Frjáls verslun - 01.08.1978, Qupperneq 29

Á fatakaupstefnu í Bella Center í Kaupmannahöfn. Úlfur Slgurmunds-
son kynnir íslenzkar sýningardeildlr fyrir Margréti Danadrottnlngu.
— Hve miklu er kostað til Út-
flutningsmiðstöðvarinnar nú?
Úlafur: — Reksturinn í fyrra
kostaði um 62 milljónir og þar af
nam framlag ríkisins um þriðjungi.
Fyrirferðamestu gjaldaliðir eru laun
og þátttaka í kaupstefnum og
markaðsþjónusta hvers konar. Hér
starfa auk mín þrír fulltrúar, verk-
efnisstjóri við svokallað ullar- og
skinnaverkefni og þrír ritarar.
En svo við höldum áfram með
mat á árangrinum verðum við að
líta á málið frá fleiri sjónarmiðum.
ísland gekk í EFTA árið 1970 og ári
seinna var Útflutningsskrifstofu
Félags ísl. iðnrekenda breytt í Út-
flutningsmiðstöð iðnaðarins fyrir
forgöngu Jóhanns Hafstein, þáver-
andi iðnaðarráðherra. Þar með var
verksviðið víkkað. Þá voru settar
fram vissar hugmyndir um þróun,
sem vissulega fór vel af stað. Það
var mikil gróska hér í alls konar
starfsemi. Ef við aftur á móti skoð-
um tölur yfir útflutning iðnaðarvara
í fyrra nam hann alls um 7,4
milljörðum og þar af voru fjórar
vörutegundir, ullarvara, skinnar-
vara, niðursuða og kísilgúr 6,7
milljarðar. Allur annar iðnaður var
ekki nema 700 milljónir. Að þessu
leyti hafa vonirnar brugðizt mest
eða þróunin orðið allt önnur en
hinir vísu landsfeður gerðu ráð
fyrir. Þeir reiknuðu með mikilli iðn-
væðingu til útflutningsframleiðslu
og það var mikið rætt um aðgang
að markaði á hinum stóra markaði.
Þá hafa þeir haft til hliðsjónar þá
þróun, sem varð á Noröurlöndum
við inngöngu þeirra í EFTA. Enginn
kraftur hefur verið langður í út-
flutningsstarfsemina og þar er
verðbólgunni um að kenna, því hún
tekur alla orku frá mönnum hér.
— Hvert var hlutfall iðnaðarvöru
í helldarútflutnlngl þegar starf-
semln hófst og hvert er það núna?
Úlfur: — Það var 3,4%, þegar
Útflutningsskrifstofan tók til starfa
en er nú 7,4%. Það er engum blöð-
um um það að fletta að næstum
engar stærðir í þjóðfélaginu hafa
aukizt jafnhratt og útflutningur
iðnaðarvöru. Þrátt fyrir mikla fram-
leiðslu í sjávarútvegi og há verð
hefur iðnaðnum tekizt að halda
sínum hlut í útflutningnum og aldrei
lækkað.
— Hvað er framundan? Verður
aðaláherzla lögð á að viðhalda nú-
verandl stöðu okkar í útflutningi
þessara helztu iðnaðarvöruflokka,
auka hann eða reyna einhver ný-
mæli?
Úlfur: — Með óbreyttu starfs-
mannahaldi og við sömu skilyrði,
sem ríkja hjá Útflutningsmiðstöð-
inni nú er sáralítið ráðrúm fyrir ný-
mæli. Það er brýnast að efla fyrst
og fremst þá grein, sem stærst er
orðin og getur notfært sér þá að-
stoð, sem í boði er. Það er ullarvar-
an.
— Þú ert trúaður á að vinsældir
íslenzku ullarvörunnar verði
varanlegar. Það er ekki hætt við að
þetta sé tízkufyrirbæri, sem gengur
yflr?
Úlfur: — Okkur er bráðnauð-
synlegt að styðja þennan út-
flutning, efla að aðstoða á alla lund.
Ég ætla mér ekki þá dul að spá að
hann standi um alla eilífð. En það er
athyglisvert að hann hefur vaxið
upp í eins konar kreppu í Evrópu og
öllum hinum vestræna heimi. Þrátt
fyrir kreppueinkenni eins og at-
vinnuleysi í nágrannalöndum hefur
ekki dregið úr sölu þessara vara
heldur þvert á móti. Það er sönnun
fyrir því, að markaðsstaðan er
traust. En við þurfum stöðugt að
minna á vörur okkar. Þær mega
ekki gleymast. Afhverju er alltaf
verið að auglýsa Johnny
Walker-viskí í erlendum blöðum
nema til að minna á og halda
markaðsstöðunni við?
— Hvað er í vændum hjá Út-
flutningsmiðstöðinni. Hver eru
næstu verkefni?
Úlfur: — Við erum nú eins og
svo oft áður að bíða eftir fjármagni.
Starfsemin hefur verið hálflömuð á
þessu ári og þegar fjármagn fæst,
er ekki við því að búast að mikið
verði um viðbótaraðgerðir. Næstu
aðgerðir munu beinast fyrst og
fremst að ullariðnaðinum og þá á
ég við auglýsinga- og kynningar-
þátt, sem við höfum aldrei áður
getað lagt út í. Við ætlum að reyna
samræmda auglýsingaherferð í
nokkrum löndum fyrir íslenzkar
ullarvörur, þar sem aðaláherzla
verður lögð á ágæti íslenzku vör-
unnar í heild og menn hvattir t að
forðast eftirlíkingar. Við munum
byrja þessa herferð á einhverju
hæfilega stóru markaðssvæði eins
og til dæmis í Noregi, Hollandi eða
Austurríki, þar sem við eigum til-
tölulega gott með að meta niður-
stöðurnar.
29