Frjáls verslun - 01.07.1978, Blaðsíða 25

og er dýpiö svo mikið, að fullfermd
olíuskip allt aö 275 þús. tonnum
geta komizt inn í höfnina á fjör-
unni.
Um höfnina í Amsterdam er
miklu minni umferð eða rúm 5
þúsund skip í fyrra.
Flugsamgöngur
Schiphol-flugvöllur við Amster-
dam er einn mikilvægasti milli-
lendingarflugvöllur í Evrópu. Hol-
lenzka flugfélagið KLM heldur
uppi ferðum til u. þ. b. 110 borga í
70 löndum. Milli Amsterdam og
New York hafa ferðir félagsins t. d.
verið 12 á viku.
Verzlun og viðskipti
Verzlun ásamt iðnaði og land-
búnaði eru höfuðatvinnuvegir
Hollendinga og grundvöllur að al-
mennri velmegun í landinu. Vörur,
sem þörf er fyrir í Þýzkalandi, Sviss
og öórum löndum Mið-Evrópu eða
í Austur-Frakklandi, er auöveld-
lega hægt að flytja inn um Holland.
Þannig hefur Holland orðið mikil-
væg miðstöð fyrir vöruskipti og
umskipun, en jafnframt fjár-
magnshreyfingar, sem í tengslum
við öfluga verzlun hafa skapað
skilyrði fyrir öflugri bankastarf-
semi. Vörur eru keyptar til Hol-
lands frá fjarlægum löndum og
seldar þaðan aftur til landa, sem
hafa þörf fyrir þær. Þetta er mikil-
væg þjónusta, sem Hollendingar
veita öðrum þjóðum. Hún hefur
þróazt öfluglega vegna þess álits,
sem hollenzkir kaupmenn hafa
lengi notið erlendis. Holland er vel
þekkt verzlunarmiðstöð fyrir allar
mögulegar vörutegundir, allt frá
fóðurbæti og baðmull til kaffi-
bauna og gimsteina.
Útflutningsverzlunin
Árið 1976 nam innflutningur
Hollendinga 104 milljörðum gyll-
ina en útflutningur 106 milljörðum.
Þannig var útflutningurinn um
102% miðað við innflutning, en á
árunum fyrir síðari heimsstyrjöld-
ina var þetta hlutfall hæst 73%.
Mest er flutt inn af vélum og flutn-
ingatækjum, óunninni olíu og gasi,
matvælum, drykkjarvöru og tó-
baki. Mest er flutt út af þessum
síðasta flokki vörutegunda, síðan
vélum og flutningatækjum og þar
næst koma olíuvörur. Helztu við-
skiptalönd Hollands eru Vestur-
Þýzkaland, sem er í efsta sæti
bæði hvað innflutning og útflutn-
ing snertir. Belgía og Luxemborg
eru í öðru sæti. í þriðja sæti hvað
innflutning til Hollands snertir eru
Bandaríkin og Frakkar eru í þriðja
sæti af kaupendum hollenzkrar
vöru erlendis. Olíuríkin eins og (r-
an, Saudi-Arabía og Nígería eru í
6., 7. og 9. sæti af seljendum vöru
til Hollands.
25