Frjáls verslun - 01.01.1980, Blaðsíða 31

Industrie, ,,Við getum tryggt flug-
félögunum hagkvæmari rekstur
með því að þau geta flogið með
190 manns í þotu sem hefur rými
fyrir 300 án þess að tapa á því."
Airbus er evrópsk flugvél í þess
orðs merkingu: Eldsneytiskerfið
og stélið er framleitt í V-Þýzka-
landi, samsetningin fer fram í
Frakklandi, vængir og ,,flappar"
eru framleiddir í Bretlandi, hliðar-
stýri og hurðir á Spáni auk þess
sem ýmis vökvaþrýstibúnaður í
vængina er framleiddur í Hollandi.
Samanlagt er gert ráð fyrir að um
17 þúsund manns hafi atvinnu af
framleiðslu vélanna í Evrópu. Gert
er ráð fyrir aö tala starfsmanna í
þessum 5 löndum muni vera farin
að nálgast 40 þúsund á síðari
hluta næsta áratugar.
Á kostnað bandarískra
flugvélaframleiðenda
,,Það þýðir ekkert fyrir okkur
lengur að ætla að selja í Evrópu",
segir talsmaður bandarísku flug-
vélaverksmiðjanna McDonnel
Douglas. Meira að segja Boeing
hefur áhyggjur af þróuninni: Nýja
flugvélin þeirra af meðalstærð,
Boeing 767, selst ekki í Evrópu.
Forstjóri Airbus, Lathiére, segir:
,,Ég tel það engan skaða þótt
Bandaríkjamenn haldi einokunar-
veldi sínu aðeins á 75% heims-
markaðarins. Bandaríkin eru lang-
stærsti markaðurinn fyrir flugvélar
og verður það eflaust áfram."
Þegar að er gáð . . .
Þegar farið er að skoða áhrif
Airbus á hlut bandarískra fyrir-
tækja á þessu sviði kemur í Ijós að
ekki er allt sem sýnist. Án banda-
rískra fyrirtækja hefði Airbus ekki
orðið það sem hún er, mótorarnir
eru frá General Electric og Pratt &
Withney, rafeindatækin eru að
mestum hluta framleidd af banda-
rískum fyrirtækjum og svo er um
fleira sem notað er í Airbus. Eftir
því sem Lathiére segir fara 33% af
hverjum dollar sem fæst fyrir Air-
bus til bandarískra fyrirtækja.
Sölutækni
Bernard Lathiére hefur orðið
verulega ágengt sem forstjóri Air-
bus Industrie. Hann er á fartinni út
um allan heim að selja flugvélar.
Þegar stóra flugsýningin var síðast
haldin í Farnborough lét hann
mála allar Airbus vélarnar í sama
lit, orange og með brúnum borða
eftir endilöngu. Með þessu móti
var auðvelt að þekkja þær á löngu
færi og þær vöktu miklu meiri at-
hygli fyrir bragðið. Áhrifin létu ekki
á sér standa: Franska ríkisstjórnin
féllst á að leyfa aukningu flugvéla-
framleiðslunnar í Toulouse úr 2,3
flugvélum á mánuði í 3 á árinu
1980 og um leið er í athugun að
leyfa aukningu í allt að 10 vélar á
mánuði í náinni framtíð. Airbus
Industrie hefur einnig í hyggju að
framleiða vél fyrir lengri vega-
lengdir.
Lathiére telur að flugumferð
muni þrefaldast á næsta áratug
og að Airbus muni án efa taka
verulegan þátt í þeirri framþróun.
Þess má einnig geta að Airbus er
talin hafa talsverða pólitíska þýð-
ingu: Framleiðsla og söluárangur
er talinn sýna að samstarf Evrópu-
þjóða á sviði þróaðs iðnaðar sé
ekki einungis framkvæmanlegt