Morgunblaðið - 20.01.2001, Blaðsíða 52

KIRKJUSTARF
52 LAUGARDAGUR 20. JANÚAR 2001 MORGUNBLAÐIÐ
ANNAÐ kvöld, sunnud. 21. janúar,
verður kvöldmessa í Grensáskirkju
og hefst hún kl. 20.
Kvöldmessan ætti að höfða til
þeirra sem vilja gjarnan sækja guðs-
þjónustur í kirkju en finnst hefð-
bundið form þunglamalegt og frá-
hrindandi.
Lagt er upp úr léttum og kröftug-
um söng við píanóundirleik. Allt
form messunnar er mjög einfalt og
töluðu máli stillt í hóf. Sjálf messan
tekur innan við klukkustund en að
henni lokinni er molasopi í safnaðar-
heimilinu.
Slíkar kvöldmessur eru í Grens-
áskirkju þriðja sunnudag í mánuði
yfir vetrartímann. Þær miðast ekki
við neinn einn hóp öðrum fremur og
að sjálfsögðu eru allir velkomnir!
Æðruleysismessa
Dómkirkjunnar
ÆÐRULEYSISMESSA Dómkirkj-
unnar tileinkuð fólki í leit að bata
eftir tólfsporakerfinu verður í Dóm-
kirkjunni í Reykjavík sunnudags-
kvöldið 21. janúar kl. 20.30. Þar eru
allir velkomnir til tilbeiðslu og æðru-
leysis. Lofgjörðina leiðir söngkonan
lífsglaða Anna Sigríður Helgadóttir
við undirleik bræðranna fjölhæfu
Harðar og Birgis Bragasona. Einnig
munu Evróvisjóngaurarnir Grétar
Örvarsson og Einar Ágúst gleðja
okkur með söng.
Sr. Karl V. Matthíasson leiðir
stundina, sr. Jakob Ágúst Hjálmars-
son predikar og sr. Jóna Hrönn
Bolladóttir leiðir fyrirbæn. Jafn-
framt verður reynslusögu deilt með
viðstöddum. Í lok stundarinnar
verður fólki boðið fram til fyrirbæna
og smurningar.
Æðruleysismessur eru einstakar
og helgar stundir þar sem fólk kem-
ur og leitar af heiðarleika eftir sam-
félagi við Guð og meðbræður sína.
Það sem einkennir messurnar er létt
sveifla í helgri alvöru. Æðruleysis-
messur eru 21. aldar messur og það
eru allir velkomnir.
Samkirkjulega
bænavikan
Á MORGUN, sunnudaginn 21. jan-
úar, hefst hin árlega samkirkjulega
og alþjóðlega bænavika um einingu
kristinna manna. Bænavikan hefst
með guðsþjónustu í Dómkirkjunni á
morgun kl. 11 og predikar Miriam
Óskarsdóttir frá Hjálpræðishernum.
Síðan verða nokkrar kvöldsamkom-
ur, sem allar hefjast kl. 20.30. Mið-
vikudagskvöldið 24. janúar verður
samkoma í Kristskirkju í Landakoti
og predikar þar herra Johannes Gij-
sen, biskup kaþólsku kirkjunnar á
Íslandi. Fimmtudagskvöldið 25.
janúar verður samkoma í Herkast-
alanum og predikar þar sr. Jakob
Rolland, sóknarprestur í St. Jósef-
skirkju í Hafnarfirði. Föstudags-
kvöldið 26. janúar verður samkoma í
Aðventkirkjunni og predikar þar sr.
Hjalti Guðmundsson, dómkirkju-
prestur. Bænavikunni lýkur laugar-
dagskvöldið 27. janúar með sam-
komu í Fíladelfíukirkjunni. Það er
samstarfsnefnd kristinna trúfélaga,
sem stendur að bænavikunni og eru
allir velkomnir á samkomurnar.
