta kosti ein heildar-
skýrsla um ástand efnahags-
mála í hverju aðildarríkja á
ári hverju og í sumum tilfell-
um er um fleiri skýrslur að
ræða. Þessar skýrslur eru
unnar af starfsliði sjóðsins á
grundvelli viðræðna við hlut-
aðeigandi stjórnvöld og þeirra
gagna, sem berast stöðugt til
höfuðstöðva sjóðsins í Was-
hington. í alþjóðlegum umræð-
um og samningum um efna-
hagsmál eru skýrslur þessar
oft lagðar fram sem grund-
vallargögn fyrir hlutaðeigandi.
í öðru lagi veitir Alþjóða-
gjaldeyrissjóðurinn lán til
meðlimaríkja sem eiga við
stutttíma erfiðleika að etja í
FV 10 1974
47