Morgunblaðið - 20.01.2001, Blaðsíða 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 20. JANÚAR 2001 VERÐ Í LAUSASÖLU 165 KR. MEÐ VSK.
VARAN ehf. öryggisgæslufyrirtæki
hefur óskað eftir því við dómsmála-
ráðuneytið að lögreglumenntaðir
starfsmenn fyrirtækisins taki að sér
umsjón með myndavélum sem emb-
ætti Ríkislögreglustjóra notar til að
mæla hraða ökutækja.
Sólveig Pétursdóttir dómsmála-
ráðherra sagði á ráðstefnu um lög-
gæslumál á nýrri öld, þar sem þetta
kom fram, að hún vildi ekkert útiloka
í þessu sambandi. Nú þegar væru
verkefni, sem lögreglan sinnti áður,
komin til einkaaðila. Hins vegar bæri
að fara afar varlega. Löggæslumál
væru á margan hátt frábrugðin öðr-
um, það væri ein af grundvallar-
skyldum ríkisvalds að annast lög-
gæslu. „Það skiptir ákaflega miklu
máli að almenningur geti borið
traust til lögreglunnar og að hún sé
fullkomlega hlutlaus í sínum störf-
um,“ sagði Sólveig.
Júlíus Óli Einarsson, eigandi Var-
an ehf., sagðist í samtali við Morg-
unblaðið hafa fengið fyrirheit í ráðu-
neytinu um að málið yrði skoðað frá
öllum hliðum með jákvæðu hugar-
fari. Hann sagði að starfsmenn fyr-
irtækisins, sem að þessu kæmu, ef af
yrði, væru allir lögreglumenntaðir
og með reynslu og áhuga á umferð-
arlöggæslu. Nú þegar annast lög-
reglumenntaðir starfsmenn fyrir-
tækisins hvers konar öryggisgæslu,
verðmætaflutninga og lífvörslu og
taka að sér rannsóknarvinnu fyrir
fyrirtæki, stofnanir og einstaklinga,
svo sem vegna meintra trygginga-
svika.
Hann lagði áherslu á að um væri
að ræða verkefni þar sem ekki væri
um að ræða bein afskipti lögreglu af
borgurum. „Þetta er gagnaöflun og
gögnum mundum við skila til lög-
reglu,“ sagði Júlíus Óli og sagði hug-
myndina fram setta vegna áhuga á
bættum umferðarháttum með auknu
eftirliti og aðhaldi. Auk þess að auka
veltu fyrirtækisins mundi umsjón
þess með myndavélunum leiða til
þess að aukinn fjöldi lögreglumanna
væri tiltækur til sýnilegrar löggæslu
og eftirlits.
Ráðherra vill auka
löggæslu í Kópavogi
Á ráðstefnunni kom m.a. fram hjá
Sólveigu Pétursdóttur dómsmála-
ráðherra, að hérlendis væru fleiri
stöðugildi lögreglumanna á hvern
íbúa en á öðrum Norðurlöndum.
Lögreglumönnum hafi fjölgað um
10% síðustu fimm ár og fjárveitingar
aukist um tæplega 1,5 milljarða síð-
ustu tvö ár. Lögreglan í Kópavogi
hefði nokkra sérstöðu miðað við önn-
ur lögregluumdæmi á höfuðborgar-
svæðinu. Þar hafi íbúum fjölgað mik-
ið en lögreglumönnum ekki og taldi
Sólveig nauðsynlegt að fjölga í liðinu.
Steinunn Valdís Óskarsdóttir
borgarfulltrúi sagði borgaryfirvöld
ítrekað hafa kallað eftir því að lög-
gæsla yrði efld og gerð sýnilegri en
nú væri og gagnrýnt hve fáir starfs-
menn væru sýnilegir í löggæslu.
Stjórnvöld hefðu sýnt skilningsleysi
á fjárþörf lögreglunnar og hefði það
dregið úr krafti og metnaði lögregl-
unnar í borginni.
Steinunn taldi koma til greina að
sveitarstjórnir tækju við rekstri
hluta löggæslunnar en við pallborðs-
umræður andmælti dómsmálaráð-
herra slíkum hugmyndum. „Ég hef
ekki trú á því að [löggæslan] muni
eflast við slíkar breytingar, hvorki að
hún verði skipulegri né skilvirkari,“
sagði hún.
Í máli Jónasar Magnússonar, for-
manns Landssambands lögreglu-
manna, kom fram að 1984 hefði einn
lögreglumaður á hverja 493 íbúa
annast sýnilega löggæslu en árið
2000 einn lögreglumaður á hverja
830 íbúa. Með sýnilegri löggæslu
væri vísað til lögreglumanna í al-
mennri deild og umferðardeild, að
meðtöldum varðstjórum og þeim
sem sinna fjarskiptasambandi, eða
allra þeirra sem koma að daglegri
þjónustu við landsmenn.
Við þessa þróun bætist helmings-
samdráttur í yfirvinnu á tímabilinu.
Þá vinni hærra hlutfall lögreglu-
manna að rannsóknum og forvörnum
en áður og vegalengdir á svæðinu
hafi margfaldast, sem og fjöldi veit-
ingahúsa og ökutækja.
Einkafyrirtæki
vill reka hraða-
myndavélar
Gagnrýni á ráðstefnu í gær vegna ónógrar löggæslu á höfuðborgarsvæðinu
TÖLVUORMURINN
I-Worm.Navidad gerði í vikunni
usla í tölvukerfum fjölmargra
lögmanna hér á landi en hann
barst í tölvur þeirra með pósti
frá Lögmannafélagi Íslands.
