Frjáls verslun - 01.01.1980, Blaðsíða 50

Einar Birnir, form. Félags isl. stórkaupmanna:
„Pólitísk hentistefna hefur
oftast ráðið ferðinni hjá
verðlagsnefndinni”
„Skólabækur gefa i skyn að verzlun
sé af hinu illa”
„í stjórnartíð minni hjá Félagi íslenzkra stórkaup-
manna verður höfuðáherzla lögð á verðlagsmálin.
Þau eru búin að vera aðalmál félagsins allavega
síðustu 30—40 árin“, segir Einar Birnir, formaður
Félags ísl. stórkaupmanna. „Þessi mál eru ef til vill
ennþá brýnni nú en nokkurn tíma áður af því að nú
beinlínis verður að snúa þessari stöðugu vörn og
undanhaldi í sókn. Annað gengur ekki. Ella lognast
innlend heildverzlun hreinlega út af.“
í framhaldi af þessum orðum formannsins er eðli-
legt að leggja fyrir hann spurninguna um það hvernig
hann og hans sljórn ætlar að ná þessu setta marki,
sem fyrirrennurum hans hefur ekki tekizt. Eru einhver
tromp á hendi eða ,,patent“-lausnir í augsýn?
Einar Birnir: Mikilvægast er að ná samkomulagi við
verðlagsyfirvöld á meðan við búum við verðlagshöft.
Lokamarkmiðið er að sjálfsögðu aö losna við þau og
láta samskiptin við viðskiptamenn ákveða þjónustu
og vöruverð.
F.V.: Telurðu einhverjar horfur á að ykkur í núver-
andi stjórn F.I'.S. gangi betur að fá leiðréttingu þess-
ara mála en forverum ykkar, sem höfðu alveg jafn-
háleit markmið?
Einar Birnir: Við í núverandi stjórn teljum okkur
þrátt fyrir allt hafa meiri möguleika. Nýtt verölagsráð
hefur veriö sett á stofn. Og enda þótt það sé háð
ýmsum annmörkum er þó Ijóst að það er sett saman
meö öðru hugarfari en verðlagsnefndin. Það á að
vera sjálfstæðara og er ætlað aö vinna eftir fyrirliggj-
andi staðreyndum en ekki pólitískri hentistefnu, sem
oftast hefur ráðið ferðinni hjá verðlagsnefndinni.
Án þess að vera að meta menn einstaklingsbundið
hljótum við að binda ákveðnar vonir við störf verð-
lagsstjórans, sem tók við embætti ekki alls fyrir löngu.
Það er gömul og ný saga, að nýir vendir sópa bezt.
Hann er kannski ekki eins þreyttur að hlusta á rök
okkar. Það gefur mér líka aukna bjartsýni að æ fleiri
hafa verið að átta sig á því, hvað stefnan, sem fylgt
hefur verið, er vitlaus og hvað ástandið í þessum
efnum er orðið alvarlegt.
F.V.: Hverju þakkarðu þennan aukna skilning,
sem þú talar um?
Einar Birnir: Menn sjá með augunum að það er
búið að reka hluta af heildverzluninni úr landinu og
jafnframt hefur áróður okkar verið harösnúnari og
líklega einbeittari undanfarin ár en stundum áður.
Neyðin hefur kennt verzlunarstéttinni að hún verður
að láta til sín heyra.
F.V.: Það hefur óneitanlega verið hart sótt að
verzluninni með sleitulausum áróðri að undanförnu.
Hvert er þitt mat á stöðu verzlunarinnar og þá sér-
staklega heildverzlunarinnar í því „áróðursstríði"?
Einar Birnir: Almennt séð er fráleitt að bera ekki
hönd fyrir höfuð sér. Aögerðarleysið er einhvers
konar yfirlýsing um vonda samvizku eða kjarkleysi.
Það eru aftur á móti verulegar líkur til að fólk vilji hlýða
á mál þess sem snýst til sóknar.
Verzlunarstéttin hefur ekki verið gjörn á að verja
sig. Það er mjög miður. Núna er hún komin út í horn
en hefur ákveöið að verjast umfram það sem áður
hefur veriö gert. Ég held að sú afstaða sé þegar farin
að skila árangri. Skoðanir fólks, sem maður hefur
50