Senjoritur í
Kópavogskirkju
ÞAÐ er fastur liður í helgihaldi
Kópavogskirkju að kórar komi í
heimsókn, taki þátt í almennum
safnaðarsöng og syngi sérstaklega
að lokinni predikun. Nú á sunnudag-
inn, 21. janúar, kl. 14, koma Senjorít-
ur Kvennakórs Reykjavíkur í heim-
sókn og syngja nokkra sálma/lög
undir stjórn Sigrúnar Þorgeirsdótt-
ur. Séra Ólöf Ólafsdóttir predikar og
sóknarprestur þjónar fyrir altari.
Fermingarstúlkur lesa ritningar-
lestra, kór Kópavogskirkju syngur
og leiðir safnaðarsöng undir stjórn
Julians Hewlett organista.
Alfanámskeið í
Íslensku
Kristskirkjunni
NÆSTA Alfanámskeið hjá Íslensku
Kristskirkjunni hefst þriðjudaginn
6. febrúar næstkomandi. Þetta er
sjötta Alfanámskeiðið sem við höld-
um hér í Reykjavík.
Alfa er aðgengilegt námskeið fyrir
þá sem vilja endurnýja og lífga upp á
barnatrúna; rifja upp helstu atriði
kristninnar; leita svara við mikil-
vægustu spurningum lífsins og lifa
heilbrigðu og góðu lífi, og þessu til
viðbótar að vera í góðum félagsskap.
Alfa stendur yfir tíu þriðjudags-
kvöld frá kl. 19 til 22. Námskeiðið
kostar aðeins 4.000 krónur og þá er
allt innifalið: kennsla, námskeiðs-
gögn og matur.
Skráning fer fram á skrifstofu Ís-
lensku Kristskirkjunnar, Bíldshöfða
10, Reykjavík (ath. skrifstofan er
lokuð á mánudögum og f.h. aðra
virka daga).
Íslenska Kristskirkjan,
Bíldshöfða 10, 2. hæð.
Leikari í heimsókn í
sunnudagaskólann í
Digraneskirkju og
sálfræðingur í
hjónastarfið
Á MORGUN kemur Eggert Kaaber,
leikari, í heimsókn í sunndudagskól-
ann, sem er kl. 11 um leið og messan.
Hann flytur leikþáttinn Ævintýrið
um óskirnar tíu. Það byggir á bók-
inni Við Guð erum vinir eftir Kari
Vinje. Eggert bregður sér í ýmis
hlutverk í leikritinu af alkunnu fjöri.
Síðar á sunnudag fær hjónastarf
Digraneskirkju Martein Steinar
Jónsson, sálfræðing, á fund kl. 20:30.
Hann mun fjalla um áhrif meðvirkni
á samskipti hjóna og áhrif meðvirkni
á tilfinningaþroska barna. Hér um
mjög áhugavert erindi að ræða sem
á erindi til allra. Á eftir er boðið upp
á stutta kyrrðarstund í kirkjunni
fyrir þá sem vilja og geta. Dag-
skránni lýkur milli kl. 22 og 22.30.
Góður gestur heim-
sækir KFUM og
KFUK á morgun
SR. EGILL Hallgrímsson, sóknar-
prestur í Skálholti, verður ræðu-
maður á samkomu í aðalstöðvum
félaganna kl. 17:00. Hann mun fjalla
um efni samkomunnar sem er:
„Hegðið yður eins og samboðið er
fagnaðarerindinu“. Magnea Sverris-
dóttir, æskulýðsfulltrúi í Hallgríms-
kirkju, sem á sæti í æsklýðsnefnd
KFUM og KFUK, mun byrja sam-
komuna með stuttu ávarpi og bæn
og Katrín Þ. Guðlaugsdóttir mun
gleðja samkomugesti með söng.
Fjölbreytt starf verður fyrir börnin
á meðan samkoman stendur yfir. Á
eftir geta samkomugestir staldrað
við og spjallað saman yfir ljúffengri
máltíð á mjög hagstæðu verði. Allir
eru hjartanlega velkomnir.
