Frjáls verslun - 01.01.1980, Blaðsíða 63

ÞEIR EIGA SITT RAÐHUS A DALVIK
— hver stórbygging-
in annarri veglegri rís
þar
Ráöhús eru ekki algeng í bæjum
landsins, en eru þó til, t.d. í Bol-
ungarvík, Hornafirði og víðar. Nýj-
asta og áreiðanlega glæsilegasta
ráðhús landsins eiga Dalvíkingar.
Dalvíkurbær hóf byggingu þess
haustið 1975, og nú eru þrír aðilar
fluttir í þetta fallega hús, Spari-
sjóður Svarfdæla, Bókhaldsskrif-
stofan h.f. og Bæjarskrifstofur
Dalvíkur.
Frjáls verzlun hafði tal af Valdi-
mar Bragasyni, bæjarstjóra Dal-
víkur og innti hann eftir ýmsu
varðandi bygginguna. Bæjarsjóð-
ur hóf einn bygginguna. Síðar
gengu aðrir aðilar inn í fyrirtækið,
en þeir eru auk þeirra sem áður var
getið, Brunabótafélag íslands og
Verkalýðsfélagið Eining. A efstu
hæö mun bæjarstjórn Dalvíkur fá
prýðisgóðan fundarsal með útsýni
í allar áttir. Þar er líka gert ráð fyrir
aðstöðu fyrir kaffistofu, sem yrði
þá sameiginleg fyrir starfsfólk
hússins. Sumir vilja reyndar að þar
verði kaffihús fyrir gesti og gang-
andi.
Það vekur athygli gestkomandi í
Dalvík hversu mikið er þar byggt.
Þrjú stórhýsi vekja mesta athygl-
ina, þ.e. ráðhúsið, heilsugæzlu-
stöóin, sem er vel á veg komin, og
heimili fyrir aldraða, en það hefur
fengið nafnið Dalbær.
,,Við höfum búið við það und-
anfarin ár að hafa aðeins einn
starfandi lækni, Eggert Briem, og
hann þjónar 2000 íbúa svæði,
Dalvík, Árskógsströnd, Svarfaðar-
dal og Hrísey. Við vonumst til að
með heilsugæzlustöðinni verði
læknum fjölgað hér. Að vísu býr
hér gamall læknir og hefur þaö
verið mikið öryggi fyrir okkur til
dæmis þegar Eggert er við störf
sin úti í Hrísey", sagði Valdimar.
Valdimar sagði að Dalbær hefði
opnað í júlí s.l. Þar eru 30 ein-
staklingsíbúðir.
Elst á óskalistanum eftir að
þessum þrem stórframkvæmdum
er lokið, er bygging grunnskóla-
húss. Teikning er filbúin að nýju
grunnskólahúsi, og er það teikni-
stofa Karl-Erik Rocksén sem
hannar húsið. Hann er einnig höf-
undur ráðhússins og Dalbæjar, en
Jón Haraldsson arkitekt teiknaði
heilsugæzlustöðina.
Þetta er ráðhúslð, myndarleg bygglng, telknuð á telknlstofu
Karl-Erik Rocksén í Reykjavík. Fyrlr framan húslð ættl með
tímanum að myndast fallegt ráðhústorg eða garður.
63