Frjáls verslun - 01.09.1992, Side 26

FRETTASKYRING
og söluturnar eru því með samtals um
24 prósent.
HOFÁMÖRG FYRIRTÆKI
Snemma á síðasta vetri byrjuðu
eigendur Hagkaups, erfingjar Pálma
heitins Jónssonar, stofnanda Hag-
kaups, á umfangsmiklum skipulags-
breytingum á fyrirtæki sínu. Aðaleign
þeirra er eignarhaldsfyrirtækið Hof
sf. Það fyrirtæki á síðan aftur nokkur
fyrirtæki eins og Hagkaup hf., Mikla-
torg sf. (Ikea), Álfheima hf. (Kosta
Boda), Kjötvinnsluna í Síðumúla,
Þyrpingu hf., sem á fasteignir víða
eins og í Kringlunni, og loks Fjárfest-
ingarfélagið Þor hf.
Það er einmitt Þor hf. sem keypti
helminginn í Bónus og 10-11 verslun-
unum. Af nokkrum fyrirtækjum, sem
móðurfyrirtækið Hof sf. á hluta í, má
nefna 40 prósent í vatnsútflutnings-
fyrirtækinu Þórsbrunni hf. á móti Víf-
ilfelli og Reykjavíkurborg og hluta í
fyrirtækinu Jari sf. sem á skyndibita-
stað í Kringlunni ásamt þeim Skúla á
Hótel Holti og Vífilfelli. Þá má nefna
að Hof sf. á hluta í íslenska útvarpsfé-
laginu, sem rekur Stöð 2 og Bylgjuna.
SIGURÐUR GÍSLISTJÓRNAR
NÚ ÖLLU í GEGNUM HOFSF.
Eignarhaldsfyrirtækið
Hof sf. er rekið eins og
hvert annað fjárfestingarfé-
lag sem ætlað er að ávaxta
fé sitt á sem bestan hátt.
Það er í gegnum þetta félag
sem þeir bræður, Sigurður
Gísli og Jón, stjórna. Þar
vaka þeir yfir möguleikum
framtíðarinnar. Um leið hafa
þeir bræður fjarlægst alla
beina daglega stjórnun á
undirfyrirtækjunum. Leyni-
legar viðræður þeirra við
eigendur Bónus, án vitund-
ar yfirmanna Hagkaups,
sýnir þetta best.
Hjá Bónus-fjölskyldunni,
Jóhannesi og fjölskyldu,
hafa einnig orðið breytingar
á eignarformi fyrirtækisins.
Fyrirtækið Bónus-ísaldi hf.
nefndist áður í daglegu tali
Bónus. Nú hefur fjölskyldan
hins vegar stofnað nýtt
fyrirtæki, sem heitir ísaldi hf., og er
það eignarhaldsfyrirtæki sem á helm-
inginn í Bónus sf. á móti Þor hf. Þá á
ísaldi hf. fjórðung í 10-11 verslunun-
um, fjölskylda Eiríks Sigurðssonar
fjórðung og Þor hf. helming.
í rauninni er það fernt sem getur
gert yfirlýsingar þeirra Sigurðar Gísla
og Jóhannesar í Bónus um áframhald-
andi samkeppni Hagkaups og Bónus
að veruleika. Eitt: Fyrirtækjanet
Hofs. Tvö: Uppbygging matvöru-
markaðarins. Þrjú: Ef slakað er á
samkeppni og vöruverð hækkað með
græðgi skýtur einfaldlega nýjum Jó-
hannesi í Bónus“ upp á markaðnum.
Fjögur: Hof sf., í gegnum dótturfyrir-
tæki sitt Þor hf., á ekki meirihluta í
Bónus heldur í nákvæmlega 50 prós-
ent.
Hugsanlega má bæta fimmta atrið-
inu við, sem er hugsjón og brautryðj-
endastarf beggja aðila fyrir lágu verði
á matvörumarkaðnum. í hugsjóninni
einni saman felst nefnilega ofurkraft-
ur. Tíminn einn og atkvæðaseðill
neytenda, sjálf buddan, munu hins
vegar leiða í ljós hvort samkeppnin
verður í samræmi við yfírlýsingar.
MATVÖRUMARKAÐURINN
SKIPTIST í ÞRJÚ SVIÐ
Af þessum atriðum er uppbygging
matvörumarkaðarins líklegast það
atriði sem þyngst vegur á vogarskál-
inni um að af áframhaldandi sam-
keppni geti orðið. Markaðnum má
skipta í nokkur svið. Verslanir með
óvenjulegt vöruverð, fremur lítið
vöruval, litla þjónustu og skamman
opnunartíma. Á þessum markaði er
Bónus. Þetta er markaður þar sem
viðskiptavinirnir einblína eingöngu á
verðið og ekkert annað.
Annar hluti markaðarins er mark-
aður stórverslana sem bjóða lágt
vöruverð, mikið vöruval, mikla þjón-
ustu og meðalopnunartíma. Á þess-
um markaði keppir Hagkaup. Þetta er
markaður þar sem viðskiptavinirnir
horfa ekki eingöngu á verðið heldur
gera einnig kröfu um mikið vöruúrval,
gæði og góða þjónustu.
Á þriðja sviðinu eru svo verslanir
sem eru tiltölulega litlar og bjóða
mjög langan opnunartíma, frá morgni
og langt fram á kvöld, alla daga vik-
unnar. Á þessum markaði keppa 10-11
verslanirnar. Vegna langs opnunar-
tíma er verðið í þessum
verslunum hærra en á hinum
mörkuðunum tveimur. Við-
skiptavinimir gera mesta
kröfu um að geta verslað eft-
ir eigin hentugleikum, á
kvöldin sem langt fram eftir
um helgar.
íslenski matvörumarkað-
urinn hefur verið að breytast
hratt á undanförnum árum.
Eins og aðrir lifandi markaðir
er hann stöðugt í þróun og
því verða þeir, sem þar
keppa, að halda vöku sinni
og fylgjast með og taka þátt í
þróuninni.
HAGKAUP BYRJAÐI í UPPHAFI
Á SVÍPAÐAN HÁTTOG BÓNUS
í raun byrjaði Hagkaup á
sínum tíma ekki ósvipað og
Bónus. Hagkaup opnaði
fyrst í gamalli hlöðu við
Miklatorg og bauð upp á lágt
vöruverð, lítið úrval og
ódýrt verslunarhúsnæði.
Síðan þróaðist verslunin yfir
Rök fyrir áframhaldandi
samkeppni
1. Fyrirtækjanet Hofs sf.
2. Uppbygging matvörumarkaöarins
3. Meö græögi kemur „nýr Jóhannes”
4. Þor hf. á ekki meirihluta í Bónus
JRJ
Þetta eru rökin fyrir því að áframhaldandi samkeppni
Hagkaups og Bónus geti orðið raunhæf.
26