Frjáls verslun - 01.02.1999, Síða 37

FSÍ og sú grundvallarbreyting hefúr orðið að
félögin innan sambandsins geta alveg treyst
Fimleikasambandinu. Það hefur náðst með því
að tryggja gott upplýsingastreymi um fjárhags-
stöðu FSÍ og önnur málefni þess.
Aðalvandamál Fimleikasambandsins, og
reyndar íþróttahreyfingarinnar allrar, var hve
lítið var til af peningum og hve frjálslega farið
var með þá peninga sem voru til. Peningarnir
voru oft meðhöndlaðir án allrar ábyrgðar. Það hafa komið nokkur
dæmi upp á borðið þar sem menn hafa viljað láta forystumenn
greiða til baka þegar peningar hafa týnst eða þeim verið eytt i
óráðssíu. Það hefur hins vegar skort kjark til þess að taka á þess-
um málum og þeir sem hafa farið illa með féð hafa sloppið. Það
hefur einfaldlega gerst vegna þess að aðal mottóið í íþróttahreyf-
ingunni er að „Dýrin í skóginum eiga að vera vinir“. „Mikki refur“
sleppur alltaf! Helsta vandamálið sem blasir við FSI nú er að sam-
dráttur hefur orðið í Lottótekjum, en þær hafa fram að þessu dug-
að næstum því tyrir húsaleigu og einum starfsmanni.
Eg sjálfur verð ekki íyrir of miklu ónæði vegna starfs míns í
FSÍ. Ég get stjórnað flestu í gegnum síma og fæ að mestu leyti frið
allan daginn. Ég tala alltaf við Önnu Möller, þjónustustjóra FSÍ,
klukkan fimm á daginn og við hittumst reglulega niðri í ÍSÍ í há-
deginu á föstudögum. Stjórnarfundir hjá FSÍ eru hálfsmánaðar-
lega. Auðvitað er snatt í þessu starfi af og til, en ekkert sem ég ræð
ekki við. Ég er búinn að venja mig við að vera við vinnu frá 8 á
morgnana til 6 á daginn og sá tími dugar mér í flestum tilfellum,
þótt undantekningar séu á því eins og gengur. Ég neita þvi ekki að
STJÓRNUN
besti vinnutíminn er eftir hádegi á laugar-
dögum,“ segir Arni Þór.
Að gefa af sér „Það er mín skoðun að
menn, sem gengur sæmilega vel í atvinnu-
lífinu, eigi að gefa eitthvað af sér. í útlönd-
um, til dæmis í Bandaríkjunum og Bret-
landi, er þetta velþekkt hugtak, „comm-
unity service” og er hátt skrifað. Því miður
gildir ekki alltaf það sama hér á landi. Það virðist vera komið í
tísku að vera upptekinn af sjálfum sér og forðast öll aukastörf. Ég
persónulega vil gjarnan fá annað sjónarhorn á vinnuna í öðrum
störfúm eins og þeim sem ég sinni hjá Fimleikasambandinu. Þar
er ég í samskiptum við fólk alls staðar að af landinu og fæ að kynn-
ast allt öðru andrúmslofti en ríkir á mínum vinnustað í Austur-
bakka.
Fimleikasamband Islands lítur björtum augum fram á veginn.
Sennilega er bjartasta von Islendinga um verðlaun á næstu Ólymp-
íuleikum á vegum Fimleikasambands Islands, þ.e.a.s. Rúnar Alex-
andersson, því hann er talinn einn af 12 bestu í heiminum á boga-
hesti. Gerpla hefur að mestu staðið straum af honum en við erum
að reyna að búa til stemningu í kringum hann 1 Kópavoginum, svip-
að og gert var með Jón Arnar á Sauðárkróki og Kristinn Björnsson
á Ólafsfirði.
