Frjáls verslun - 01.07.1978, Blaðsíða 8

■HHHBHHHHHHHHHHHBHHBHHHHHHHHHHHHnBHflnHMMBHNÍ
áfangar
Þórður Magnússon, varð þann 15. júlí s. I.
fjármálalegur framkvæmdastjóri Fríhafnarinn-
ar á Keflavíkurflugvelli, en það er nýtt starf í
fyrirtækinu.
Þórður er fæddur í Reykjavík 15. maí 1949.
Hann varð stúdent frá Menntaskólanum í
Reykjavík 1970, en fór síðan í viðskiptadeild
Háskóla íslands og lauk þaðan prófi 1974. Að
námi loknu hélt Þórður til Bandaríkjanna, þar
sem hann stundaði nám í rekstrarhagfræði við
University of Minnesota á árunum 1975— 76.
í ársbyrjun 1976 vann Þórður að markaðs-
þætti svokallaðs ullar- og skinnaverkefnis á
vegum Útflutningsmiðstöðvar iðnaðarins, og
hafði það starf með höndum, þar til hann tók
við framkvæmdastjórastöðunni.
— Starf mitt í Fríhöfninni sagði Þórður, er
fólgið í fjármálastjórn fyrirtækisins, umsjón
með bókhaldi, stjórnun innkaupa, eftirliti með
birgðum, stjórnun söludeilda og starfsmanna-
halds. Nú yfir sumartímann starfa 80 manns í
Fríhöfninni á Keflavíkurflugvelli, á skrifstofunni
og í verzlununum tveimur.
Þórður Ásgeirsson, skrifstofustjóri í sjávar-
útvegsráöuneytinu var á síðasta fundi Alþjóða
hvalveiöiráðsins í London í júní s. I. kosinn for-
maður ráðsins. Þórður sagði, aó nú ættu alls 17
þjóðir aðild aö ráðinu, en þrjár til viöbótar væru
í þann veginn að ganga í það.
— Hlutverk mitt sem formaður, sagöi Þórð-
ur, er að stýra aðalfundum ráðsins, sem haldnir
eru árlega, auk aukafunda. Formaður kemur
fram út á við fyrir hönd þess, undirbýr fundi í
samvinnu við framkvæmdastjóra, en Alþjóða
hvalveiðiráðið hefur aðalskrifstofu í Cambridge
á Englandi og hefur formaður jafnframt yfir-
umsjón með skrifstofunni.
Þórður hefur einnig ýmsum öðrum skyldum
að gegna fyrir Alþjóða hvalveiðiráðið. Hann
gerir skýrslu eftir hvern fund, tekur afstöðu til,
eftir ákveðnum reglum, hvaða áheyrnarfulltrú-
ar eigi rétt til að sitja fundi ráðsins, auk ýmissa
annarra starfa. Þórður sagði, að einnig væri
mikið að gera milli funda, t. d. svara hinum
fjölmörgu bréfum sem formanni berast m. a. frá
ýmsum friöunarsamtökum.
Þóröur Ásgeirsson er fæddur 31. marz 1943 í
Reykjavík. Að stúdentsprófi loknu nam hann
við Háskóla íslands og lauk þaðan lögfræði-
prófi 1968. í tvö ár starfaði hann hjá lagadeild
Sameinuðu þjóðanna, fyrra árið í New York, en
seinna árið á Kýpur. Síðan réðist hann til sjáv-
arútvegsráðuneytisins 1970, þar sem hann
hefur starfað síðan.