Frjáls verslun - 01.08.1978, Page 13

ordspor
Nýlega var gerður gagnkvœmur samn-
ingur um tollamál milli íslands og Vest-
ur-Þýzkalands. Umýmis atriði er fjallað í
samningi þessum en mestu máli mun
skipta, að tollgœzlur landanna eiga hér
eftir að hafa frumkvœði að því að senda
hvor annarri upplýsingar, sem að gagni
mega koma við tollgæzlustörf í hvoru
landi. 1 raun þýðir þetta, að þýzka toll-
gœzlan mun hér eftir ótilkvödd láta ís-
lenzk tollyfirvöld vita ef grunur leikur á
að verið sé að setja smyglgóss um borð í
íslenzk skip í vestur-þýzkum höfnum. í
langflestum tilfellum mun tollgœzla ytra
hafa einhvern pata af því ef slík mál eru á
ferðinni. í undirbúningi er að gera sams
konar samning við Pólverja og telja
kunnugir að þá sé búið að þrengja all-
verulega að íslenzkum smyglurum, því að
þeir hafi fyrst og fremst tekið smyglfarma
sína um borð í skip í Þýzkalandi og Pól-
landi.
Lán vegna kaupa á eldra húsnœði
hœkkuðu í haust úr 800 þúsund krónum í
eina milljón. Margir hafa vonað að slík
fyrirgreiðsla opinberra lánastofnana gœti
orðið til þess að auðvelda ungu fólki að
eignast gamalt húsnæði og að með því
verði stuðlað betur að jafnvægi milli ald-
urshópa í hinum einstöku hverfum
Reykjavíkurborgar og annarra eldri bæj-
arfélaga. Svo virðist þó sem skammgóður
vermir verði af þessari nýju tilhögun, því
að samkvœmt síðustu upplýsingum af
fasteigamarkaði hœkkaði eldra íbúðar-
húsnœði í verði sem nam þessari auknu
lánsfjárupphæð og vel það um leið og til-
kynnt var um hœkkun lánanna.
Hugsanlegt er að Flugleiðir taki fyrstu
breiðþotu sína af gerðinni DC-10 í notkun
í maímánuði á nœsta ári. Bandaríska
flugfélagið Seabord hefur boðið félaginu
leigukaupsamning um þotuna og er
reiðubúið að afhenda hana þegar um
áramót. Ákvarðanir um eftirlit og viðhald
vélarinnar hafa hins vegar gert úrslit
þessa máls óvissari en ella vegna þess að
Seaboard vill annast það sjálft en frá
Luxemborg er lagt að Flugleiðamönnum
að fela Cargolux í Luxemborg viðhaldið.
Mun hafa verið látið aðþví liggja af hálfu
stjórnvalda í Luxemborg, að flugréttindi
Loftleiða í Luxemborg væru í hættu, ef
ekki yrði samið við Cargolux.
•
Kaupfélagaverzlanir á Norðaustur-
landi og á Vestfjörðum standa margar
mjög illa um þessar mundir og eru margir
forystumenn samvinnuhreyfingarinnar
þeirrar skoðunar að gjaldþrot verði ekki
umflúin hjá nokkrum þessum félögum.
Helztu sérfrœðingar sambandsins vinna
að því að hagrœða eins og mögulegt er
m.a. með sameinungu verzlana. Ástandið
er sums staðar svo slæmt að lausa-
skuldirnar eru hœrri en ársvelta.
•
Menn hafa velt fyrir sér tilgangi meiri-
hlutaflokkanna í borgarstjórn Reykja-
víkur með að þyrla upp öllu moldviðrinu í
kringum úttektina á fjárhagsstöðu borg-
arinnar. Staða borgarsjóðsins reyndist
ekkert verri en á svipuðum árstíma í fyrra.
Raunveruleg ástæða þessa áróðursleiks
meirihlutans mun sú, að hann þarf að
skera duglega niður framkvæmdir það
sem eftir er af árinu og þótt þetta hafi
verið Ijóst við endurskoðun fjárhagsáœtl-
unar borgarinnar í sumar þótti ekki til-
tækilegt þá að gera nauðsynlegar ráð-
stafanir af ótta við að meirihlutinn myndi
klofna út af ágreiningi um „vinsœV'
framkvœmdaáform, sem ekki mœttu bíða.
13