Helstu vandamál íþróttasérsambandanna eru peningamál. Ég
tel að peningar, sem settir eru í æskulýðs- og íþróttastarf, séu
mjög ódýr þjónusta sem íþróttahreyfingin veitir. Iþróttahreyfingin
ætti því að vera með sóknargjöld eins og kirkjan!” S3
SÓKNARGJÖLD EINS OG KIRKJAN
ftiróttahreyt íngin ætti að vera með sóknar-
gjðld eins og kirkjan! Við hjá ibróttasér-
samböndum landsins burfum að vera dug-
legri að sýna (ram á hve góðu uppeldis-
starti við sinnum.
- flrni Þór Árnason
Golfið hefur gefið mér
góða reynslu í stjórnun
Hannes Guðmundsson, framkvœmdastjóri Securitas,
/
lét af embætti forseta Goljsambands Islands
á dögunum eftir sex ára starf
annes Guðmundsson, forstjóri Securitas, er einn þeirra
þekktu viðskiptaaðila sem gegnir formennsku í íþrótta-
sérsambandi. Hannes er forseti Golfsambands Islands.
Hann var spurður að því hvort viðskiptareynsla hans nýttist ekki
vel hjá Golfsambandinu. „í mínum huga leikur ekki vafi á því að
viðskiptareynsla kemur að góðum notum við að stýra Golfsam-
bandi íslands. Á sama hátt hefur reynsla mín frá Golfsambandinu
margoft nýst mér í mínu starfi hjá Securit-
as,“ segir Hannes.
„Rekstur GSÍ og Securitas er á þann
hátt líkur að í báðum tilvikum hefúr árlegur
vöxtur verið mikill og stöðugur ár frá ári.
Sömu lögmál gilda að því leyti að árangur
næst ekki nema bæði starfsfólk og við-
skiptavinir séu ánægðir. I tilviki Golfsam-
bandsins eru það golfklúbbarnir og félagar
þeirra, ásamt styrktaraðilum, sem koma í
stað viðskiptavina í almennum rekstri. Þá
er jafn mikilvægt í báðum tilvikum að
tjárhagslegur grunnur sé traustur."
- Er ekki erfitt að finna tíma til að
sinna formennskunni?
„Þegar viðfangsefnin eru skemmti-
leg, eins og raunin hefur verið hjá
Golfsambandinu, þá má, með góðu
starfsfólki og skipulagningu, finna
tíma til flestra verka.“
- Margir velta þvi fyrir sér hvort at-
vinnumennskan sé ekki á leið inn í sér-
samböndin í íþróttum.
„Ef spurt er hvort atvinnumennska eigi við kylfinga þá er ekki
í nokkurri íþróttagrein jafn skýr mörk á milli áhugamennsku og
atvinnumennsku. GSI hefur um margra ára skeið haft launaðan
framkvæmdastjóra og starfsmann á álagstímum. Stjórnarstörf
hafa ekki verið launuð og veit ég ekki til að nokkrum hafi dottið í
hug að taka upp slíkt fyrirkomulag. Sérsambönd íþróttafélaganna
eru rekin eins og fyrirtæki í dag og þróunin
hefúr verið stöðug í þá veru.
Eitt helsta vandamál golfhreyfingarinnar
er skortur á íslenskum golfkennurum.
Annað fyrirsjáanlegt vandamál er að stöðug
aukning kylfinga kallar á frekari framkvæmdir
við golfvallagerð. Ég óttast að skortur á golf-
völlum kunni að takmarka vöxt greinarinnar í
náinni framtíð. En þetta er eitt af þessum
ánægjulegu vandamálum sem fylgja íþrótta-
grein sem er í örum vextí,“ segir Hannes. 53
37
STJÓRNARSTÖRF EKKI LAUNUD
GSÍ helur um margra ára skeið hatt laun-
aðan framkvæmdastjóra og starfsmann á
álagstimum. En stjórnarstörf hata ekki
verið launuð og ég veit ekki til að
nokkrum manni hafi dottið i hug að taka
upp slíkt fyrirkomulag.
- Hannes Guðmundsson, forsetl Golfsambands
íslands s.l. sex ðr.