Frjáls verslun - 01.10.1974, Page 42

Bókin ICELAND er gefin út í tilefni 1 1 alda byggðar á Islandi. Þessi bók er tví-
mælalaust ein sú fegursta og bezt gerða bók, sem Almenna bókafélagið Kefur
nokkru sinni gefiS út um Island. Bókin ICELAND er gefin út á ensku og þýzku,
og fjallar eins og nafmS bendir til um ísland, náttúru þess og þjóSlíf aS fornu og
nýju.
Bókin er 224 bls. að stœrð í stóru broti og þar aí
eru, auk uppdrátta og landabréfa, 100 heilsíður af
litmyndum teknar af þeim Franz-Karl von Linden
og Helfried Weyer, sem hafa á fáum árum getið
sér frœgð víðsvegar um lönd fyrír afburðasnjallar
myndabœkur um landslag og þjóðlíf í mörgum
heimsálfum.
Auk myndanna hefur bókin að geyma alls 9 rit-
gerðir um ísland eftir 8 sérfróða úrvalshöíunda. Þar
af eru tveir íslenzkir, en þeir eru forseti íslands, dr.
Kristján Eldjárn, sem ritar um sögu íslands og þjóð-
háttu til forna, og fyrrv. menntamálaráðherra dr.
Gylfi Þ. Gíslason, sem ritar um íslenzku þjóðina og
vandamál hennar í heimi nútímans. Aðrar ritgerðir
ALMENNA
BÓKAFÉLAGIÐ AUSTURSTRÆTI 18 - P.O. BOX 9 - REYKJAVÍK
fjalla um náttúrufar íslands og menningarsnið (G.
Oberbeck), um landfraeðilega byggingu íslands og
þróun hennar (M. Schwarzbach), um fuglalíf (H.
Englander), um efnahagsmál (O. Dreyer-Eimbcke),
um tilurð Surtseyjar (F.-K. von Linden) og um land-
nám lífs á eynni (G. H. Schwabe). Ennfremur ritar
von Linden áhrifamikla frásögn um gosið í Heima-
ey. Enn má þess geta, að öllum myndum fylgja
skýringargreinar og að bókarlokum segir H. Weyer
frá reynslu sinni og aðferðum við myndatökur.
Bókin er prentuð í Sviss hjá hinu kunna fyrirtœki
Kúmmerly & Frey, sem einkum hefur getið sér mik-
ið orð fyrir snilli sína við gerð hinna vandasöm-
ustu verka, sem og ýmissa frœgra landfrœðirita.
42
FV 10 1974