Kvöldvaka í
Fríkirkjunni í
Hafnarfirði
EINU sinni í mánuði er boðið upp á
notalegar kvöldvökur við kertaljós í
Fríkirkjunni í Hafnarfirði og hafa
þessar samverustundir notið vin-
sælda.
Fyrsta kvöldvakan á þessu nýja
ári verður á sunnudagskvöldið 21.
janúar og hefst kl. 20. Eins og áður
hefur Örn Arnarson tónlistarmaður
umsjón með söng og tónlist og fær
til liðs við sig hæfileikafólk á því
sviði.
Að þessu sinni verður sr. Bern-
harður Guðmundsson sérstakur
gestur kvöldsins og flytur erindi sem
hann kallar „tíminn og við“ og er
sannarlega þarft umhugsunarefni á
tíma hraða og streitu, en sr. Bern-
harður er löngu kunnur fyrir líflega
og létta umfjöllun um margvísleg
málefni.
Það eru allir velkomnir á þessar
kvöldvökur Fríkirkjunnar.
Árbæjarkirkja: Æskulýðsfélag fyrir
13 ára (fermingarbörn vorsins 2001)
kl. 20.-21.30. Æskulýðsfélag eldri
deildir 9. og 10. bekkingar kl. 20-
21.30.
Digraneskirkja: Kl. 20.30. Hjóna-
klúbbur Digraneskirkju. Marteinn
Steinar Jónsson sálfræðingur fjallar
um áhrif meðvirkni.
Fella- og Hólakirkja: Starf fyrir 9-
10 ára drengi á mánudögum kl. 17-
18. Æskulýðsstarf fyrir 9.-10. bekk á
mánudögum kl. 20-22.
Grafarvogskirkja: Bænahópur kl.
20. Tekið er við bænarefnum alla
virka daga frá kl. 9-17 í síma 587-
9070. Mánudagur: KFUK fyrir
stúlkur 9-12 ára kl. 17.30-18.30.
Hjallakirkja: Æskulýðsfélag fyrir 8.
bekk kl. 20.30 á mánudögum. Préd-
ikunarklúbbur presta í Reykjavík-
urprófastsdæmi eystra er á þriðju-
dögum kl. 9.15-10.30. Umsjón: Dr.
Sigurjón Árni Eyjólfsson.
Seljakirkja: Fundur í æskulýðs-
félaginu Sela kl. 20 fyrir unglinga
13-16 ára.
Neskirkja. Félagsstarf eldri borg-
ara í dag kl. 14 í safnaðarheimilinu.
Samfylgd okkar við kirkjuna. Minn-
ingarbrot. Umsjón sr. Halldór
Reynisson. Kaffiveitingar. Munið
kirkjubílinn. Allir velkomnir.
Grafarvogskirkja. AA-hópur kl. 11.
Hjálpræðisherinn. Kl. 13 laugar-
dagsskóli.
Fríkirkjan Vegurinn: Fjölskyldu-
samkoma kl. 11. Léttur hádegisverð-
ur á eftir. Samkoma kl. 20, Ragna
Björk Þorvaldsdóttir predikar. Allir
hjartanlega velkomnir. Mánudag kl.
18.30 fjölskyldubænastund og súpa
og brauð á eftir.
Kefas: Almenn samkoma kl 14,
ræðumaður: Sigrún Einarsdóttir.
Mikil lofgjörð og fyrirbæn. Kaffi og
spjall að lokinni samkomu. Allir
hjartanlega velkomnir!
Landakirkja í Vestmannaeyjum. Kl.
11 æfing, Litlir lærisveinar í safn-
aðarheimilinu, yngri og eldri börn.
Hvammstangakirkja. Sunnudaga-
skóli kl. 11.
Akraneskirkja. Kirkjuskóli kl. 11.
TTT-starf (10-12 ára) kl. 13. Um-
sjón: Hreiðar Örn Stefánsson.
Morgunblaðið/Gísli Sig.Grafarvogskirkja.
