Frjáls verslun - 01.01.1980, Blaðsíða 7

Haukur Þór Hauksson, sem rekur verslunina
Borgarljós, hóf fyrir skömmu innflutning og
heildsölu á raftækjum.
Haukur er fæddur hinn 9. febrúar 1957. Hann
lauk búfræðiprófi frá bændaskólanum að
Hvanneyri 1975 og verslunarprófi 1977. í fyrra
stundaöi hann nám í viðskiptafræðum við
London School of Foreign Trade.
Haukur starfaði í tæp tvö ár við verslunarstörf
í Nesco á Laugavegi 10, en keypti verslunina
Borgarljós haustið 1978 ásamt Arndísi Þor-
valdsdóttur, móður sinni. Versla þau með
margvíslegar rafmagnsvörur. Nú í haust var
starfssvið verslunarinnar aukið og tengist nú
innflutningur og heildsala á rafmagnsvörum
starfsemi hennar.
,,Það er mjög erfitt að reka verslun í dag, fer
raunar síversnandi,'' sagði Haukur. ,,Mesta sök
á hið óstöðuga efnahagslíf.
Varðandi rekstur raftækjaverslunar, þá má
segja að hún eigi erfiðar uppdráttar en t.d.
matvörubúð. Lagerinn þarf oft að vera stærri
og dýrari og á sumum hlutum er lítil hreyfing og
því mikill kostnaður samfara því aö sitja uppi
með einhverjar vöruþirgðir, vaxtakostnaðurinn
er alveg gífurlegur. Heildsöluálagning er nú
12% en smásöluálagning er 34%. Erlendis er
það tekið með í reikninginn aö veltuhraði fyrir-
tækja eins og raftækjaverslunar er mjög lítill og
því er álagningin í smásölu allt að 100%. Sumir
kunna að undrast slíkt, en kostnaðurinn við
þessa verslun er bara svo mikill að slíkt er
nauðsynlegt, ef maöur á aö geta boðið fólki
upp á eitthvert úrval."
Stefán Jón Hafstein var nýlega fastráðinn
sem fréttamaður á fréttastofu hljóðvarps.
Stefán Jón varð stúdent frá Menntaskólan-
um við Tjörnina 1975. Síðan las hann bók-
menntasögu og ensku við Háskóla íslands og
lauk einu stigi í hvorri grein. Þessu næst lá leiö
hans til London þar sem hann lagði stund á
fjölmiðlafræði í Polytechnic of Central London
og lauk hann þar námi í fyrra. Réóst hann þá til
útvarpsins sem lausráðinn fréttamaður.
Aðspurður kvaðst Stefán kunna mörgu vel í
hinu nýja starfi sínu, en reynslan af hinu póli-
tíska yfirvaldi stofnunarinnar væri ákaflega
slæm. Hann kvaðst sérstaklega óánægður með
það að útvarpsráð sé að ráðskast með dag-
skrárgerð og mannaráöningar auk þeirrar
smámunasemi sem þeir hefðu gert sig seka
um. ,,Mér finnst að útvarpsráð ætti aö sjá um
almenna yfirstjórn."
„Útvarpið hefur ekki getað starfað af fullum
krafti vegna fjársveltis og líður beinlínis fyrir
það. Annars held ég að við stöndum okkur
ágætlega á fréttastofunni þrátt fyrir þann
ramma sem okkur ber að vinna í. Það sem mér
finnst þó slæmt er að maður fær ekki tækifæri
til aö rannsaka málin lengi, athuga þau ofan í
kjölin."