Frjáls verslun - 01.02.1999, Blaðsíða 57

□ ver er ég? Ég er svona blendingur.
Ég er fædd í Bandaríkjunum, faðir
minn er af írskum og spönskum inn-
flytjendum. Móðir mín er íslensk í aðra ætt-
ina en faðir hennar var norsk-danskur. Ég er
alin upp hér á íslandi frá tveggja ára aldri.
Þessi blanda gerir mér kleift að vera hörð,
mjúk, væmin eða villt eftir því sem hentar en
ég reyni þó alltaf að vera sanngjörn."
Þannig lýsir Elísabet Ann Cochran, hönn-
unarstjóri AUK, auglýsingastofu, sjálfri sér
og þeim áhrifum sem íjöljjjóðlegur uppruni
hefur haft á skapgerð hennar.
„Starf hönnunarstjóra á auglýsingastofu
getur verið mjög íjölbreytt.
Ég er aðallega í þemavinnu, hugmynda-
vinnu og markaðsvinnu með viðsldptavinum
og stýri jafnframt verkefnaflæðinu. Ég kem
einnig inn í stefnumótun og legg þar mitt af
mörkum, en mikil samvinna er í markaðs- og
auglýsingamótun milli stofunnar og við-
skiptavinanna. í dag ættu stórar stofur eins
og þessi að kalla sig markaðs- og auglýsinga-
stofur. Við leggjum mikla áherslu á að vinna
okkar skili viðskiptavininum markaðslegum
árangri. Hér áður fýrr voru auglýsingastofur
meiri teiknistofur. í dag kallar markaðurinn á
miklu meiri ráðgjöf í markaðsmálum, fagleg-
ar úttektir og aðra hugsun en áður. Þess
vegna erum við með MBA menntaða mark-
aðsfræðinga hér í vinnu sem geta mætt þess-
um kröfum svo og kröftuga hugmyndasmiði.
ímyndin skiptir fyrirtæki miklu máli og allt
sem við látum frá okkur í nafni viðskiptavin-
anna endurspeglar þá ímynd.“
Sem hönnunarstjóri hefur Elísabet, eða
Lizzie, eins og flestir kalla hana, yfirumsjón
með 7 hönnuðum og reynir að sjá til þess að
öllum verkefhum sem stofan tekur að sér sé
lokið á réttum tíma og óskum viðskiptavinar-
Elísabet Ann Cochran er hönnunarstjóri hjá A UK, auglýsingastoju. Hún bœði kafar og þeys-
ir um á mótorfák. FV-mynd: Kristín Bogadóttir.
Elísabet Ann Cochran, AUK
ins mætt. Elísabet varð stúdent frá Fjöl-
brautaskólanum í Breiðholti árið 1979, eftir
það starfaði hún hjá hreinsunardeild Reykja-
víkurborgar í eitt ár. Úr öskunni fór hún í
grafíska hönnun í MHÍ og sleppti fornáminu
enda haíði hún tekið ígildi þess í FB.
Hún útskrifaðist árið 1983 og fór að vinna
hjá Auglýsingastofu Gísla B. Björnssonar.
Það var síðan árið 1986 sem hún kom tíl
starfa á AUK og hefur verið þar tíl þessa og
unnið tíl fjölda verðlauna.
„Það hafa orðið miklar breytingar í
þessu starfi frá því að ég lauk námi en
með tilkomu tölvanna árið 1990 hófst það
breytingaskeið sem gjörbreyttí starfsum-
hverfi auglýsingastofanna. Tölvan er þó
aðeins tæki - öll hugmyndavinna og út-
færsla kemur álfam frá okkur.“
Elísabet fæst við óvenjuleg áhugamál í
frístundum sínum. Á sumrin þeysir hún
um á Intruder 750 mótorhjóli innan lands
og utan og þegar hún fer í frí erlendis
stundar hún köfun.
„Það er heillandi heimur niðri í sjón-
um og frábært að hverfa þangað. Ég hef
ekki enn prófað að kafa hérna á Islandi
vegna kuldans."
Hestamennska og skiði teljast einnig
tíl áhugamála hennar. Sambýlismaður
Elísabetar er Jón Örn Valsson, fram-
kvæmdastjóri AUK. Þau eiga samtals
tjögur börn.“ 33
TEXTI: PÁLL ÁSGEIR ÁSGEIRSSON
57