Ormurinn þrífst á því að
sækja sér netföng í netfanga-
skrá viðtakanda og senda sjálf-
an sig áfram í hans nafni með
viðhengi sem heitir emanuel.-
exe.
Að sögn Ingimars Ingasonar,
framkvæmdastjóra Lögmanna-
félagsins, barst ormurinn félag-
inu með tölvupósti frá lög-
mannsstofu og komst þannig í
netfangaskrá félagsins með net-
föngum um 90% lögmanna á Ís-
landi.
Félagið sendi strax aðvörun
til félagsmanna en Ingimar seg-
ist hafa fengið tugi símtala í lið-
inni viku frá lögmönnum sem
opnuðu viðhengið og gátu síðan
ekki unnið við tölvurnar sínar
fyrr en ormurinn hafði verið
hreinsaður út.
Lögmenn
í vanda
vegna
tölvuorms
VEL gengur að fækka einbreiðum
brúm á hringveginum. Kristján
Baldursson, í brúardeild Vegagerð-
arinnar, segir að almenningur á
Suðurlandi hafi sérstaklega lýst yfir
ánægju með framvindu mála. Hann
segir að sums staðar hafi brýrnar
verið fjarlægðar og nýjar byggðar
og annars staðar gömlu brýrnar
verið endurnýjaðar og breikkaðar.
Kristján segir að mikil breyting
hafi orðið á síðastliðnum tveimur
árum á Suðurlandi. Á leiðinni frá
Reykjavík til Hornafjarðar hafi ein-
breiðum brúm fækkað mjög, en á
þessari leið voru áður tugir ein-
breiðra brúa.
Settar hafa verið tvíbreiðar brýr
yfir Kaldaklifsá, Hörgsá, þar sem
var 80 metra löng einbreið brú,
Kerlingardalsá og margar fleiri ár,
eða á bilinu 10–15 brýr á und-
anförnum árum á Suðurlandi. Nú er
verið að breikka brúna yfir Langá á
leið út á Snæfellsnes og Gljúfur á
þjóðvegi 1 til Akureyrar. Í Fljótsdal
er unnið að tvöföldun þriggja ein-
breiðra brúa.
Kristján segir að einbreiðum
brúm verði aldrei alveg útrýmt.
Þær verði áfram á minni vegum.
Hins vegar hafi verið sett ákveðin
markmið varðandi hringveginn.
Morgunblaðið/Jónas Erlendsson
Jón Hjálmarsson og Ágúst Bjartmarsson, starfsmenn Vegagerðarinnar í Vík í Mýrdal, taka niður skilti við þjóð-
veginn austan Kerlingardalsár. Brúin er nú orðin tvíbreið eins og fleiri brýr á Suðurlandi.
Einbreiðum brúm fækkar
NÓATÚN hefur samið við
seljanda írsku nautalund-
anna, dreifingarfyrirtækið
NAF International í Dan-
mörku, um að taka við þeim
fjórum tonnum sem ekki seld-
ust um áramótin. Verslana-
keðjan náði að selja um tvö
tonn áður en ákveðið var að
taka þær úr sölu sökum gagn-
rýni á innflutninginn frá ýms-
um aðilum, m.a. heilbrigðis-
nefnd Reykjavíkur og sam-
tökum neytenda og bænda.
Innflutningsverð lundanna
nam um fimmtán milljónum
króna þannig að Nóatún seldi
kjöt fyrir um fimm milljónir
króna. Að sögn Matthíasar
Sigurðssonar, framkvæmda-
stjóra Nóatúns, er líklegt að
seljandi kjötsins í Danmörku
setji það á markað í Evrópu
til kaupenda þar sem um al-
þjóðlega verslunarvöru er að
ræða. Það undirstrikaði að
hans mati að varan væri í lagi.
„Við tókum þá afstöðu að
kanna hvort viðkomandi aðili
í Danmörku væri tilbúinn að
kaupa kjötið af okkur aftur.
Svo reyndist vera og kjötið
verður væntanlega flutt fljót-
lega úr landi. Við tókum
þessa ákvörðun til að valda
sem minnstum áhyggjum og
óþægindum hjá okkar við-
skiptavinum,“ sagði Matthías.
Fara lík-
lega á
markað
í Evrópu
Írsku nautalund-
irnar seldar úr landi
STURLA Böðvarsson samgöngu-
ráðherra sagði á fréttamannafundi í
gær, að aðrir kostir en endurbyggð-
ur Reykjavíkurflugvöllur á núver-
andi stað eða flutningur miðstöðvar
innanlandsflugs til Keflavíkur væru
ekki raunhæfir. Hann telur staðsetn-
ingu flugvallarins í Vatnsmýrinni
ótvírætt hagkvæmustu lausnina.
Sérfræðingar breska flugmálafyr-
irtækisins British Aerospace Syst-
ems (BAe), sem fengnir voru til ráð-
gjafar um framtíð innanlands-
flugsins, leggja til að flugstarfsemin
á Reykjavíkurflugvelli verði sem
mest austan norður-suður-flug-
brautarinnar en þannig myndist
verulegt byggingarsvæði á háskóla-
og Skerjafjarðarsvæðinu.
Samgönguráðherra segir einnig
að ef farin verði sú leið að flytja aust-
ur-vestur-flugbrautina út í Skerja-
fjörð þurfi að tryggja að sú fram-
kvæmd komist í gegnum umhverfis-
mat og að íbúar Reykjavíkur verði
að gera sér grein fyrir því að borgin
verði að kosta þann flutning af sínum
skatttekjum.
Samgönguráðherra um
Reykjavíkurflugvöll
Vatnsmýrin
hagkvæm-
asta svæðið

Nýtt byggingarsvæði/35