Frjáls verslun - 01.08.1978, Side 80

Auglýsingastofan hf.
hlýtur viðurkenningu
AAAI er skammstöfun á alþjóð-
legum samtökum auglýsingastofa
sem byggja á þeim grunni að
aðeins ein stofa á hverju
markaðssvæði sé meðlimur.
Höfuðstöðvar samtakanna eru í
Bandaríkjunum en ársþing eru
haldin í ýmsum löndum. 61 fyrir-
tæki í öllum heimsálfum er nú í
samtökunum. Þau leggja áherslu á
að miðla þekkingu og skaþa
möguleika á samstarfi og þer-
sónulegum kynnum. Samtökin
gangast árlega fyrir verðlauna-
veitingu fyrir helstu tegundir verka
sem unnin eru af auglýsingastof-
um.
Verðlaunaveiting þessi nefnist á
ensku AAAI 24 Carat, Golden
Circle Awards og byggjast á eins
konar samkeþpnisgrundvelli
þannig að öllum, sem gera aug-
lýsingar, er heimilt að senda dóm-
nefnd eitt eða fleiri verk. í ár lauk
nefndin störfum í júní sl. og haföi
þá dæmt verk sem notuð voru á
tímabilinu mars 1977 — mars
1978. Þess er getið í keppnisregl-
um að dæmt sé með hliðsjón af
gildi fyrir sölu, inntaki, myndrænni
útfærslu og hversu vel er vandað
til framleiðslunnar. Verðlaun hljóta
verk sem standast ítrustu kröfur.
Auglýsingastofan hf. hlaut að
þessu sinni viðurkenningu í þess-
ari keppni (Golden Circle) fyrir
verk sem flokkast sem auglýs-
ingaherferð í dagblaði. Verkið var
unnið fyrir verslunina CASA,
Borgartúni 29, sérverslun með
listræna húsmuni. Fimm önnur
verk í þessum flokki hlutu viður-
kenningu.
80