Frjáls verslun - 01.10.1978, Blaðsíða 66

Prenta milljónir límmiða af
ólíkum gerðum
í nýja iðnaðarhverfinu
í Hafnarfirði er stað-
sett eina prentsmiðj-
an á landinu, sem
sérhæfð er í prentun
límmiða. Vörumerk-
ing heitir hún
Nær allir límmiðar, sem notaðir
eru hér á landi, eru prentaðir hjá
þessari prentsmiðju. Fram-
kvæmdastjóri Vörumerkingar er
Karl Jónasson, og náði Frjáls
verzlun tali af honum.
„Jú, við erum sérhæfðir íöllu því
sem heitir vörumiðar," sagði Karl,
„enda eru hér næg verkefni á því
sviöi til þess að sú sérhæfing sé
réttlætanleg. Þetta fyrirtæki er
orðið átján ára gamalt og hefur
aldrei prentað neitt annað. Raunar
getum við ekki prentað neitt annað
og þegar við þurfum sjálfir að fá
eitthvað prentað, svo sem reikn-
inga, bæklinga, eða bréfsefni,
verðum við að leita annað eftir því.
Þetta er svolítiö sérstæð prent-
un. Allar vélar eru einhæfar og
sérhannaðar. Þær eru ekki fram-
leiddar í fjöldaframleiðslu, líkt og
aðrar prentvélar, heldur nánast
eftir þörfum hvers vélakaupanda,
innan ákveðins ramma. Þetta eru
ákaflega nákvæm tæki.“
Nákvæmur skurður á límmiðum
„Þess má geta, að aðrar prent-
smiöjur, að minnsta kosti sumar,
geta prentað á límmiða, en sú
vinna verður aldrei af sömu gæð-
um og hjá okkur. Þar á ég ekki
endilega við prentunina sjálfa, því
hana er sjálfsagt hægt að fá jafn
góða annars staðar. Fyrst og
fremst er þaö skurðurinn á merki-
miðanum, sem er nákvæmari og
betri hjá okkur. Pappírinn er tvö-
faldur. Annars vegar sá sem
prentað er á, hins vegar undir-
pappír. Miöana verður að valsa
þannig að sjálfur límmiðinn skerist
út, án þess að skorið sé niður í
undirpappírinn. Við skilum miðun-
um á rúllum, skornum út og fjar-
lægjum það af yfirpappírnum, sem
ekki er prentað á. Þannig er hægt
að nota sjálfvirkar, eða hálf-sjálf-
virkar álímingavélar, þegar að því
kemur að setja miðana á vöruna
sjálfa."
Sýnlshom af límmlðum frá Vörumerklngu.
66