Frjáls verslun - 01.02.2000, Side 70

AUGLÝSINGAHERFERÐ
Leifur heppni og
Auglýsing Flugleiða á CNN er stutt en
eftirtektarverð. Rúrik Haraldsson
les úr Hávamálum og vakin er at-
hygli á því að íslendingurinn Leifur Eiríks-
son hafi fundið Ameríku fyrstur og eru
áhorfendur hvattir til að treysta þeim sem
firndu Ameríku - og fljúga með þeim yfir
Atlantshafið. Grafíkin er sterk í auglýsing-
unni og blái liturinn mjög afgerandi en
myndskeiðin stutt og skipt ört á milli.
Markhópurinn er ungt fólk á uppleið.
Fólk sem ekki hefur tíma til að bíða lengi eftir flugi eða þolin-
mæði til að bíða á flugvöllum eftir tengiflugi. Fólk sem hefur
nægt fé handa á milli og þarf að ferðast á milli Evrópu og Amer-
íku á sem stystum tíma.
Ungt og framsækið „Markhópurinn var skilgreindur eftir tals-
verða umhugsun og á þeim forsendum að eldra fólk í áhrifastöð-
um væri væntanlega búið að mynda sér skoðun og ákveða sitt
uppáhaldsflugfélag og skapa viðskiptavild innan þess. Unga fólk-
ið er hins vegar ennþá að mynda sér skoðun og á því byggjum
við okkar markaðssókn. Við höfðum til þess að félagið sé ungt,
framsækið og öðruvísi og svo ekki síst að það sé með stysta flug-
tíma á milli fjölmargra áfangastaða í Evrópu og Ameríku," segir
Þórir Hrafrisson hjá íslensku auglýsinga-
stofunni sem sá um gerð auglýsingarinn-
ar ásamt þeim Halldóri Birni Halldórssyni
á Islensku auglýsingastofunni, Lárusi
Halldórssyni og Lárusi Jónssyni hjá Saga
Film.
Hann segir ýmis mál hafa komið upp
við gerð hennar og að hún hafi átt sér
langan aðdraganda, eða um þrjá mánuði.
„Þarna er verið að keppa við fyrirtæki
sem telja 40 milljóna króna auglýsingu
bara nokkuð ódýra á meðan auglýsing sem fer eitthvað yfir 2
milljónir hér á landi er talin dýr. Þessi auglýsing þurfti því að líta
út fýrir að vera miklu meira og dýrari en hún raunverulega var.
Við þurftum að koma Flugleiðum á kortið sem flugfélagi því það
er ekki sjálfgert að fólk úfi í hinum stóra heimi viti af þeim. Sem
dæmi má nefiia að þegar hitabylgja gengur yfir Bandaríkin leit-
ar fólk gjarnan í símaskránni og finnur Icelandair og hringir.
Ekki til að panta flugferð til kaldari staða heldur til að leita upp-
lýsinga um loffkælingakerfi! Nafnið Icelandair segir nefnilega
ekki endilega til um hvers konar fyrirtæki sé um að ræða og því
er mikilvægt að koma því að sem flugfélagi fyrst og fremst, stað-
setja það á sama svæði og önnur stærri flugfélög. Það tekst að
vissu leyti með því að vera með auglýsingaherferð á CNN því
þannig verður félagið eins og sagt er „larger than life“ - virðist
stærra en það í raun og veru er.
Þegar svo búið er að staðsetja félagið á réttri tröppu er næsta
skref að búa til karakter félagsins, ákveða sérstöðu þess á tröpp-
unni. Auglýsingin höfðar mjög til ungs fólks á uppleið en vekur
um leið athygli á því að félagið flýgur á milli Evrópu og Ameríku.
Það skiptir miklu meira máli fyrir þennan viðskiptavinahóp að
komast hratt á milli staða en hvað flugsætið kostar og því er ver-
ið að höfða til stöndugra farþega fyrst og fremst því þarna eru
miklir peningar í húfi.“
Hávamálin með karakter Þórir segir að við gerð auglýsingar-
innar hafi verið lögð áhersla á Skandinavíutengslin þvi viða í
heiminum séu ákveðin samasemmerki á milli Skandinavíu og
gæða. Hann nefnir sem dæmi Volvo, sem er mikið stöðutákn í
Ameríku, og segir að sú kvikmynd hafi enn ekki verið framleidd
í Ameríku þar sem skúrkurinn aki á Volvo, ímynd bílsins leyfi
það einfaldlega ekki. Lestur Hávamála setur ákveðinn blæ á aug-
lýsinguna, sérstaklega af þvi að Rúrik Haraldsson les þau með
skandinaviskum hreim en ekki á amerískri ensku sem hefði
ekki sama karakter. Leifur Eiríksson er einnig notaður sem
áherslupunktur, hann var fyrstur til að finna Ameríku og frægð
hans er notuð til að vekja athygli.
Slagorðið er grípandi, enda segir Þórir hálfan slaginn unninn
Þórir Hrafnsson hjá íslensku auglýsingastofunni. Hann sá um gerð aug-
lýsingarinnar ásamt þeim Halldóri Birni Halldórssyni á lslensku aug-
lýsingastofunni, Lárusi Halldórssyni og Lárusi Jónssyni hjá Saga Film.
Herferð Flugleiða á CNN er
stœrsta auglýsingaherferð íslensks
fyrirtækis erlendis. Markhópur-
inn er ungt og stöndugt fólk sem
flýgur á viðskiþtafarrými.
Eftir Vigdísi Stefánsdóttur Myndir: Gcir Ólafsson