Frjáls verslun - 01.01.1980, Blaðsíða 58
þess að hann er ráðinn til IKO
seinni hluta þessa sama árs og
vinnur hjá þeim fram til 1966 en
rúmum tveimur árum seinna setur
hann upþ fyrsta íslenska rekstrar-
ráðgjafafyrirtækið hér á landi, þ.e.
fyrirtækið Hannarr s/f.
Forkannanir IKO
í iðnfyrirtækjum
Um 1965 vinnur IKO að upp-
setningu rekstrar- og fjárhags-
bókhalds fyrir SH og keypti Sam-
band íslenskra samvinnufélaga
hluta af þessu verki þannig aó þaó
fékk aðgang að öllum gögnum, en
þetta verður síöan grundvöllur að
notkun bókhalds við rekstur frysti-
húsa Sjávarafuröadeildar SlS.
Árið 1966 er stofnað formlegt
útibú frá IKO hér á landi eins og
fyrr segir og er Helgi G. Þórðarson
þá ráðinn til fyrirtækisins og tók
hann við af Benedikt Gunnarssyni.
Byrjar Helgi á því að starfa í Noregi
en kemur svo hingað heim. Á
þessum tíma byrjar IKO með svo-
kallaðar forkannanir í iðnfyrirtækj-
um hér. Þeim var þannig háttað að
ráðgjafar komu inn í fyrirtækin og
unnu þar að sínum verkefnum í
2—3 daga. Markmið þessarar
vinnu var að finna hvar helst mætti
hagræða fremur en að hér væri
um eiginlega ráðgjöf að ræða.
Urðu þessar forkannanir ekki mjög
vinsælar og þóttu kannski helst til
dýrar miðað við árangur.
Með því efnahagsáfalli sem
verður við hvarf síldarinnar árið
1967 verður mikill samdráttur í
starfsemi IKO, og 1969 var þannig
komið að aðeins tveir Islendingar
eru á skrifstofu IKO hér á landi, en
allir Norðmennirnir farnir. I júní
þetta sama ár fer aftur að glæðast
meö verkefni, en þá er Helgi orð-
inn einn eftir á skrifstofu IKO. 1970
koma þó tveir Norðmenn hingað
gagngert til að vinna aö einu verk-
efni. Það var að hanna skrifstofu
og innheimtu Tollstjóraembættis-
ins í svokölluðum „kontorland-
skab"-stíl. Var þetta síðasta verk-
efnið sem norskir ráðgjafar leystu
af hendi fyrir hönd IKO.
Þáttur Lars Mjós
framkvæmdastjóra
Endalok IKO hér á landi tengjast
þáverandi framkvæmdastjóra
þess, Lars Mjós. Hann haföi mik-
inn áhuga á íslandi og án hans
áhuga á landinu er óvíst að IKO
hefði verið hér svo lengi sem raun
bar vitni, því fjárhagslega voru hér
ekki aðlaðandi verkefni fyrir IKO
og ekki var um neinn verkefna-
skort hjá fyrirtækinu að ræða
annars staðar. Lars Mjós var hald-
inn alvarlegum sjúkdómi og hafði
gengið með hann lengur en menn
grunaði í upphafi. Árið 1971 er
Mjós orðinn óstarfhæfur vegna
sjúkdóms síns og lést hann í árs-
byrjun 1972.
Tvö innlend
fyrirtæki sprottin
upp af starfi IKO
í desember 1971 bauð IKO
Helga G. Þórðarsyni fyrirtækió til
kaups með þeim skilyrðum að
hann tæki við þeim verkefnum
sem fyrirtækið hafði skuldbundið
sig til að framkvæma, þannig að
þeir gætu losað sig sem fyrst og
sársaukalaust við verkefnin. Úr
þessu varð og Helgi G. Þóröarson
tók við fyrirtækinu til eignar og
starfar við það enn í því húsnæði
sem hann tók við af IKO, að
Skúlagötu 63 í Reykjavík.
Þaö er því Ijóst að íslensk
rekstrarráögjafastarfsemi á IKO
mikið að þakka sem kveikju að
slíkri starfsemi hér á landi þar sem
tvö fyrirtæki hafa beinlínis sprottið
upp sem afleiðing af þessari starf-
semi, og er þar átt við Hannarr s/f
og fyrirtæki Helga G. Þórðarsonar.
Ekki má heldur gleyma Lars Mjós
því að án hans þátttöku er ekki að
vita hver þróunin hefði orðið.
58