Kvöldmessa
í Grensáskirkju
Safnaðarstarf
FRÉTTIR
Á FUNDI bæjarstjórnar Borgar-
byggðar sem haldinn var fimmtu-
daginn 18. janúar 2001 var eftirfar-
andi ályktun lögð fram og samþykkt:
„Bæjarstjórn Borgarbyggðar lýs-
ir yfir miklum vonbrigðum með þá
ákvörðun stjórnar Goða hf. að stað-
setja höfuðstöðvar fyrirtækisins, þar
með talið alla kjötvinnslu, á höfuð-
borgarsvæðinu.
Kjötvinnsla hefur verið mikilvæg-
ur hluti atvinnustarfseminnar í
Borgarnesi um langan tíma. Með
sameiningu þeirrar starfsemi við
Goða sl. sumar voru uppi fögur fyr-
irheit um áframhaldandi öfluga
starfsemi í Borgarnesi og jafnvel að
hún yrði aukin til muna. Á fundi full-
trúa Borgarbyggðar með stjórn og
framkvæmdastjóra sl. haust kom
fram að starfsemin yrði a.m.k. ekki
dregin saman og jafnvel aukin.
Stjórnir fyrirtækja hafa vissulega
það hlutverk að sjá til þess að hag-
kvæmni sé gætt í starfsemi þeirra og
taka sínar ákvarðanir út frá því.
Það er hins vegar dapurleg stað-
reynd að fyrirtæki, sem byggja á úr-
vinnslu landbúnaðarafurða og voru
til skamms tíma að stórum hluta í
eigu Kaupfélaganna víðs vegar um
land, hafa smám saman horfið af
sjónarsviðinu eða verið sameinuð og
flutt á höfuðborgarsvæðið. Svo virð-
ist sem Goði verði gott dæmi um
slíka þróun, þvert á öll markmið um
eflingu byggðar og atvinnulífs utan
höfuðborgarsvæðisins. Því verður þó
vart trúað að ekki séu forsendur fyr-
ir rekstri slíkrar starfsemi utan höf-
uðborgarsvæðisins.
Þá leggur bæjarstjórn á það ríka
áherslu við stjórn Goða hf. að rekst-
ur sláturhúss í Borgarnesi verði
tryggður. Það er undirstaða þess að
áfram verði rekinn öflugur landbún-
aður í Borgarfirði auk þess sem það
skapar möguleika á því að áfram
verði ákveðinn hluti frumvinnslu í
Borgarnesi.“
Lýsa yfir vonbrigðum
með ákvörðun Goða hf.
SKÓLAVARÐAN, nýtt blað Kenn-
arasambands Íslands, hefur göngu
sína í dag. Blaðið er 24 blaðsíður að
stærð í A4 broti og kemur út tíu sinn-
um á ári, janúar til maí og ágúst til
desember.
Skólavarðan er málgagn Kennara-
sambands Íslands. Í sambandinu eru
sex aðildarfélög, Félag grunnskóla-
kennara, Félag framhaldsskólakenn-
ara, Skólastjórafélag Íslands, Félag
tónlistarskólakennara, Félag stjórn-
enda í framhaldsskólum og Félag
kennara á eftirlaunum. Félagsmenn
eru um 6500.
Skólavarðan leysir af hólmi tvö
eldri blöð. Á stofnþingi Kennarasam-
bands Íslands haustið 1999 var ákveð-
ið að leggja niður Ný menntamál og
Kennarablaðið en hefja í staðinn út-
gáfu á einu öflugu kennarablaði.
Markmið Skólavörðunnar er að
vera öflugur, lifandi og lýðræðislegur
miðill félagsmanna Kennarasam-
bands Íslands þar sem leitast er við
að styðja og efla félagsmenn, starf
þeirra og faglegan þroska á alla lund,
segir í fréttatilkynningu. Í blaðinu
verða birtar fréttir, greinar og viðtöl
um faglegt og fræðilegt efni á sviði
kennslu- og skólamála auk kjaramála
og annarra hagsmunamála félags-
manna Kennarasambands Íslands,
kennara, skólastjórnenda og náms-
ráðgjafa.
