Frjáls verslun - 01.08.1979, Qupperneq 61
Þeir hyggja á
landvinninga
,,Hér var verið að flytja inn í átta íbúða blokk, sem hreppurinn lét
byggja, “ sagði Kristján Pálsson, sveitarstjóri á Suðureyri í viðtali við
FV. Ekki virðist þó mikið húsnæði losna við það. Oft rýmist gamalt og
mjög ófullnægjandi húsnæði, sem af flestum er dæmt úr leik. Bygging
nýju íbúðablokkarinnar tók rúmt ár. “
Þá er verið að stækka skóla-
húsið um helming og verður reynt
að taka hluta þess húsnæðis í
notkun á skólaárinu, sem senn
hefst. Þá er dagheimili í byggingu,
260 fermetra hús, sem mun bæta
úr afar brýnni þörf. Að vísu hefur
frystihúsið boðið upp á barna-
gæzlu á vetrum fyrir þær hús-
mæður, sem hafa viljað vinna
hluta úr degi, en aðstaða ekki ver-
ið eins og bezt verður á kosið.
Um margt óvenjulegt þorp
Suðureyri er um margt óvenju-
legt þorp miðað við önnur á Vest-
fjörðum, og Súgfirðingar virðast
fara sínar eigin leiðir oft á tíðum.
Til dæmis steyptu þeir götur sínar
fyrir fáum árum og vakti það mikla
athygli. „Steypan hefur reynzt
ákaflega vel, nema þar sem frost-
skemmdir komust í hluta fyrstu
steypunnar", sagði Kristján Páls-
son. ,,Við teljum að þegar til
lengdar lætur muni þetta borga
sig. Olíumölin hefur reynzt mis-
jafnlega hér á fjörðunum, og á
ísafirði hefur hún sumsstaðar
bókstaflega horfið með öllu". Og
nú er næst á dagskrá að leggja
gangstéttir, verið að byrja á að
steypa kantana og lagfæra göt-
urnar þar sem þess þurfti með.
Á síðasta ári fengu Suðureyr-
ingar heitt vatn í hús sín. í sumar
var verið að ganga frá miðlunar-
tanki fyrir ofan plássið, þannig að
nú á að verða hægt að tryggja
jafnara og stöðugra rennsli inn í
húsin. Vatnið þurfti aðeins að leiða
4 kílómetra leið inn í þorpið og má
nærri geta hversu mikil búbót það
er fyrir plássið.
Líta knattspyrnuvöllinn hýru auga
Og Suðureyringar hyggja á
landvinninga, bókstaflega talað.
Þar háttar svo til, að byggingalóðir
eru ekki lengur fyrir hendi. Menn
eru jafnvel farnir að líta knatt-
spyrnuleikvanginn hýru auga!
Sagði Kristján að afar brýnt væri
að byrjað yrði að dæla upp sandi
og vinna með því móti landrými
fyrir auknar íbúðarhúsabyggingar
fyrir innan þorpið. ,,Ef þið vitið af
einhverjum sjóðum, sem vilja lána
til slíkra framkvæmda, þá ættuð
þið að láta vita", sagði Kristján.
Hann kvað þetta verða fjárfreka
framkvæmd, eflaust mundi hún
kosta hundruð milljóna. En um
annað væri ekki aö ræða, ef ein-
hver þróun ætti að eiga sér stað á
Suðureyri.
Þá sagði Kristján að mjög brýnt
væri orðið að vinna aö hafnarbót-
um. Skuttogarinn Elín Þorbjarnar-
dóttir á heldur lélega heimahöfn á
Suðureyri. Sé eitthvað að veðri
verður hann helzt að leita annað í
öryggisskyni. Er reiknað með að
lagfæringar verði gerðar á höfn-
inni næsta sumar, m.a. reistur nýr
bryggjukantur fyrir 100 milljónir.
Togarinn hefur gjörbreytt atvinnu-
lífinu, sagði Kristján. Á Suðureyri
er stöðug og góð vinna dag og
nótt að heita má. íbúum hefur
heldur fjölgað á Suðureyri og voru
535 snemma á þessu ári.
Marmarinn sf. auglýsir:
Framleiðum sólbekki, vaskborðplötur, flísar og sófaborðsplötur.
Allt steypt úr ekta marmarasandi.
Gullfallegt og fáanlegt í öllum litum.
Athugið: Ótrúlega hagstætt verð og greiðsluskilmálar.
Komið og skoðið, - Söluaðilar:
Keflavík: Bústoð, Vatnsnesvegi 14, sími 3377
Reykjavík: Iðnverk hf., Hátúni4a, símar: 25945 og 25930.
MARMARINN SF., sími 3952
61