Í 1. tölublaði Skólavörðunnar er
m.a. fjallað um agamál í skólum, nýaf-
staðna kjarasamninga, starf trúnað-
armanna í skólum, fjölþjóðlegt skóla-
samstarf og fleira.
Áformað er að birta netútgáfu
Skólavörðunnar á heimasíðu Kenn-
arasambandsins, www.ki.is, þar sem
m.a. verður að finna lengri útgáfu
greina og ítarefni auk meginefnis
hvers blaðs.
Ritstjóri Skólavörðunnar er Krist-
ín Elfa Guðnadóttir, en ábyrgðarmað-
ur er Helgi E. Helgason forstöðumað-
ur Upplýsingasviðs Kennara-
sambandsins. Í ritstjórn blaðsins eru
Eiríkur Jónsson, formaður KÍ, Ása
Helga Ragnarsdóttir, fulltrúi Félags
grunnskólakennara, Sigurrós Er-
lingsdóttir, fulltrúi Félags framhalds-
skólakennara, Auður Árný Stefáns-
dóttir, fulltrúi Skólastjórafélags
Íslands, Kristín Stefánsdóttir, fulltrúi
Félags tónlistarskólakennara, og
Magnús Ingvason, fulltrúi Félags
stjórnenda í framhaldsskólum.
Blaðið er prentað í Prentsmiðjunni
Grafík.
Skólavarðan – nýtt tíma-
rit kennarasambandsins
LÖGREGLAN í Reykjavík auglýs-
ir eftir vitnum sem kunna að hafa
orðið vör við mannaferðir við
Hraunbæ 42 á tímabilinu frá kl. 4
til 5.20 aðfaranótt miðvikudags 17.
janúar s.l.
Lögreglan vinnur nú að rann-
sókn bruna, sem varð í sorp-
geymslu fjölbýlishússins. Ef ein-
hver hefur orðið var við
mannaferðir á umræddum tíma og
stað er sá hinn sami beðinn um að
hafa samband við lögregluna í
Reykjavík.
Lýsir eftir
vitnum vegna
bruna
Lögreglan í Reykjavík
Lýst eftir vitnum
LÖGREGLAN í Reykjavík lýsir
eftir vitnum að nokkrum umferð-
aróhöppum sem orðið hafa undan-
farna daga.
Ekið var á gráa Nissan Primera
bifreið við Skipholt 14 miðviku-
daginn 17. janúar á tímabilinu frá
kl. 11.30-15.10. Líklegt er að bakk-
að hafi verið inn í vinstri hlið bíls-
ins. Tjónvaldur ók af vettvangi en
hann og vitni að atvikinu eru beðin
að gefa sig fram við lögreglu.
Ekið var á bifreiðina UR-094,
sem er rauð fólksbifreið af gerð-
inni Lancer, fimmtudaginn 18.
janúar, þar sem hún stóð á stöðu-
reit fyrir framan Sporðagrunn 12.
Ákoma er á vinstri framhurð bif-
reiðarinnar og vinstri hliðar-
spegli.
Atvikið gerðist á tímabilinu frá
kl. 1 til kl. 11.45. Hugsanlegt er að
tjónvaldur hafi verið á blárri bif-
reið en ljósblár litur var á hliðar-
spegli. Þeir sem geta gefið upplýs-
ingar um ákeyrslu þessa eru
beðnir að hafa samband við lög-
regluna í Reykjavík.
Árekstur við Bæjarháls
og Hálsabraut
Miðvikudaginn 17. janúar sl. um
kl. 16.15 varð árekstur á gatna-
mótum Bæjarháls og Hálsabraut-
ar þar sem árekstur varð með bif-
reiðum af tegundinni Toyota
corolla, Volkswagen Polo og
slökkvibifreið á leið í útkall.
Rannsóknardeild lögreglunnar
í Reykjavík vinnur að rannsókn
málsins, óskað er eftir að þeir sem
vitni urðu að árekstrinum, hafi
samband við lögregluna í Reykja-
vík.
♦ ♦ ♦